កម្ពុជាស្នើឥណ្ឌូណេស៊ីឲ្យបញ្ជូនពលករខ្មែរ១៣នាក់មកវិញ

ក្រសួងការបរទេសកម្ពុជា បានស្នើសុំឲ្យអាជ្ញាធរប្រទេសឥណ្ឌូណេស៊ី បញ្ជូនពលករខ្មែរចំនួន ១៣នាក់មកប្រទេសកម្ពុជាវិញ ដោយសំអាងថា ពលករទាំងនោះបានរងការជួញដូរ និងលក់កម្លាំងពលកម្មខុសច្បាប់កន្លងមកតាមរយៈមេខ្យល់។

ដោយ សុខ សេរី
2011-09-10

h091011ts

មន្ត្រីអ្នកនាំពាក្យក្រសួងការបរទេសកម្ពុជា លោក កុយ គួង ផ្ដល់បទសម្ភាសន៍ដល់អ្នកកាសែត នៅក្រសួងការបរទេសកម្ពុជា បន្ទាប់ពីជំនួបរវាងរដ្ឋមន្ត្រីក្រសួងការបរទេសកម្ពុជា លោក ហោ ណាំហុង ជាមួយឯកអគ្គរាជទូតថៃ ប្រចាំកម្ពុជា នៅថ្ងៃទី១៥ ខែមីនា ឆ្នាំ២០១១។

RFA/Sok Serey

មន្ត្រីស្ថានទូតកម្ពុជា នៅប្រទេសឥណ្ឌូណេស៊ី បានចូលទៅជួបពលករខ្មែរទាំងនោះនៅក្នុងមន្ទីរឃុំឃាំងនៅប្រទេសឥណ្ឌូណេស៊ី កន្លងទៅថ្មីៗនេះ។

អ្នកនាំពាក្យក្រសួងការបរទេសកម្ពុជា លោក កុយ គួង បានមានប្រសាសន៍ថា ក្រសួងការបរទេសបានទទួលសំណើជាផ្លូវការពីគ្រួសាររបស់ពលករទាំងនោះ ដើម្បីឲ្យជួយសង្គ្រោះ។

លោកបន្តថា ៖ «អ៊ីចឹងឥឡូវហ្នឹងអង្គការ អាយ.អូ.អ៊ឹម. (IOM) គេនៅតែបញ្ជាក់អត្តសញ្ញាណឲ្យបានច្បាស់ជាងនេះទៀត។ ពេលណាគេបានបញ្ជាក់អត្តសញ្ញាណច្បាស់ហើយ គេនឹងសម្រេចចេញសោហ៊ុយធ្វើដំណើរតាមជើងយន្តហោះមកប្រទេសកម្ពុជា យើងនាពេលឆាប់ៗខាងមុខនេះហើយ»។

ឪពុករបស់ពលកររងគ្រោះម្នាក់នៅក្នុងចំណោម ១៣នាក់ គឺលោក ចាន់ សារ៉េត អាយុ ៤២ឆ្នាំ នៅស្រុកគិរីវង់ ខេត្តតាកែវ បានថ្លែងប្រាប់តាមទូរស័ព្ទថា លោកសង្ឃឹមថា នឹងបានជួបកូននាពេលឆាប់ៗនេះ ៖ «ស្រុកយើងនេះវាក្រពេក នៅនេះអត់មានរកស៊ីអ្វីទេ ខ្ញុំប្រាប់ត្រង់ បើបងមកឃើញ មិនដឹងរកស៊ីមុខរបរអ្វីទេ។ បាទ! ហើយកូនទៅហ្នឹងមានគេតេ (ទូរស័ព្ទ) ពីស្រុកបាត់ដំបង មកឲ្យទៅ។ ដល់ពេលចាញ់បោកគេ គេតៗ លក់ចូលទៅថៃ ថៃលក់ទៅឥណ្ឌូណេស៊ីទៀត»។

