កម្ពុជាបញ្ជូនមន្ត្រីអាវុធហត្ថ៤០នាក់ទៅធ្វើលំហាត់សមយុទ្ធនៅថៃ
h081812ko-a1.mp3
អ្នកនាំពាក្យបញ្ជាការដ្ឋានកងរាជអាវុធហត្ថលើផ្ទៃប្រទេស លោក ខេង ទីតូ បានឲ្យដឹងនៅថ្ងៃទី១៨ សីហា ថា នាយទាហាន និងពលទាហានរបស់កងរាជអាវុធហត្ថចំនួន៤០នាក់ នឹងចេញទៅធ្វើលំហាត់សមយុទ្ធសង្គ្រោះគ្រោះមហន្តរាយ ជាមួយកងទ័ពភូមិន្ទថៃ នៅខេត្តហួរហ៊ីន (Hour Hin) ប្រទេសថៃ រយៈពេល៦ថ្ងៃ គឺចាប់ពីថ្ងៃទី១៩ សីហា ដល់ថ្ងៃ២៤ សីហា។
លោកថា ជាគោលដៅនៃការបញ្ជូនក្រុមមន្ត្រីកងរាជអាវុធហត្ថនេះ គឺដើម្បីដកស្រង់យកបទពិសោធន៍នៃការសង្គ្រោះមនុស្ស ក្នុងគ្រោះមហន្តរាយ ដោយសារប្រទេសថៃទើបតែជួបគ្រោះទឹកជំនន់ដ៏ធ្ងន់ធ្ងរ កាលពីពេលកន្លងទៅ។
លោក ខេង ទីតូ៖ «គឺយើងទៅដើម្បីយើងសហការពីរបៀបសង្គ្រោះមនុស្ស នៅពេលដែលមានគ្រោះមហន្តរាយដោយធម្មជាតិកើតឡើង ជាការសហការជួយគ្នាទៅវិញទៅមកនៅក្នុងតំបន់អាស៊ានហ្នឹងណា។ ដោយសារតែមានការប្រជុំរបស់អគ្គបញ្ជាការអាស៊ាន កន្លងមកហ្នឹងណា។ ហើយយើងក៏បានសហការគ្នាជាមួយកងទ័ពថៃ ជាការចាប់ផ្ដើមដំបូង ដោយមានការព្រមព្រៀងគ្នា ដោយសារប្រទេសថៃ គាត់ក៏បានរងគ្រោះធម្មជាតិអីថ្មីៗហ្នឹងផង។ អ៊ីចឹងហើយ យើងក៏ដកស្រង់បទពិសោធន៍គ្នាទៅវិញទៅមកទៅ»។
គណៈកម្មាធិការជាតិគ្រប់គ្រងគ្រោះមហន្តរាយក្រសួងធនធានទឹក ធ្លាប់បានព្យាករណ៍ថា ឆ្នាំ២០១២ នេះ ទឹកទន្លេមេគង្គ ទន្លេសាប ទន្លេចតុមុខ នឹងឡើងខ្លាំងជាងឆ្នាំ២០១១។
ប៉ុន្តែឆ្នាំនេះ មន្ត្រីគ្រប់គ្រងគ្រោះមហន្តរាយផ្សព្វផ្សាយថា ទឹកនៅក្នុងឆ្នាំរោងនឹងឡើងខ្ពស់ជាងឆ្នាំ២០១១ កម្ពស់កន្លះម៉ែត្រថែមទៀត។
របាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ឆ្នាំ២០១១ ឆ្នាំ២០១២ បានបង្ហាញថា ផ្ទៃដីស្រូវវស្សាដែលទទួលរងនូវគ្រោះទឹកជំនន់ មានប្រមាណជាង៤១ម៉ឺន៦ពាន់ហិកតារ។ ក្នុងនោះស្រូវខូចទាំងស្រុងជាង២៦ម៉ឺន៧ពាន់ហិកតារ ហើយផ្ទៃដីដំណាំរួមផ្សំនឹងដំណាំកសិឧស្សាហកម្ម ជាង៣ម៉ឺនហិកតារ បានជន់លិច ក្នុងនោះខូចចំនួន២២.៩០៣ហិកតារ។ ពិតមែនតែផ្ទៃដីជិត២៧ម៉ឺនហិកតារបានរងគ្រោះដោយជំនន់ទឹកភ្លៀង និងទឹកទន្លេមេគង្គ តែបរិមាណទិន្នផលស្រូវនៅតែទទួលបានជាង៨,៧៧លានតោន និងអាចសល់ស្បៀងជាស្រូវជាង៤,៣៤លានតោន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheyVorman007
ពី AngKor Watពេញចិត្តអោយស្តូក ស្រម៉ៃយូរហើយ បែររកសៀមច្រើន
ខ្មុំយល់ថាប្រសើរជាងយួន កន្លងមករហូតទល់សព្វថ្ងៃ រាជ
ការខ្មែរគ្រប់ជាន់ថ្នាក់ទៅបំពេញចំណេះតែខាងយួន មកវិញ
ទើបបានឡើងសក្ត័ ឃើញផ្ទាល់នឹងភ្នែក កាន់សៀវភៅមាន
ភាសារយួនបកប្រែខ្មែរទន្ទេញញ៉ាប់ស្អេក (តាំងពីជំនាន់បទ
ពលទោអភព្វ) ម៉េចចឹងអ្នកនយោបាយខ្មែរ ជាប់ស្នេហ៏យួន
ខ្លាំងម្លេះ? ដឹងហើយថា សត្វនេះគ្រោះថ្នាក់ណាស់ចំពោះ
ប្រទេសជាតិ តែនៅតែគេចមិនរួចពីមន្តសេ្នហ៏ស្រីស
Aug 18, 2012 10:24 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
