គ.ជ.ប.៖ គណបក្ស៤បានបំពេញលក្ខខណ្ឌត្រឹមត្រូវ
ដោយ ម៉ាយ៉ារិទ្ធិ
2008-05-14
មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប.) បានឲ្យដឹងនៅថ្ងៃពុធនេះថា រហូតមកទល់ពេលនេះមានគណបក្សចំនួន៤ហើយដែលបានបំពេញលក្ខខណ្ឌត្រឹមត្រូវក្នុងការចូលរួមប្រកួតការបោះឆ្នោតជ្រើសរើសតំណាងរាស្ត្រនាខែកក្កដាខាងមុខនេះ ។
ស្ត្រីពរកូននៅនឹងដៃចូលរួមការបោះឆ្នោតឃុំសង្កាត់នៅទីក្រុងភ្នំពេញកាលពីថ្ងៃទី១ មេសា ឆ្នាំ២០០៧ ។
អគ្គលេខាធិការនៃគណៈកម្មាធិការជាតិរៀបចំការបោះឆ្នោត លោក ទេព នីថា បានមានប្រសាសន៍ថា គណបក្សទាំង៤ដែលបានបំពេញត្រូវតាមលក្ខខណ្ឌក្នុងការចូលរួមការបោះឆ្នោតនោះ មានគណបក្ស ប្រជាជនកម្ពុជា គណបក្ស នរោត្ដម រណឫទ្ធិ គណបក្ស ហង្សដារ៉ា ចលនាប្រជាធិបតេយ្យ និងគណបក្ស សិទ្ធិមនុស្ស ។
លោក ទេព នីថា បានមានប្រសាសន៍ថា ៖ «ព្រឹកមិញនេះគ.ជ.ប.ទើបតែបានសម្រេចលើគណបក្ស២ទៀត គឺគណបក្ស ហ៊្វុនស៊ិនប៉ិច និងគណបក្ស សិទ្ធិមនុស្ស ក្នុងនោះគណបក្ស សិទ្ធិមនុស្ស ត្រូវបានគ.ជ.ប.សម្រេចយល់ព្រមការចុះឈ្មោះជាផ្លូវការហើយ ។ រួចហើយគណបក្ស ហ៊្វុនស៊ិនប៉ិច គ.ជ.ប.បានចេញលិខិតផ្លូវការដើម្បីឲ្យគាត់កែតម្រូវបំពេញបន្ថែម ក្នុងរយៈពេល៥ថ្ងៃទៀត ។ សំខាន់គឺករណីគាត់បំពេញបន្ថែមបេក្ខជនដែលខ្វះលក្ខខណ្ឌ គ្មានឈ្មោះក្នុងបញ្ជីបោះឆ្នោត» ។
គួរជម្រាបថា មានគណបក្សចំនួន ១២ប៉ុណ្ណោះដែលបានចុះឈ្មោះដើម្បីចូលរួមការបោះឆ្នោតជ្រើសរើសតំណាងរាស្ត្រ ដែលនឹងប្រព្រឹត្តទៅនៅថ្ងៃ ២៧ ខែកក្កដា នាពេលខាងមុខនេះ ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
គណបក្សនយោបាយ១០ចូលរួមវេទិកាស្ដីពីច្បាប់ប្រឆាំងអំពើពុករលួយ
បក្សប្រឆាំងប្រតិកម្មនឹងលទ្ធផលសវនាការរបស់គណៈកម្មការរៀបចំការបោះឆ្នោតខេត្តកំពត
រូបសញ្ញាបក្សសិទ្ធិមនុស្សរាប់ពាន់សន្លឹកនៅស្វាយរៀងត្រូវគេលួចបក
បក្សប្រជាជននៅកំពង់ចាមរងការចោទថាបង្ខំឲ្យពលរដ្ឋគូសសន្លឹកឆ្នោតសាកល្បង
សមាជិកបក្សហ៊្វុនស៊ិនប៉ិចនៅកំពង់ឆ្នាំងប្រតិកម្មចំពោះបក្សសិទ្ធិមនុស្ស
ក្មេងជំទង់ម្នាក់ត្រូវចាប់ខ្លួនដាក់ពន្ធនាគារដោយសារបំផ្លាញស្លាកបក្សប្រជាជន
ស្លាកសញ្ញាបក្ស"រណឫទ្ធិ"នៅស្រុកកងមាស ខែត្រកំពង់ចាម ត្រូវគេលួច
បក្សសង្គមយុត្តិធម៌និងបក្សខ្មែរឈប់ក្រចងសម្ព័ន្ធភាពនឹងគ្នា
មន្ត្រីបក្សប្រជាជននៅស្រុកកងមាស ខែត្រកំពង់ចាម ហែកស្លាកសញ្ញាបក្សសមរង្ស៊ី
ការឃោសនាបោះឆ្នោតនៅសៀមរាប មានភាពល្អប្រសើរ បើទោះជាមានបញ្ហាខ្លះក៏ដោយ