អនុប្រធាននាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ លោកឧត្ដមសេនីយ៍ត្រី ជីវ ផល្លី បានមានប្រសាសន៍ថា លោកបានទាក់ទងទៅមន្ត្រីស្ថានទូតកម្ពុជា នៅប្រទេស ឥណ្ឌូណេស៊ី សុំឲ្យជួយដោះស្រាយរឿងនេះ ៖ «បើសិនជាមានចម្លើយដូចថា អ្នកណាមួយដែលបាននាំគាត់ទៅឆ្លងដែន ហើយទៅដល់ឥណ្ឌូណេស៊ី ត្រូវបានគេធ្វើទុក្ខបុកម្នេញ ធ្វើបាបអ៊ីចឹង អ្នកដែលនាំគាត់ទៅហ្នឹង គឺត្រូវតែមានការទទួលខុសត្រូវចំពោះមុខច្បាប់»។

អង្គការខារ៉ាម ខេមបូឌា (Caram Cambodia) កំពុងតែដោះស្រាយរឿងនេះដែរ ក្រោយពីបានទទួលពាក្យបណ្ដឹងពីគ្រួសាររបស់ពលកររងគ្រោះនោះ។ ប្រភពពីលោក កុយ គួង បានបញ្ជាក់ថា ពលករខ្មែរចំនួន ១៣នាក់នោះ គឺ ១១នាក់នៅខេត្តតាកែវ ម្នាក់នៅខេត្តកំពង់ធំ ម្នាក់ទៀតនៅខេត្ត កំពង់ស្ពឺ។

ការស៊ើបអង្កេតរបស់អង្គការខារ៉ាម ខេមបូឌា កន្លងមក បានរកឃើញថា ពលករចំនួន ១៣នាក់នោះបានចូលទៅទឹកដីថៃ ដោយខុសច្បាប់ តាមច្រករបៀងតូចៗនៅឆ្នាំ២០១០ កន្លងទៅ តាមរយៈមេខ្យល់ ដើម្បីរកការងារធ្វើនៅប្រទេសថៃ ប៉ុន្តែពួកគាត់ត្រូវបានគេលក់កម្លាំងពលកម្មបន្តឲ្យទៅថៅកែនេសាទ ជនជាតិឥណ្ឌូណេស៊ី។

ពលកររងគ្រោះកន្លងមកបានឲ្យដឹងថា មូលហេតុដែលពួកគាត់ធ្វើចំណាកស្រុករកការងារធ្វើ គឺដោយសារភាពក្រីក្រ និងអត់ការងារធ្វើនៅក្នុងស្រុក៕

អត្ថបទដែលទាក់ទង

មតិ (3)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

សូមមើលក្រុមហ៊ុន េអស ខេ អិម អិម អិុនវេសមេន គ្រុប ដែលជ្រើសរើសពលករទៅធ្វើការនៅម៉ាឡេសីុ មានលេខទូសព្ទ ០១៦ ៦២ ៨៨ ៩៩ ;០១៦៥៩ ៧១ ៨៨ ខាងត្បូងជាប់ឃ្លាំងប្រេងសូគីមីច ឬស្សីកែវ ភ្នំពេញ គឺមានការឃុំពលករ ច្រើនក្នុងផ្ទះតូច ពិបាករស់នៅ យំស្រែក និងលួចរត់គេចជាហូហែរ រដ្ឋអំណាចមូលដ្ឋានមិនអើពើទេ ពីព្រោះត្រូវរូ៉វគ្នា ។

Sep 13, 2011 01:38 PM

អ្នកអានអនាមិក

IT IS HUN SEN'S REGIME , KHMER PEOPLES IS FACEING THE BAD LIFE......SO POOR KHMER PEOPLE

Sep 12, 2011 03:36 AM

អ្នកអានអនាមិក

Hun Sen always say: Cambodia is economical country but why Cambodian people don't have job in the country?. As seen most of Cambodians left families and country to work abroad such as Thailand, Malaysia, Korea etc...

Please tell Hun Sen to shut up his bad smell mouth.

Sep 11, 2011 06:57 PM