ចង្រិតដែក
ដោយ ភឹម ថាវរ៉ូ
2015.11.25
2015.11.25
ឱ! ចង្រិតដែកតូចរឿងឫទ្ធិ ឫទ្ធិរឿងខ្លាំងពិតហៅហានក្លា
ក្លាហានប្រយុទ្ធប្រខាំគ្នា គ្នាខាំវេទនាមិនរាថយ។
ថយរាគ្រាខ្លះដៃចាក់រុក រុកចាក់ត្បាត្បុកមុខញ៉យៗ
ញ៉យៗញុះញង់នាំចិត្តភ្លយ ភ្លយចិត្តកើតស៊យស្ទុះចូលជល់។
ជល់ចូលលែងដឹងប្រឹងពីខាំ ខាំពីដើមឆ្នាំមិនគិតយល់
យល់គិតដៃគូខាំតទល់ ទល់តប្រឹងជល់ផ្ដាច់ពូជខ្លួន។
ខ្លួនពូជចង្រិតដែកពួកមួយ មួយពួកដៃជួយញុះផ្ទួនៗ
ផ្ទួនៗចាក់រុកឲ្យប្រុងខ្លួន ខ្លួនប្រុងរៀងខ្លួនខាំមិនយល់៕