ផ្ទះប្រហែល៣០០ខ្នងត្រូវបំផ្លាញដោយអគ្គិភ័យនៅឫស្សីកែវ
ដោយ សេក បណ្ឌិត
2009-11-19
យ៉ាងហោចណាស់មានផ្ទះជនជាតិចាមប្រហែល៣០០ខ្នងត្រូវបំផ្លាញទាំងស្រុង ប៉ុន្តែពុំទាន់ដឹងថា មានមនុស្សប៉ុន្មាននាក់រងរបួសនៅឡើយ នៅក្នុងអគ្គិភ័យមួយដែលឆាបឆេះនៅសង្កាត់ច្រាំងចំរេះ២ ខណ្ឌឫស្សីកែវ ក្រុងភ្នំពេញ នៅព្រឹកថ្ងៃ១៩ វិច្ឆិកា។
១៩-វិច្ឆិកា-០៩: សមត្ថកិច្ចបាញ់ទឹកពន្លត់អគ្គិភ័យដែលឆាបឆេះនៅសង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ
ព័ត៌មានចុងក្រោយ អភិបាលរងខណ្ឌឫស្សីកែវ លោកស្រី លី រ៉ូហ្សាមី និយាយថា អគ្គិភ័យបានចាប់ផ្តើមរលត់ទៅវិញនៅម៉ោងមួយរសៀល ហើយត្រូវបានគេសន្និដ្ឋានជំហានដំបូងថា ប្រហែលបណ្តាលមកពីការផ្ទុះហ្គាស ឬការទុស្សេចរន្តអគ្គិសនី។
លោកស្រី លី រ៉ូហ្សាមី មានប្រសាសន៍ឲ្យដឹងដូច្នេះ ៖ «អ្នករងគ្រោះដូចជាចេញអស់ អត់មានគ្រោះថ្នាក់ដល់ជីវិតមនុស្សទេ ប៉ុន្តែនាំគ្នាជម្លៀស។ អ្នកខ្លះដែលមានទូកហ្នឹង គាត់រើអីវ៉ាន់ដាក់ទូកចេញទៅត្រើយម្ខាង ខាងព្រែកតាសេក ហើយក៏មានអ្នកខ្លះជម្លៀសចេញមកខាងណេះថ្នល់ ឲ្យចេញផុតពីកន្លែងអណ្ដាតភ្លើង។ មូលហេតុនៃដើមភ្លើងខ្ញុំអត់ទាន់ដឹងច្បាស់ទេ មិនដឹងមកពីផ្ទុះធុងហ្គាស ឬក៏ទុស្សេខ្សែភ្លើងម៉េចយើងអត់ទាន់ច្បាស់ អត់ទាន់បានស្រាវជ្រាវច្បាស់ទេ រវល់តែខិតខំរឿងពន្លត់ រឿងអគ្គិភ័យហ្នឹង»។
ចាប់តាំងពីម៉ោងប្រមាណ៧និង៣០នាទីព្រឹកថ្ងៃព្រហស្បតិ៍ ទី១៩ វិច្ឆិកា ភូមិជនជាតិចាមចំនួន២ ត្រូវគ្របដណ្តប់ទៅដោយផ្សែងខ្មួលខ្មាញ់ និងអណ្តាតភ្លើងយ៉ាងសន្ធោសន្ធៅ។ ប្រជាពលរដ្ឋខំប្រវេប្រវារត់ចេញពីអណ្តាតភ្លើងដោយតក់ក្រហល់ ខ្លះស្រវាបានសម្ភារៈ ខ្លះរត់យកតែរួចខ្លួន។
ក្រុមអាជ្ញាធរពុំទាន់បានបញ្ជាក់ពីចំនួនគ្រួសាររងគ្រោះ និងការខាតបង់នៅឡើយទេ ខណៈភ្លើងកំពុងតែឆេះ។
ប៉ុន្តែប្រជាពលរដ្ឋរងគ្រោះផ្ទាល់បានឲ្យដឹងទាំងការស្រែកទ្រហោយំចំពោះមុខអណ្តាតភ្លើងដែលកំពុងឆាបឆេះផ្ទះគាត់ថា ៖ «ម្នាក់ៗរាប់ម៉ឺន(ដុល្លារ) មួយសម្បុក៨ពាន់ៗ អស់រលីងប្រដាប់ឧបករណ៍រកស៊ី។ អល់ឡោះជួយខ្ញុំផង! ជួយភ្លើងកុំឲ្យឆេះដល់ផ្ទះខ្ញុំ។ គេអត់ព្រមបាញ់ទឹកទេ។ បាញ់ទឹកផ្ទះខ្ញុំមួយទៅលោក»។
ព័ត៌មានបណ្តោះអាសន្នបានអះអាងថា សាលាសង្កាត់ឫស្សីកែវ ប៉ុស្តិប៉ូលិស និងផ្ទះរបស់ប្រជាពលរដ្ឋត្រូវបានបំផ្លាញ។
រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈ អ្នកឧកញ៉ា ឧស្មាន់ ហាស្សាន់ ដែលបានស្ថិតនៅកន្លែងកើតហេតុបានឲ្យដឹងថា តំបន់ឆេះនេះមានពីរភូមិ មានប្រជាជនច្រើនរស់នៅប្រជ្រៀតគ្នាជាយូរឆ្នាំមកហើយ ហើយ៩០% ជាជនជាតិចាម ធ្វើឲ្យឡានទឹកចូលមិនដល់ ដែលបង្កការឆេះរាលដាលកាន់តែខ្លាំង ប៉ុន្តែលោកមិនដឹងថា មានប៉ុន្មានគ្រួសារនោះទេ។
លោក ឧស្មាន់ ហាស្សាន់ បានឲ្យដឹងដូច្នេះ ៖ «ផ្ទះនៅតំបន់នេះយើងអត់មានកន្លែងចូលទៅជួយពន្លត់នៅពេលអគ្គិភ័យឆាបឆេះខ្លាំង ដល់អ៊ីចឹងវាជាការលំបាកមួយ ទោះបីយើងប្រៀបធៀបថា ឃើញរថយន្តជាច្រើនមកពីគ្រប់ទិសទី ក៏ប៉ុន្តែដោយសារថា មិនអាចចូលទៅពន្លត់នៅក្នុងបាន»។
