ក្រុមអាវលឿងថៃស្នើឲ្យរដ្ឋាភិបាលបដិសេធ ICJ លើសំណុំរឿងប្រាសាទព្រះវិហារ
h010913in.mp3
ប៉ុន្តែនៅមុនពេលសវនាការ នៅក្នុងប្រទេសថៃ លេចឡើងនូវការតវ៉ាមួយពីសំណាក់ក្រុមសម្ព័ន្ធប្រជាជនដើម្បីលទ្ធិប្រជាធិបតេយ្យ ឬហៅថាក្រុមអាវលឿង និងបានស្នើរដ្ឋាភិបាលថៃ អោយច្រានចោលសេចក្ដីសម្រេចណាមួយរបស់តុលាការយុត្តិធម៌អន្តរជាតិ។ ករណីនេះ មន្ត្រីរដ្ឋាភិបាលកម្ពុជា ចាត់ទុកការស្នើឡើងនោះថាជាលេសដើម្បីបង្កើតភាពចលាចលផ្នែកនយោបាយថ្មីមួយ។
មន្ត្រីជាន់ខ្ពស់រដ្ឋាភិបាលកម្ពុជា បញ្ជាក់ថា រដ្ឋាភិបាលប្រទេសថៃ នឹងមិនអាចគេចវេះពីការទទួលខុសត្រូវចំពោះមុខសេចក្ដីសម្រេចណាមួយរបស់តុលាការយុត្តិធម៌អន្តរជាតិទីក្រុងឡាអេ ទាក់ទិននឹងសំណុំរឿងក្ដីប្រាសាទព្រះវិហារ ដរាបណាប្រទេសថៃ នៅតែជាសមាជិករបស់តុលាការយុត្តិធម៌អន្តរជាតិ។
រដ្ឋលេខាធិការ និងជាអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា នៅថ្ងៃពុធ ទី៩ ខែមករា ថា ប្រទេសថៃ ត្រូវទទួលខុសត្រូវដាច់ខាតចំពោះមុខសេចក្ដីសម្រេចរបស់តុលាការយុត្តិធម៌អន្តរជាតិទីក្រុងឡាអេ ក្នុងនាមជាប្រទេសសមាជិក។
កាលពីថ្ងៃអង្គារ ទី៨ មករា កាសែតថៃ បានចុះផ្សាយថា សម្ព័ន្ធប្រជាជនដើម្បីលទ្ធិប្រជាធិបតេយ្យ ឬហៅថាក្រុមអាវលឿង បានដាក់សំណើផ្លូវការមួយទៅនាយករដ្ឋមន្ត្រីថៃ អ្នកស្រី យីងឡាក់ ស៊ីណាវ៉ាត់ (Yingluck Shinawatra)។ ក្នុងសំណើនោះ មានចំនួន ៧ចំណុច ដោយទាមទារអោយរដ្ឋាភិបាលថៃ ច្រានចោលសេចក្ដីសម្រេចរបស់តុលាការយុត្តិធម៌អន្តរជាតិ និងថាតុលាការនេះពុំមានយុត្តាធិការលើសំណុំរឿងចម្រូងចម្រាស់នៃដីទំហំ ៤,៦គីឡូម៉ែត្រក្រឡានៅតំបន់ប្រាសាទព្រះវិហារ ឡើយ។ ជាមួយគ្នានេះ ក្រុមអាវលឿងបានគំរាមទុកជាមុនថា ពួកគេនឹងបង្កើតជាការតវ៉ាធំមួយ ប្រសិនបើរដ្ឋាភិបាលមិនទទួលការស្នើសុំ។
បណ្ឌិតវិទ្យាសាស្ត្រនយោបាយ លោក សុខ ទូច មានប្រសាសន៍ថា ករណីប្រាសាទព្រះវិហារ នយោបាយរបស់ប្រទេសថៃ គឺគ្មានអ្វីក្រៅពីការទាមទារអោយកម្ពុជា យល់ព្រមដោះស្រាយជម្លោះតាមរយៈការចរចាទ្វេភាគី នៅពេលដែលប្រទេសថៃ បានដឹងជាមុនហើយថានឹងបរាជ័យជាថ្មីទៀតនៅតុលាការអន្តរជាតិ។
