កម្ពុជា-​សិង្ហបុរី​ឯកភាព​គ្នា​បន្ត​ដោះស្រាយ​បញ្ហា​ជម្លោះ​សមុទ្រ​ចិន​ខាង​ត្បូង

រដ្ឋមន្ត្រី​ក្រសួង​ការពារ​ជាតិ​កម្ពុជា និង​រដ្ឋមន្ត្រី​ក្រសួង​ការពារ​ជាតិ​ប្រទេស​សិង្ហបុរី បាន​ជួប​ចរចា​ទ្វេ​ភាគី​នៅ​ថ្ងៃ​ទី​១៨ ខែ​មេសា ឆ្នាំ​២០១២ នៅ​ទីក្រុង​ភ្នំពេញ ផ្ដោត​លើ​ការ​ពង្រឹង​សន្តិសុខ​នៅ​តំបន់​អាស៊ាន រាប់​ទាំង​ការ​ដោះស្រាយ​បញ្ហា​ជម្លោះ​នៅ​សមុទ្រ​ចិន​ខាង​ត្បូង​ដែរ។
ដោយ សុខ សេរី
2012-04-18
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ទៀ បាញ់ សិង្ហបុរី ៣០៥
រដ្ឋមន្ត្រី​ក្រសួង​ការពារ​ជាតិ​កម្ពុជា លោក​នាយ​ឧត្ដមសេនីយ៍ ទៀ បាញ់ (ស្ដាំ) ជួប​ជាមួយ​រដ្ឋមន្ត្រី​ការពារ​ជាតិ​សិង្ហបុរី លោក អ៊ិនជី អេងហេន (NG Eng Hen) ធ្វើ​សន្និសីទ​កាសែត​នៅ​ក្រសួង​ការពារ​ជាតិ​កម្ពុជា នៅ​ថ្ងៃ​ទី​១៨ ខែ​មេសា ឆ្នាំ​២០១២។
RFA/Sok Serey

រដ្ឋមន្ត្រី​ក្រសួង​ការពារ​ជាតិ​កម្ពុជា លោក​នាយ​ឧត្ដមសេនីយ៍ ទៀ បាញ់ និង​ជា​ឧបនាយករដ្ឋមន្រ្តី និង​រដ្ឋមន្ត្រី​ក្រសួង​ការពារ​ជាតិ​ប្រទេស​សិង្ហបុរី លោក អ៊ិនជី អេងហេន (NG Eng Hen)បាន​ឯកភាព​គ្នា​ថា នឹង​បន្ត​យន្តការ​ដោះស្រាយ​បញ្ហា​ជម្លោះ​នៅ​កោះ​ស្ព្រាតលី (Spratly) និង​កោះ​ប៉ារ៉ាស៊ែល (Paracels) នៅ​សមុទ្រ​ចិន​ខាង​ត្បូង​នោះ​ដោយ​ផ្អែក​លើ​គោលការណ៍​សន្តិភាព និង​បង្កើត​ឲ្យ​មាន​ក្រម​ប្រតិបត្តិ​មួយ​ដើម្បី​ដោះស្រាយ​រឿង​នេះ។

ការ​ឯកភាព​គ្នា​នេះ​បាន​ធ្វើ​ឡើង​នៅ​មុន​ពេល​ដែល​ក្រសួង​ការពារ​ជាតិ​កម្ពុជា គ្រោង​បើក​កិច្ច​ប្រជុំ​សំខាន់​មួយ​នៅ​ថ្ងៃ​ទី​២៤ ដល់​ថ្ងៃ​ទី​២៧ ខែ​មេសា ឆ្នាំ​២០១២ នៅ​ខេត្ត​សៀមរាប។ កិច្ច​ប្រជុំ​នោះ គឺ​មាន​ឈ្មោះ​ថា កិច្ច​ប្រជុំ​មន្ត្រី​ជាន់​ខ្ពស់​ការពារ​ជាតិ​អាស៊ាន និង​កិច្ច​ប្រជុំ​មន្ត្រី​ជាន់​ខ្ពស់​ការពារ​ជាតិ​អាស៊ាន​បូក​ជាមួយ​ប្រទេស​ដៃគូ​មួយ​ចំនួន​ទៀត។ 