ជាមួយគ្នានេះលោកសូមអំពាវនាវឲ្យមានកិច្ចសហការគ្នាជួយសង្គ្រោះជាបន្ទាន់ ដូចជាសម្ភារៈ ស្បៀងអាហារជាដើម។ ក្រៅពីគ្រោះអគ្គិភ័យ ខណៈនោះក៏កើតចោរលួចឆ្លៀតឱកាសបន្លំយកសម្ភារៈជនរងគ្រោះជាច្រើន ៖ «ម៉ូតូជនរងគ្រោះដាក់ចោល ចូលទៅយកអីវ៉ាន់ក្នុងផ្ទះ ចេញមកវិញបាត់ៗ។ អម្បាញ់មិញដេញចាប់ចោរមួយដែរចាប់អត់ទាន់»។
មកដល់ពេលនេះ អាជ្ញាធរពុំទាន់មានរបាយការណ៍សរុបអំពីការខូចខាតនោះនៅឡើយទេ ហើយគេក៏មិនទាន់មានផែនការច្បាស់លាស់នៅឡើយ ក្នុងការជួយសង្រ្គោះនិងឧបត្ថម្ភដល់ជនរងគ្រោះ ក្រោយអគ្គិភ័យនោះ៕
អត្ថបទដែលទាក់ទង
ភ្លើងឆេះផ្ទះជាង៣ល្វែងនិងដេប៉ូឈើមួយចំនួនក្នុងខណ្ឌទួលគោក
ភាពមិនប្រក្រតីក្នុងការចែកអំណោយដល់ជនរងគ្រោះដោយភ្លើងឆេះផ្ទះ
ភ្លើងឆេះអគារបន្ទាយអង្គរក្សជាស៊ីមនៅខណ្ឌចំការមន
ពលរដ្ឋរងគ្រោះដោយអគ្គិភ័យនៅឫស្សីកែវជួបបញ្ហាសុខភាព
ផ្ទះប្រហែល៣០០ខ្នងត្រូវបំផ្លាញដោយអគ្គិភ័យនៅឫស្សីកែវ
មនុស្ស២នាក់ស្លាប់នៅខែត្រមណ្ឌលគិរីដោយសារខ្យល់ព្យុះ
ជនរងគ្រោះដោយទឹកជំនន់ប្រមាណ១៥ពាន់គ្រួសារកំពុងដាច់ស្បៀង
ព្យុះកេតសាណាធ្វើឲ្យសាលាចំនួន១ពាន់ត្រូវទឹកលិច
ពលរដ្ឋនៅកំពង់ឆ្នាំងប្រឈមបញ្ហាដាច់ស្បៀងបន្ទាប់ពីទឹកជន់លិចភូមិ
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
ប្រជាជន ត្រូវគិតយ៉ាងណាខ្លះអំពីបញ្ហាផ្លូវចេញចូលរបស់លោកអ្នក???????????
2009-12-08 21:38
If the area is not accessible by fire truck, who to be blamed? who is mistake?. The authority allowed people to build house if hey dont allow to build, can they build house like this. Anyway people aleays have mistake and Govt. is always right.
2009-11-22 21:19
I hate to think from a conspiracy theory perspective; but I doubt it was a setup to clean up the slum area for future development. Historically, it appeared to happen during the 1960s when the government wanted to evict people and develop an area, they occasionally seemed to turn to this unfortunate measure, and I am afraid history repeats itself. Several years ago, there was a similar incident around the building area and people were not allowed back in but given plots of land outside the city for residential uses. I hope it is not the case with this fire; we will see how the government handles the aftermath. It it is the setup, the measure is extremely inhumane and uncivilized. As much I love development, lives are invaluable. Proper compensation should be in place if the government wants to develop any areas. Thanks,
2009-11-20 20:50
I hope no casualties for this disaster. Life more important, house you can rebuild. From Insurance and the help Red Cross. Wishing everyone wells. <br> <br>GodBless! <br>
2009-11-20 20:47
I hope no casualties for this disaster. Life more important, house you can rebuild. From Insurance and the help Red Cross. Wishing everyone wells. <br> <br>GodBless! <br>
2009-11-20 20:45
មើលមតិទាំងអស់.