ក្រសួងសេដ្ឋកិច្ចនិងហិរញ្ញវត្ថុពន្យារពេលប្រមូលពន្ធដីធ្លីផ្ទះសម្បែង

អ្នកធ្វើការឃ្លាំមើលបញ្ហាសង្គម និងប្រជាពលរដ្ឋមួយចំនួន ដែលរស់នៅក្នុងតំបន់ដែលជាគោលដៅនៃការប្រមូលពន្ធលើអចលនទ្រព្យ បានត្អូញត្អែរចំពោះនីតិវិធី នៃការប្រមូលពន្ធដីធ្លី ផ្ទះសម្បែង ពីពលរដ្ឋថា មានភាពសាំញ៉ាំ និងថាពុំបានផ្សព្វផ្សាយព័ត៌មានដល់ពលរដ្ឋឲ្យបានទូលំទូលាយនោះទេ។

ដោយ ខែ សុណង
2012-09-29

h092912ko.mp3

អ្នកឃ្លាំមើលសេវាសាធារណៈ បានជំរុញឲ្យនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ ពន្យារពេលប្រមូលពន្ធលើចលនទ្រព្យ ដោយសារនីតិវិធីស្មុគស្មាញ និងខ្វះការផ្សព្វផ្សាយ បញ្ហានេះជាហេតុដែលធ្វើឲ្យចំនួនអ្នកមិនទាន់បង់ពន្ធជូនរដ្ឋនៅមានចំនួនច្រើន។

លោក សន ជ័យ អ្នកសម្របសម្រួលកម្ពុជា នៃបណ្ដាញរួបរួមដើម្បីគណនេយ្យភាពសង្គមនៅអាស៊ីបូព៌ា និងប៉ាស៊ីហ្វិក មានប្រសាសន៍នៅថ្ងៃទី២៩ កញ្ញា ថា អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ គួរពិចារណាឡើងវិញចំពោះការកំណត់ពេលវេលា នៃការបង់ពន្ធលើអចលនទ្រព្យបន្តទៀតសិន មុននឹងផាកពិន័យដល់ពលរដ្ឋណាដែលខកខានមិនបានទៅបង់ពន្ធទាន់ពេលនោះ។

លោកថា មានភាពស្មុគស្មាញជាច្រើនជុំវិញនីតិវិធីនៃការបង់ពន្ធនេះ នឹងធ្វើឲ្យរដ្ឋបាត់ចំណូលបានពីការបង់ពន្ធនេះ។

ការអំពាវនាវនេះ បានធ្វើឡើងនៅមុនការដាក់កំណត់នៃការផាកពិន័យពីនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ចំពោះអ្នកដែលមិនបានបំពេញកាតព្វកិច្ចបង់ពន្ធអចលនទ្រព្យ។

ក្រសួងសេដ្ឋកិច្ច បានប្រមូលពន្ធលើអចលនទ្រព្យតាំងពីខែកក្កដា ឆ្នាំ២០១២ ហើយប្រកាសផុតកំណត់ថ្ងៃទី៣០ ខែកញ្ញា ឆ្នាំ២០១២។

ពលរដ្ឋរស់នៅខណ្ឌចំការមន និងខណ្ឌឫស្សីកែវ បានត្អូញត្អែរថា ពួកគាត់ពុំបានដឹងព័ត៌មាននៃការចាប់ផ្ដើមប្រមូលពន្ធលើអចលនទ្រព្យនេះទេ។ អ្នកដែលបានផ្ដល់សម្ភាសសុទ្ធតែបាន អះអាងថា នីតិវិធីនៃការបង់ពន្ធ មានភាពសាំញ៉ាំ ហើយពួកគាត់ត្រូវចំណាយពេលវេលាច្រើនពេក សម្រាប់ការទៅបង់ពន្ធនេះ ពិបាកជាងការបង់ពន្ធកាលពីឆ្នាំ២០១១។

ដើម្បីឆ្លើយតបទៅនឹងបញ្ហាទាំងនេះ នាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ បានអះអាងថា នឹងផ្ដល់ដំណោះស្រាយពន្យាររយៈពេលបង់ពន្ធ។

អគ្គនាយកនៃអគ្គនាយកដ្ឋានពន្ធដារ លោក គង់ វិបុល បានទទួលស្គាល់ចំពោះការលំបាកដែលពលរដ្ឋបានលើកឡើងនេះ។ លោកបានចេញសេចក្ដីជូនដំណឹងមួយ ដើម្បីពន្យាររយៈពេលបង់ពន្ធលើអចលនទ្រព្យមួយខែបន្តទៀត គឺបន្តដល់បំណាច់ខែតុលា ឆ្នាំ២០១២ ដោយយោងទៅលើហេតុផលថា ពលរដ្ឋមួយចំនួនមិនទាន់បានទៅបង់ពន្ធនៅឡើយនោះ។

មន្ត្រីដដែលបានឲ្យដឹងទៀតថា ការប្រមូលពន្ធលើអចលនទ្រព្យ កាលពីឆ្នាំ២០១១ នៅតាមខេត្ត ក្រុង ស្រុក ខណ្ឌ រាជធានី ដែលជាគោលដៅប្រមូលពន្ធ បានថវិកាសរុបប្រមាណ ១២លានដុល្លារសហរដ្ឋអាមេរិក៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

vannak

ពី auckland NZ

In NZ, this payment they give to commune authority. the way they ( the authority) do is very simple. I think the government knew this method but they are not willing to do it. they want to keep this complication to keep their party(CPP) and personal profit. They cheating Cambodian People. I'm so sorry my Cambodian People ...

Sep 30, 2012 06:49 PM

ពលរដ្ឋស្នេហាជាតិ

ពី រាជធានីភ្នំពេញ

ការបង់ពន្ធឆ្នាំ២០១២ នេះមានការសាំញាំណាស់ ៖
១.ត្រូវទៅសាខាពន្ធដាយកឯកសារ
២.ទៅធនាគារកាណាឌីយ៉ាមានតែមួយ ដើម្បីបង់ប្រាក់
៣.យកបង្កាន់ដែទទួលប្រាក់មកសាខាពន្ធដាវិញ ទើបគេចេញប័ណ្ណបញ្ជាក់ងាបានបង់ពន្ធ

Sep 30, 2012 04:09 AM

អ្នកអានអនាមិក

បើអញ្ចឹងមិនបាច់រកស៊ីស្អីទេ ចំណាយពេលតែជញ្ជូនក្រដាសឲ្យពួកឈ្លើងសង្គម ទាំងអស់ហ្នឹងទៅបានហើយ!

Oct 01, 2012 06:52 AM

ខ្មែរយើង

ពី ភ្មុំពេញ

នាយកដ្ឋានពន្ធដារ ត្រូវតែទទួលស្គាល់ភាពខ្វះខាតរបស់ខ្លួន មន្ត្រីពន្ធដារមិននែនជាថីឬលោកថីមិនចូលចិត្តពលរដ្ឋដែលយកលុយមកជូនរដ្ឋទេ ឬមួយមិនបានកំរៃក្រៅដូចពីមុនទើបមិនរាក់ទាក់ពលរដ្ឋ?បើធ្វើមិនកើត គួរផ្ទេរមកអោយសង្កាត់ជួយប្រមូលទៅ ។ សាំញ៉ាំណាស់ បែបបទច្រើនជាន់ណាស់....

Sep 30, 2012 02:45 AM