បេក្ខជនប្រលងចោទក្រសួងធម្មការនិងសាសនាថាពុករលួយ
h082312zr.mp3
ព្រះសង្ឃមួយអង្គសុំមិនបញ្ចេញព្រះនាម មានថេរដីកានៅថ្ងៃទី២៣ ខែសីហា ថា ព្រះតេជគុណ និងនិស្សិតមួយចំនួនទៀត បានប្រលងជាប់ជាគ្រូមធ្យមបង្រៀនផ្នែកសាសនា កាលពីឆ្នាំ២០១១ រហូតដល់ក្រសួងចេញសេចក្ដីប្រកាសថា ព្រះតេជគុណ និងបេក្ខជនមួយចំនួនទៀត ប្រលងជាប់ជាស្ថាពរដើម្បីបំរើការងារជាគ្រូមធ្យមសិក្សាបង្រៀនផ្នែកសាសនា។
ផ្ទុយទៅវិញ ព្រះតេជគុណមានថេរដីកាថា នៅដើមខែសីហា នេះ នៅមុនពេលគេរៀបចំប្រលងជ្រើសរើសគ្រូនៅឆ្នាំ២០១២ ស្រាប់តែមន្ត្រីក្រសួងធម្មការបានទូរស័ព្ទឲ្យព្រះតេជគុណមកប្រលងម្ដងទៀត កាលពីថ្ងៃទី៩ សីហា ទៅវិញ។ ព្រះតេជគុណបញ្ជាក់ថា ព្រះតេជគុណក៏ទៅប្រលងម្ដងទៀតតាមការកោះហៅ តែការប្រកាសលទ្ធផលកាលពីសប្ដាហ៍មុនបែរជាព្រះតេជគុណធ្លាក់ទៅវិញ៖ «ប្រឡងជ្រើសរើសអាត្មាលើកក្រោយហ្នឹង ស្រាប់តែទូរស័ព្ទមកប្រាប់អាត្មាឲ្យទៅទិញពាក្យប្រឡងម្ដងទៀត ពេលអាត្មាទៅ គេប្រាប់ថា អាត្មាធ្លាក់ទៅវិញ ឲ្យប្រឡងម្ដងទៀត។ ចុះពេលមុនប្រកាសថា អាត្មាប្រឡងជាប់ មានបោះត្រាក្រសួងប៉ុនណាណី បែរជាមិនទទួលស្គាល់ ក្រសួងមិនទទួលខុសត្រូវទៅវិញ ឲ្យអ្នកណាទទួលខុសត្រូវ?»។
ដោយឡែក កាលពីថ្ងៃទី១៨ សីហា កន្លងទៅ ក្រសួងធម្មការក៏បានរៀបចំបេក្ខជន បេក្ខនារី ប្រលងជ្រើសរើសក្របខ័ណ្ឌមន្ត្រីគ្រប់គ្រងរដ្ឋបាល ឲ្យចូលបំរើការងារនៅក្រសួងធម្មការ និងសាសនា ហើយក៏មានករណីដូចគ្នានេះដែរ។
ប្រភពសុំមិនបញ្ចេញឈ្មោះបានឲ្យដឹងថា កាលពីឆ្នាំ២០១១ កន្លងទៅ និស្សិតបានប្រលងជាប់ចំនួន ១៦នាក់ ប៉ុន្តែអ្នកដែលបានចូលធ្វើការពិតប្រាកដនោះមានតែ ១១នាក់ទេ ពីព្រោះថា ភាគច្រើននៃអ្នកប្រលងជាប់ទាំងនោះបានសូកលុយឲ្យមន្ត្រីក្រសួងធម្មការអ្នកកាន់កិច្ចការប្រលង។ ចំពោះបេក្ខជនចំនួន ៥នាក់ទៀត ដែលប្រលងជាប់ក្នុងចំណោម ១៦នាក់នោះ ពួកគេត្រូវបានគណៈកម្មការរៀបចំប្រលង តម្រូវឲ្យមកប្រលងម្ដងទៀត។
