តុលាការកោះហៅមន្ត្រីអាដហុក លោក ចាន់ សុវ៉េត

ចៅក្រមស៊ើបសួរនៃតុលាការរាជធានីភ្នំពេញ បានចេញដីកាបង្គាប់ឲ្យអនុប្រធានផ្នែកអង្កេតសមាគមអាដហុក (Adhoc) គឺលោក ចាន់ សុវ៉េត ចូលខ្លួនទៅសាលាដំបូងរាជធានីភ្នំពេញ នៅម៉ោង ៨ និង ៣០នាទី ព្រឹកថ្ងៃទី២៤ ខែសីហា ឆ្នាំ២០១២ ខាងមុខនេះ ដើម្បីឆ្លើយបំភ្លឺពីដំណើររឿងផ្ដល់ជំនួយដល់ចារីជាអាទិ៍ ប្រព្រឹត្តនៅរាជធានីភ្នំពេញ កាលពីខែឧសភា ឆ្នាំ២០១២។

ដោយ រដ្ឋា វីសាល
2012-08-14

អនុប្រធានផ្នែកអង្កេតសមាគមអាដហុក (Adhoc) លោក ចាន់ សុវ៉េត ចូលរួមវេទិកាអ្នកស្ដាប់វិទ្យុអាស៊ីសេរី កាលពីថ្ងៃទី២៨ ខែតុលា ឆ្នាំ២០១១។

RFA Photo

ដីកាបង្គាប់ឲ្យចូលខ្លួននេះ ចេញដោយលោក ឆែ វីរៈ ចៅក្រមស៊ើបសួរសាលាដំបូងរាជធានីភ្នំពេញ ចុះកាលពីថ្ងៃទី៩ ខែសីហា ឆ្នាំ២០១២ ហើយក្រុមគ្រួសារលោក ចាន់ សុវ៉េត បានទទួលដីកានេះពីអាជ្ញាធរមូលដ្ឋាននៅថ្ងអង្គារ ទី១៤ ខែសីហា ឆ្នាំ២០១២។

ប្រធានផ្នែកអង្កេតសមាគមអាដហុក លោក នី ចរិយា មានប្រសាសន៍បញ្ជាក់ថា លោកមិនទាន់ប្រាកដថា ដីកានេះមានទាក់ទិនទៅនឹងប្រសាសន៍លោកនាយករដ្ឋមន្ត្រី ហ៊ុន សែន ដែលបានថ្លែងកាលពីថ្ងៃទី១ ខែសីហា ឆ្នាំ២០១២ ក្នុងឱកាសចែកសញ្ញាបត្រជូននិស្សិតនៅវិទ្យាស្ថានជាតិអប់រំ។

លោកនាយករដ្ឋមន្ត្រីថ្លែងថា មានអ្នកផ្ដល់ប្រាក់ដល់ជនជាប់ចោទមានដីកាចាប់ខ្លួនក្នុងរឿងបង្កើតតំបន់អបគមន៍នៅស្រុកឆ្លូង ខេត្តក្រចេះ ។ ក៏ប៉ុន្តែលោកអះអាងថា លោក ចាន់ សុវ៉េត មិនមានជាប់ទាក់ទិនក្នុងករណីនោះឡើយ។ យ៉ាងនេះក្តីលោកអះអាងថា លោក ចាន់ សុវ៉េត នឹងចូលខ្លួនទៅបំភ្លឺករណីនេះ ហើយសមាគមអាដហុក កំពុងរៀបចំផ្ដល់មេធាវីការពារក្តីជូនលោក ចាន់ សុវ៉េត។

លោក នី ចរិយា៖ «យោងតាមខ្លឹមសារនៃដីកាហ្នឹង អាចចោទប្រកាន់ពីបទថា យើងបានផ្ដល់មធ្យោបាយជំនួយអ្វីដល់អ្នកប្រព្រឹត្តបទល្មើសឧក្រិដ្ឋណាមួយ។ ប៉ុន្តែបើយោងតាមអ្វីដែលយើងបានដឹងច្បាស់លាស់ពីប្រវត្តិរបស់គាត់ ក៏ដូចសកម្មភាពជាឯកជន ក៏ដូចសកម្មភាពការងារក្នុងអាដហុក យើងឃើញថា គាត់អត់ដែលបានប្រព្រឹត្តបទល្មើសផ្ដល់មធ្យោបាយឲ្យទៅជនល្មើសណាមួយទេ»។

សមាគមអាដហុក នៅថ្ងៃអង្គារ ទី១៤ ខែសីហា ឆ្នាំ២០១២ បានចេញសេចក្ដីថ្លែងការណ៍ចំហមួយចាត់ទុកកាយវិការនៃការប្រើប្រាស់ប្រព័ន្ធតុលាការលើសកម្មជនសិទ្ធិមនុស្សថា គ្មានអ្វីក្រៅពីការគំរាមកំហែង និងបំភិតបំភ័យលើអ្នកការពារសិទ្ធិមនុស្ស ហើយរារាំងពួកគេមិនឲ្យបំពេញកិច្ចការស្របច្បាប់នោះឡើយ។

យ៉ាងនេះក្តីក្នុងដីកាដដែលនោះបានព្រមានថា "ក្នុងករណីលោក ចាន់ សុវ៉េត មិនចូលខ្លួនតាមកាលកំណត់ខាងលើនេះទេ ចៅក្រមស៊ើបសួរនឹងចេញដីកាបង្គាប់ឲ្យនាំខ្លួន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

យួនមិនស្អប់ខ្មែរទេ។ស្រលាញ់ខ្មែរចង់លេប។

Aug 16, 2012 12:38 AM

doungsen

ពី u.s.a

WHO CAN HELP PEOPLE KHMER ? PLEASE the u.s.a must help khmer right now .donot khmer die,the same polpot.

Aug 15, 2012 08:44 PM

អ្នកអានអនាមិក

ព្រះរាជាណាចក្រខ្មែរនាពេលបច្ចុប្បន្នកំពុងតែត្រូវដឹកនាំដោយបុរសខ្លាចស្រមោលខ្លួនឯង និងក្រុមអាចក់អាចែម អាជ័យធ្លាក់ទឹក។ យួនរីករាយខ្លាំងណាស់ដែលបានបង្ហាត់បង្រៀនមនុស្សប្រភេទនេះឲ្យធ្វើការជំនួសវាដើម្បីបំផ្លាញសាសន៍ខ្មែរឲ្យរលាយផុតពូជពីភពផែនដីនេះ។

Aug 15, 2012 02:02 AM