អ្នកបឹងកក់ស្នើអ្នកស្រី ហ៊ីលឡារី គ្លិនតុន ជួយអន្តរាគមន៍ដោះស្រាយជម្លោះ

អ្នកបឹងកក់ប្រមាណ ៥០នាក់ ស្នើដល់រដ្ឋមន្ត្រីការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន (Hillary Clinton) និងបណ្ដាស្ថានទូតប្រទេសសំខាន់ៗមួយចំនួនប្រចាំនៅកម្ពុជា អន្តរាគមន៍ទៅរដ្ឋាភិបាលកម្ពុជា ដើម្បីដោះស្រាយបញ្ចប់ជម្លោះដីធ្លីក្នុងតំបន់បឹងកក់។

ដោយ សុ ជីវី
2012-07-10

អ្នកបឹងកក់ឈរសំពះអរគុណដល់សហរដ្ឋអាមេរិក ដែលបានជួយឲ្យតំណាងពួកគេរួចខ្លួនចេញពីពន្ធនាគារ និងស្នើឲ្យបន្តជួយដោះស្រាយជម្លោះដីតទៅទៀត នៅមុខស្ថានទូតអាមេរិក ភ្នំពេញ កាលពីថ្ងៃ១០ កក្កដា ឆ្នាំ២០១២។

RFA/Sochivy

តំណាងអ្នកបឹងកក់ លោកស្រី ទេព វន្នី មានប្រសាសន៍ប្រាប់អ្នកសារព័ត៌មាននៅខាងមុខស្ថានទូតសហរដ្ឋអាមេរិកប្រចាំនៅកម្ពុជា នៅព្រឹកថ្ងៃអង្គារ ទី១០ ខែកក្កដា ថា ពួកគេដាក់លិខិតថ្លែងអំណរគុណចំពោះឯកអគ្គរដ្ឋទូតនៃបណ្ដាស្ថានទូតនានាប្រចាំនៅកម្ពុជា និងរដ្ឋមន្ត្រីការបរទេសសហរដ្ឋអាមេរិក ដែលបានអន្តរាគមន៍ជួយពួកគេអោយមានសេរីភាពពីពន្ធនាគារ។

ស្របគ្នានេះពួកគេអំពាវនាវដល់រដ្ឋមន្ត្រីការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន និងបណ្ដាស្ថានទូត ជួយអោយតុលាការនៅកម្ពុជា ទម្លាក់នូវទោសកំហុសរបស់អ្នកតំណាងពួកគេទាំង ១៣នាក់ និងជំរុញអោយអាជ្ញាធរវាស់វែងដីធ្លីទំហំ ១២,៤៤ហិកតារ ដែលរដ្ឋាភិបាលបានប្រគល់អោយ។

ការអំពាវរបស់អ្នកភូមិបឹងកក់ ធ្វើឡើងស្របពេលដែលរដ្ឋមន្ត្រីការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន គ្រោងនឹងមកដល់កម្ពុជា នៅរសៀលថ្ងៃទី១១ ខែកក្កដា ដើម្បីចូលរួមវេទិកាអាស៊ាន។

អ្នកបឹងកក់បានដាក់លិខិតថ្លែងអំណរគុណ និងសំណើរបស់គេនៅស្ថានទូតសហរដ្ឋអាមេរិក អូស្ត្រាលី អង់គ្លេស បារាំង និងសហគមន៍អឺរ៉ុប។ នេះជាការចេញតវ៉ាលើកទី១ហើយ បន្ទាប់ពីអ្នកភូមិបឹងកក់ចំនួន ១៣នាក់ត្រូវដោះលែងពីពន្ធនាគារព្រៃសរ។ ពួកគេនៅតែអះអាងថា នឹងកៀរគរការគាំទ្រពីសំណាក់សហគមន៍នានា អោយចូលរួមការតវ៉ាជាមួយពួកគេរហូតដល់ទទួលបានដំណោះស្រាយដូចការទាមទារ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (4)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

Dear friend (Steve) in Boston, Beng Kok's problem is NOT about political struggle. It is about life struggle between HAVE and HAVE none. I hope you will think again regarding your comment. Thank You.

Jul 11, 2012 03:34 AM

steve

ពី boston

These are Sam Rainsy's peoples, They're not Bengkok. I know most of these people in the picture.
Sam Rainsy would do anythings to destroy cambodia's face.

Jul 10, 2012 05:24 PM

កូន ខ្មែរ

ពី សហរដ្ធ

ខ្ញុំសូមចូលរួមពីចម្ងាយជាមួយបងប្អូនបឹងកក់ទាំងអស់
ហើយសូមឱ្យការស្នើសុំទាំងប៉ុន្មានបានសម្រេចដូចបំណង។

Jul 10, 2012 04:36 PM

អ្នកអានអនាមិក

Khmer people must understand all the problems in our homeland.Hun Sen lets his gang do everything and Hun Sen him self stand up to solve the problems.Please do not need DICTATOR HUN SEN for help.Must be stand up together to change the regime, change fake of democracy in cambodia.May God bless all khmer.

Jul 10, 2012 10:36 AM