រដ្ឋមន្ត្រី​ក្រសួង​ការពារ​ជាតិ​កម្ពុជា លោក​នាយ​ឧត្ដមសេនីយ៍ ទៀ បាញ់ បាន​មាន​ប្រសាសន៍​ប្រាប់​អ្នក​កាសែត​នៅ​ក្រសួង​ការពារ​ជាតិ នៅ​ថ្ងៃ​ទី​១៨ ខែ​មេសា ឆ្នាំ​២០១២ ថា បញ្ហា​ជម្លោះ​នៅ​សមុទ្រ​ចិន​ខាង​ត្បូង​នោះ គឺ​មាន​ទម្រង់​រួច​ស្រេច​ហើយ ដើម្បី​ដោះស្រាយ គឺ​មិន​ពង្រីក​បញ្ហា​នេះ​ឲ្យ​ធំ​ទេ៖ «គឺ​ការ​ពិភាក្សា​ដោះស្រាយ​ផ្អែក​លើ​ច្បាប់ ...ក្នុង​ន័យ​មួយ​ផ្ដល់​សុខ​សន្តិភាព​ជា​សំខាន់ ឈាន​ទៅ​ដល់​ការ​ធ្វើ​សេចក្ដី​ព្រាង​រៀបចំ​ជា​ក្រម​ប្រតិបត្តិ​មួយ​នៅ​ពេល​ខាង​មុខ​នេះ»

ទាក់ទង​និង​បញ្ហា​នេះ​ដែរ រដ្ឋមន្ត្រី​ក្រសួង​ការពារ​ជាតិ​ប្រទេស​សិង្ហបុរី លោក អ៊ិនជី អេងហេន បាន​មាន​ប្រសាសន៍​ថា យើង​បាន​ជួប​ពិភាក្សា​ជាមួយ​គ្នា​ល្អ​ណាស់៖ «ប្រទេស​សិង្ហបុរី និង​ប្រទេស​កម្ពុជា មិន​មែន​ជា​ប្រទេស​ភាគី​ជម្លោះ​ទេ។ ...​ខ្ញុំ​គិត​ថា យើង​ត្រូវ​តែ​មាន​គោលការណ៍​មួយ​ដើម្បី​ដោះស្រាយ​បញ្ហា​នេះ​ឈាន​ទៅ​មុខ​ដើម្បី​ធានា​ឲ្យ​មាន​សេរីភាព​របស់​នាវាចរណ៍។ ចំណែក​ឯ​បញ្ហា​ជម្លោះ គឺ​ត្រូវ​តែ​ដោះស្រាយ​តាម​សន្តិវិធី។ លោក​រដ្ឋមន្ត្រី​ការពារ​ជាតិ លោក ទៀ បាញ់ បាន​លើក​ឡើង​ហើយ​ថា មន្ត្រី​ជាន់​ខ្ពស់​យោធា ​កម្ពុជា កំពុង​តែ​ធ្វើ​ក្រម​ប្រតិបត្តិ​មួយ និង​ក្រម​សីលធម៌​ដែរ ដើម្បី​ដោះស្រាយ​ជម្លោះ​នោះ»

ទាក់ទង​នឹង​ការ​ដោះស្រាយ​បញ្ហា​ជម្លោះ​ដណ្ដើម​កោះ​នៅ​សមុទ្រ​ចិន​ខាង​ត្បូង​នោះ ជា​រួម​លោក​នាយករដ្ឋមន្រ្តី ហ៊ុន សែន បាន​បញ្ជាក់​នៅ​ថ្ងៃ​ទី​៤ ខែ​មេសា ឆ្នាំ​២០១២ កន្លង​ទៅ​នេះ នៅ​គ្រា​ដែល​បិទ​កិច្ច​ប្រជុំ​កំពូល​អាស៊ាន​លើក​ទី​២០ នៅ​ទីក្រុង​ភ្នំពេញ ថា មេដឹកនាំ​ប្រទេស​សមាជិក​អាស៊ាន​ទាំង ១០ បាន​មាន​ឯកភាព​គ្នា​ថា និង​បន្ត​ដោះស្រាយ​ជម្លោះ​នេះ រវាង​អាស៊ាន និង​ចិន គឺ​មិន​ដោះស្រាយ​បញ្ហា​នេះ​ជា​អន្តរជាតិ​ក្រៅ​ពី​ក្របខ័ណ្ឌ​នេះ​ទេ នៅ​ក្នុង​ឋានៈ​កម្ពុជា ជា​ប្រធាន​អាស៊ាន​នៅ​ឆ្នាំ​២០១២ នេះ។

