សូមជម្រាបថា OSJI កាលពីឆ្នាំទៅបាននិយាយថា គេសង្ស័យថាមានអំពើពុករលួយបានកើតមានក្នុងរង្វង់បុគ្គលិកខ្មែរដែលបម្រើការនៅអង្គភាពសាលាក្តីខ្មែរក្រហមនោះ ។
មន្ត្រីអ្នកនាំពាក្យសាលាក្តី លោក រាជ សម្បត្តិ បានមានប្រសាសន៍កាលពីម្សិលមិញប្រតិកម្មចំពោះអង្គការ OSJI នោះ យ៉ាងដូច្នេះ ៖ «យើងមានការសោកស្ដាយណាស់ ចំពោះអ្វីដែលអង្គការ OSJI បានលើក ដែលធ្វើឲ្យអង្គការ UNDP ដកលុយរបស់សាលាក្ដីសម្រាប់ភាគីកម្ពុជា ១សែនដុល្លារ មានន័យថា ១០ម៉ឺនដុល្លារសម្រាប់យកទៅចំណាយទៅលើសវនករ ដែលមកធ្វើសវនកម្មហ្នឹង ហើយទីបំផុតគឺអត់មានឃើញអី ។ អ៊ីចឹងយើងមានការសោកស្ដាយមែនទែន ។ បើសិនជាមិនមានការលើកឡើងរបស់អង្គការ OSJIទេ ក៏មិនមានអង្គការ UNDPលើកឡើងអាហ្នឹងដែរ ។ អ៊ីចឹងសួរថា អង្គការ OSJI គាត់មានបានជួយអីទេសម្រាប់សាលាក្ដីផ្នែកណាមួយ អត់មានទេ ។ គាត់ធ្វើឲ្យមានរឿងអ៊ីចឹងហើយគាត់យករួចខ្លួន ហើយគាត់គ្រាន់តែឮ អាហ្នឹងវាជាការលំបាកមែនទែន ។ បើកុំមានគាត់លើក សួរថាលុយ១សែនដុល្លារ យើងចាយបានអីខ្លះ សម្រាប់រកផលប្រយោជន៍ដល់ជនរងគ្រោះកម្ពុជាដែលរងគ្រោះសម័យខ្មែរក្រហម ច្រើនណាស់...» ៕