រដ្ឋលេខាធិការក្រសួងធម្មការ និងសាសនា និងជាប្រធានគណៈកម្មការកណ្ដាលនៃគណៈកម្មការប្រលង លោក ផ្លោក ផន និងលោក សេង សុមុន្នី អនុរដ្ឋលេខាធិការ និងជាប្រធានអនុរក្សប្រលងនៃក្រសួងធម្មការ បដិសេធមិនអធិប្បាយអំពីបញ្ហានេះទេ នៅពេលឮអ្នកយកព័ត៌មានវិទ្យុអាស៊ីសេរី សួរសំណួរទាក់ទងបញ្ហានេះ នៅថ្ងៃទី២៣ សីហា។
លិខិតដែលវិទ្យុអាស៊ីសេរី ទទួលបានពីក្រសួងធម្មការ និងសាសនា ចុះហត្ថលេខាដោយរដ្ឋមន្ត្រីក្រសួងធម្មការ លោក មិន ឃិន កាលពីថ្ងៃទី២២ ខែធ្នូ ឆ្នាំ២០១១ បានប្រកាសស្ដីពីការទទួលយកបេក្ខជន បេក្ខនារីប្រលងជាប់ជាស្ថាពរឲ្យចូលបំរើការងារក្នុងក្រសួងធម្មការ និងសាសនាមានចំនួន ១៦នាក់។
នៅចំណុចប្រការ២ នៅក្នុងសេចក្ដីប្រកាសដដែលបានសរសេរថា ប្រាក់បៀវត្ស និងប្រាក់ឧបត្ថម្ភផ្សេងៗរបស់បេក្ខជនប្រលងជាប់នោះ ត្រូវឆ្លងកាត់កម្មសិក្សារយៈពេល ១២ខែ គិតពីថ្ងៃទី១ ខែធ្នូ ឆ្នាំ២០១១ តទៅ។ ប៉ុន្តែបញ្ជីរាយនាមបេក្ខជន បេក្ខនារី ប្រលងជ្រើសរើសមន្ត្រីក្របខ័ណ្ឌក្រសួងធម្មការ កាលពីថ្ងៃទី១៨ សីហា ឆ្នាំ២០១២ មាន ៧៣នាក់ ក្នុងនោះក្រសួងតម្រូវឲ្យអ្នកប្រលងជាប់ចំនួន ៥នាក់ កាលពីឆ្នាំ២០១១ ទៅចូលប្រលងម្ដងទៀតទៅវិញ។ ការប្រលងកាលពីថ្ងៃទី១៨ សីហា ក្រសួងមិនទាន់ប្រកាសលទ្ធផលនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ក្រសួងធម្មការពុករលួយនរណាក៏ដឹងដែរប៉ុន្តែចុះសម្តេចសង្ឃរាជបង្ខំអោយចៅអធិការបង់បច្ចយ័អោយជារៀងរាល់ខែ ហើយហើយធ្វើនយោបាយដោយបង្ខំអោយលោកសង្ឃប្រកាន់យកគណបក្សប្រជាជន ម្តេចមានថាផង?
Aug 25, 2012 11:02 PM
អាត្មា
ពី PPចប់ហើយក្រសួងធម្មការ សាសនាប្រៀនប្រដៅមនុស្សធ្វើតែអំពើល្អ ក្រសួងនេះជាក្រសួងតំណាងឲ្យសាសនាទាំងមូល បែរជាប្រព្រឹត្តអំពើពុករលួយទៅវិញុំ។ ខ្មាស់គេណាស់!
Aug 24, 2012 12:01 PM
Tep Wong corrupted
I USED TO PAY 3,000.OO U.S DOLLARS IN ORDER TO GET A JOB IN DEPARTMENT OF CULT AND RELIGION. OTHERWIDE YOU CAN NOT GET A JOB THERE.
Aug 23, 2012 04:36 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
