កិច្ចពិភាក្សាអ្នកច្បាប់ទាក់ទងការអនុវត្តក្រមនីតិវិធីព្រហ្មទណ្ឌ
h062812us.mp3
លោក អ៊ិត រ៉ាឌី អនុរដ្ឋលេខាធិការក្រសួងយុត្តិធម៌មានប្រសាសន៍ ក្នុងការប្រជុំនោះ សុំឲ្យចៅក្រម មេធាវី ព្រះរាជអាជ្ញា មន្ត្រីនគរបាលយុត្តិធម៌ ដែលចូលរួមការប្រជុំលើកឡើងអំពីភាពងាយស្រួល និងការលំបាកក្នុងការអនុវត្តក្រមនីតិវិធីព្រហ្មទណ្ឌកម្ពុជាកន្លងមក ដើម្បីលោកចងក្រងរបាយការណ៍លទ្ធផលការពិភាក្សានេះ ជូនក្រសួងយុត្តិធម៌ និងរដ្ឋាភិបាលពិនិត្យ។
លោក អ៊ិត រ៉ាឌី៖ «នេះជាគោលបំណងនៃសន្និសីទរបស់យើង គឺយើងលើកយកបញ្ហាសំខាន់ៗចំនួន៤ យកមកដើម្បីធ្វើការពិភាក្សារួមគ្នា។ ហើយទី២ ទាក់ទងនឹងបញ្ហានេះ គឺយើងចង់កំណត់ឲ្យឃើញពីចំណុចអ្វីល្អ អ្វីដែលមិនច្បាស់លាស់ ហើយនៅស្ទាក់ស្ទើរ។ អាហ្នឹង ក៏យើងត្រូវលើកយកមកជជែកគ្នា ដើម្បីរកវិធីដោះស្រាយ»។
នៅក្នុងការជួបជុំគ្នារយៈពេល២ថ្ងៃនេះ សន្និសីទស្តីពីការអនុវត្តក្រមនីតិវិធីព្រហ្មទណ្ឌនឹងបែងចែកអ្នកចូលរួមជាក្រុមពិភាក្សាលើប្រធានបទសំខាន់ៗចំនួន៤ គឺទី១ ការចាប់ខ្លួន និងការឃាត់ខ្លួនដោយមន្ត្រីនគរបាល ទី២ ការឃុំខ្លួនបណ្ដោះអាសន្ន និងការត្រួតពិនិត្យតាមផ្លូវតុលាការ ទី៣ សិទ្ធិទទួលបានមេធាវីរបស់ជនត្រូវឃាត់ខ្លួន និងទី៤ សិទ្ធិក្នុងការបង្ហាញភស្តុតាងដាក់បន្ទុក និងដោះបន្ទុក។
នៅក្នុងការពិភាក្សាតាមក្រុមនៅថ្ងៃទី១ សមាជិកចូលរួមដែលមានសមាសភាពជាចៅក្រម ព្រះរាជអាជ្ញា មេធាវី នគរបាលយុត្តិធម៌ តំណាងអង្គការសិទ្ធិមនុស្ស បានលើកឡើងអំពីបញ្ហាមួយចំនួន ដែលកើតមានក្នុងការអនុវត្តក្រមនីតិវិធីព្រហ្មទណ្ឌកន្លងមក ដូចជា ការខ្វះមេធាវីនៅតាមតុលាការ រាជធានី ខេត្ត ការខ្វះប្រាក់ដើម្បីចំណាយក្នុងការធ្វើកោសលវិច័យ ការខ្វះប្រាក់សម្រាប់ជួលអ្នកបកប្រែភាសាក្នុងពេលមានការឃាត់ខ្លួនជនបរទេស ការអនុវត្តមិនទាន់បានត្រឹមត្រូវតាមច្បាប់កំណត់ ក្នុងការឃុំខ្លួនជនសង្ស័យ៤៨ម៉ោង សិទ្ធិទទួលបានមេធាវីក្រោយពេលមានការឃុំខ្លួន ការផ្តល់ព័ត៌មានឲ្យដល់សាច់ញាតិជនត្រូវឃាត់ខ្លួន ការកោះហៅរបស់ប៉ូលិស ដើម្បីទទួលបានព័ត៌មានបន្ថែមពីជនសង្ស័យ។ល។
ការពិភាក្សាតាមក្រុមនឹងបន្តឡើងនៅថ្ងៃទីពីរបន្តទៀត តែអ្នកសារព័ត៌មាន ត្រូវក្រុមអ្នករៀបចំសន្និសីទហាមមិនឲ្យចូលស្តាប់ការពិភាក្សាតាមក្រុម និងលទ្ធផលរាយការណ៍តាមក្រុមឡើយ។
ក្រមនីតិវិធីព្រហ្មទណ្ឌ ត្រូវបានរដ្ឋសភាអនុម័តកាលពីថ្ងៃទី៧ មិថុនា ឆ្នាំ២០០៧ ក្នុងសម័យប្រជុំរដ្ឋសភាលើកទី៦ នីតិកាលទី៣ ហើយព្រឹទ្ធសភាបានយល់ស្របតាមទាំងស្រុង កាលពីថ្ងៃទី២៤ កក្កដា ឆ្នាំ២០០៧។ ក្រមនេះត្រូវព្រះមហាក្សត្រឡាយព្រះហស្តលេខា ឲ្យអនុវត្តកាលពីថ្ងៃទី១០ សីហា ឆ្នាំ២០០៧។ ក្រមនីតិវិធីព្រហ្មទណ្ឌមាន១១ គន្ថី និងចែកចេញជា ៦១២មាត្រា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
យ៉ាប់
ពី កាលីហ្វូញ៉ាបើត្រកូលសម្តេចទាំងបី នៅតែមានឈ្មោះ ក្នុងរាជរដ្ថាពិបាល ប្បាប់គ្មានប្រសិទ្ធភាពទេ...
Jun 28, 2012 03:49 PM
Peuv
Chhouk Bandith, connected to Hun Sen’s party, shot and wounded three people and has not been brought to justice as yet. 13 mothers, whose Beng Kok lake homes were bulldozed by land developers connected with Hun Sen, were thrown in jail because they protested against the loss of their properties. Sorry for these victims, the poor and the helpless. Cambodia is a lawless country. If there is law, it is created to protect the rich. The poor are left on their own.
Jun 28, 2012 01:23 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