កាលពីខែធ្នូ ឆ្នាំ២០១២ កន្លងទៅនេះ តុលាការយុត្តិធម៌អន្តរជាតិ បានប្រកាសថា សវនាការលើសំណុំរឿងក្ដីប្រាសាទព្រះវិហារ ដែលភាគីកម្ពុជា ជាអ្នកដើមបណ្ដឹងនោះ នឹងធ្វើឡើងនៅពាក់កណ្ដាលខែមេសា ឆ្នាំ២០១៣ ខាងមុខនេះ។ ការប្រកាសនោះ គឺបន្ទាប់ពីរដ្ឋមន្ត្រីក្រសួងការបរទេសកម្ពុជា លោក ហោ ណាំងហុង និងជាឧបនាយករដ្ឋមន្ត្រី តំណាងឲ្យភាគីកម្ពុជា បានដាក់ពាក្យបណ្ដឹងថ្មីមួយ កាលពីថ្ងៃទី២៨ ខែមេសា ឆ្នាំ២០១១ កន្លងទៅ ដោយសុំឲ្យតុលាការយុត្តិធម៌អន្តរជាតិបកស្រាយសាលក្រមនៃតុលាការនេះ ដែលបានសម្រេចកាលពីថ្ងៃទី១៥ ខែមិថុនា ឆ្នាំ១៩៦២ ដែលកាត់អោយកម្ពុជា ឈ្នះក្ដីលើសំណុំរឿងប្រាសាទព្រះវិហារ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Khieu Thy
ពី thyangkor@yahoo.comFor Thais of Yellow Shirt Party, I think you should be happy and proud when the court of ICJ hearing the case of land area 4,8sqkm at Preah Vihear temple. Because your group is always claiming that Cambodia invasion in this area of your land territory. Now the ICJ is working to find justice for you. Please be happy and take it easy.
Jan 10, 2013 07:15 PM
Khieu Thy
ពី Siem ReapPlease Thais in Yellow Shirt!, you shouldn't worry, if you are the victims of Cambodia's invasion at the land area in 4,8 sqkm near Preah Vihear temple as you have claimed, I think ICJ will find a "Fairness" for you in April. Why are you in panic?
Jan 10, 2013 09:42 AM
Anit Khmer
ថៃនិងយួនក្បាលខូចដូចគ្នា កុំទុកចិត្តពួកហ្នឹងពេក។ ខ្មែរត្រូវប្រយ័ត្នគ្រប់ពេល។
Jan 10, 2013 04:34 AM
អ្នកអានអនាមិក
ប្រជាជនថៃតវ៉ាទាំងបំពានបែបហ្នឹងក៏នៅតែគេឲ្យតម្លៃចំពោះ
ជាតិសាសន៍គេ ហើយប្រហែលជានាយករដ្ឋមន្រ្តីគេមិន
ហ៊ានជេរដៀលដាក់មេក្រូផ្សាយតាមទូរទស្សន៍ ដូចសម្ដេច
ដេកជោរសែន ទេមើលទៅ។ យីងឡាក់ប្រហែលជាមិន
ជេរពួកអាវលឿងថៃថា អាភ្លើ អាល្ងង់អាឆ្កួត ចាប់ដាក់គុក
ឫប្រមាថ ឲ្យធ្លាក់នរក និងធ្វើក្ដាមឈូសឲ្យ ដូចដែល
សម្ដេច ហ៊ុនសែនតែងជេរ ប្រមាថខ្មែរបំពេញចិត្តយួនជាហូរ ហែរកន្លងមក ។
Jan 09, 2013 09:10 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
