ក្រសួងអប់រំ៖ លទ្ធផលប្រឡងបាក់ឌុបបង្ហាញពីការរីកចម្រើននៃវិស័យអប់រំ
h090112cp.mp3
លោក សម សេរីរដ្ឋ៖ «ឥឡូវនេះ ក្មួយៗគេខំរៀន និងម៉ែឳគេជំរុញទៅ គេខំរៀន គេធ្វើតាមទៅ គេក៏ទទួលបានគុណភាពតាមក្រោយ»។
លោក សម សេរីរដ្ឋ មានប្រសាសន៍បន្តថា សិស្សប្រឡងជាប់បាក់ឌុបទាំងអស់ជាង៨៦% ក្នុងនោះនិទ្ទេសល្អប្រសើរ (និទ្ទេសA) មានចំនួន១០៥នាក់ និងនិទ្ទេសល្អណាស់ (និទ្ទេសB) មានចំនួន៣.៥០៥នាក់។
ទោះយ៉ាងណា ទាក់ទងនឹងលទ្ធផលនៃការប្រឡងបាក់ឌុប ប្រធានសមាគមគ្រូបង្រៀនឯករាជ្យ លោក រ៉ុង ឈុន បដិសេធថា វាមិនមែនជាលទ្ធផលឆ្លុះបញ្ចាំងពីគុណភាពនៃការអប់រំនោះឡើយ វាជាការបង្ហាញបរិមាណ ព្រោះលទ្ធផលនៃការប្រឡងនេះ កើតចេញពីការចម្លងគ្នារបស់សិស្សនៅពេលប្រឡង៖ «ថ្នាក់ដឹកនាំក្រសួងអប់រំ តែងតែប្រកាសថា ល្អៗ ហើយលទ្ធផលយើងទទួលស្គាល់ថា សិស្សមួយចំនួនតូច មានសមត្ថភាពពិតប្រាកដ។ ប៉ុន្តែ មួយចំនួនធំអត់មានសមត្ថភាព ហើយមិនឆ្លើយតបទៅនឹងបរិយាកាសនៃការប្រឡង ពីព្រោះការប្រព្រឹត្តនៃការប្រឡងមានបរិយាកាសអាក្រក់ មានភាពមិនប្រក្រតីកើតឡើង ដូចជាការប្រមូលលុយ ការបើកចម្លង ការផ្ដល់ចម្លើយតាមរយៈតេឡេហ្វូន (ទូរស័ព្ទ) សព្វបែបយ៉ាង»។
ប្រតិកម្មទៅនឹងការលើកឡើងរបស់ប្រធានសមាគមគ្រូបង្រៀនឯករាជ្យនេះ លោក សម សេរីរដ្ឋ អះអាងថា ការអភិវឌ្ឍលើវិស័យអប់រំ អាចធ្វើទៅបាន គេត្រូវធ្វើកំណែទម្រង់បន្តិចៗម្ដង៖ «យើងចង់បានគុណភាពដូចតែគ្នាហ្នឹង ប៉ុន្តែយើងធ្វើម៉េចឲ្យបានភ្លាម ត្រូវការចំណាយពេលវេលាណា»។
ភ្ជាប់នឹងលទ្ធផលនៃការប្រឡងនេះដែរ អ្នកស្រាវជ្រាវអភិវឌ្ឍសង្គម លោក កែម ឡី ថ្លែងថា បើសិនលទ្ធផលនៃការប្រឡងនេះ មិនមែនកើតចេញពីការចម្លងគ្នា វាជាការឆ្លុះបញ្ចាំងថា វាជារឿងល្អ ព្រោះវាបង្ហាញពីសមត្ថភាពពិតរបស់សិស្ស ហើយយើងក៏ទទួលយកលទ្ធផលនេះប្រកបដោយមោទនភាពខ្លាំង។ ផ្ទុយទៅវិញ លោកអះអាងថា លទ្ធផលនៃការប្រឡងនេះ កើតចេញពីការចម្លងគ្នាទៅវិញទៅមករបស់បេក្ខជនដែលចូលប្រឡង៖ «លទ្ធផលនៃការប្រឡង គឺបើយើងប្រឡងត្រឹមត្រូវ អត់ចម្លងគ្នា មានភាពយុត្តិធម៌ លទ្ធផលប្រឡងហ្នឹងគឺអាចបញ្ជាក់អំពីគុណភាពនៃវិស័យអប់រំមួយដែរ ក្នុងចំណុចជាច្រើនដែលឆ្លុះបញ្ចាំងអំពីគុណភាពនៃការអប់រំ បានន័យថា ក្មេងរៀនចេះ អាចធ្វើលំហាត់ដោយខ្លួនឯងបាន ប្រឡងជាប់ ប៉ុន្តែដោយសារតែយើងធ្វើការសិក្សាទៅឃើញថា ក្មេងៗភាគច្រើនចម្លងគ្នាដោយសេរី»។
លោក កែម ឡី បញ្ជាក់ថា អង្គការរបស់លោកបានសិក្សាស្រាវជ្រាវមណ្ឌលប្រឡងនាទីក្រុងភ្នំពេញឃើញថា មានសិស្ស៦០ទៅ៧០% ដែលចម្លងគ្នា និងមើលកំណែចម្លើយ។ លោកថ្លែងបន្តថា តាមការសិក្សាស្រាវជ្រាវឃើញថា បេក្ខជនប្រឡងមានមធ្យោបាយជាច្រើនក្នុងការចម្លងគ្នា និងការទទួលបានកំណែចម្លើយ ដូចជាការប្រើទូរស័ព្ទដើម្បីបញ្ជូនកំណែ ការប្រើលុយដើម្បីទិញទឹកចិត្តអនុរក្សនាពេលប្រឡង កុំឲ្យចាប់ព្រុយយ៉ុង ការរៃលុយឲ្យគ្រូ ដើម្បីធ្វើកំណែឲ្យជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
YUON is happier than any others iin this issue, because when you all passed without any knowledge and capability, it's easy for them to control you all in the future. Think about this. Even though some students get scholarships from developed countries, some of them will work under the ruling party.
Sep 08, 2012 07:46 AM
អ្នកអានអនាមិក
It was a big surprise. Why ministry of education permitted students to use mobile phone or read documents during examination? There is no meaning to arrange such examination. This is not examination it is just a study tour?
Sep 03, 2012 11:40 PM
អ្នកអានអនាមិក
កាលខ្ញុំប្រលងមាននិទ្ទេស A តែមានពីរនាក់គត់។ ប្អូនៗសម័យ facebook ពិតជាពូកែមែន។ សូមសរសើរ។
Sep 03, 2012 09:14 AM
កូនខ្មែរ
ពី ភ្នំពេញបានអីនឹងជាប់ច្រើនយ៉ាងនេះ បើសំណៅឯកសារបង្ហោះតាម facebook គិតទៅងាយជាងឆ្នាំមុនៗច្រើន។ បំបាត់អំពើពុករលួយមិនបានទេ បើបង្រៀនអោយកូនខ្មែរចេះយ៉ាងស្ទាត់តាំងពីពេលនេះទៅហើយ។
Sep 03, 2012 06:26 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