កន្លង​មក​មាន​ការ​ចោទ​ប្រកាន់ និង​រិះគន់​ថា ប្រទេស​កម្ពុជា ជា​ប្រធាន​អាស៊ាន​នៅ​ឆ្នាំ​២០១២ នេះ បាន​ទទួល​រង​ឥទ្ធិពល​ពី​ប្រទេស​ចិន មិន​លើក​យក​បញ្ហា​ជម្លោះ​នៅ​សមុទ្រ​ចិន​ខាង​ត្បូង​មក​ពិភាក្សា​ក្នុង​របៀបវារៈ​នៃ​កិច្ច​ប្រជុំ​កំពូល​អាស៊ាន​នៅ​កម្ពុជា ប៉ុន្តែ​លោក​នាយករដ្ឋមន្រ្តី ហ៊ុន សែន បាន​បដិសេធ​ការ​ចោទ​ប្រកាន់​នោះ ដោយ​បាន​បញ្ជាក់​ថា មេដឹកនាំ​ប្រទេស​សមាជិក​អាស៊ាន​ទាំង ១០​ពិត​ជា​បាន​ពិភាក្សា​រឿង​នេះ​កន្លង​មក។

ប្រទេស​សមាជិក​អាស៊ាន​ដែល​កំពុង​តែ​មាន​ជម្លោះ​ដើម្បី​កោះ​ស្ព្រាតលី និង​កោះ​ប៉ារ៉ាស៊ែល នៅ​សមុទ្រ​ខាង​ត្បូង​នោះ មាន​ប្រទេស​ម៉ាឡេស៊ី ហ្វីលីពីន វៀតណាម និង​ប្រទេស​ប្រ៊ុយណេ ជាមួយ​ប្រទេស​ចិន។ នក​ស្រាវជ្រាវ​បាន​រក​ឃើញ​ថា នៅ​បាត​សមុទ្រ​នៅ​សមុទ្រ​ចិន​ខាង​ត្បូង​នោះ គឺ​មាន​អណ្ដូង​ប្រេង និង​ឧស្ម័ន​មហា​សាល៕

កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ប៉ុណ្ណោះ។

មតិ (4)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

In his minds,he is boses while USA,West facing economy and political streses but he may forget now his hands,legs are being cuffs,old saying (Mouses inside can of rice)another word,mouse can't be escaped sooner it may be white cats food.

Apr 20, 2012 12:41 AM

អ្នក​អាន​អនាមិក

Is Tea Banh able to know what he is talking about as a Minister of Defense? Khmers are shamed by his performance. Hun Sen’s officials like talking too much nonsense these days. Tea Banh is not able to solve the border issues with Vietnam and Thailand and now he is discussing the South China territorial sea disputes. If you is not able to clean your ass, you are not able to offer to help clean others’. Please learn to talk something sensible.

Apr 18, 2012 06:11 PM

អ្នក​អាន​អនាមិក

លោកទា បាញ់ចេះនិយាយពាក្យ‹‹ច្បាប់››ដែរហ្ន៏!ប៉ុន្តែ
លោកមិនបាននិយាយថាត្រូវអនុវត្តន៍តាម‹‹ច្បាប់››នោះ
ដែរទេ?។

Apr 18, 2012 05:48 PM

អ្នក​អាន​អនាមិក

All asian should put this proposal to UN decission,because Singapor is one of China,Britis made big misteak separated Malaysia become independence.

Apr 18, 2012 04:20 PM