ទណ្ឌិតដែលរួចទោសចោទមន្ត្រីពន្ធនាគារខេត្តកំពង់ឆ្នាំងថាពុករលួយ

អ្នកទោសបានចេញពីពន្ធនាគារខេត្តកំពង់ឆ្នាំង បានឲ្យដឹងថា មានអំពើពុករលួយកើតមានយ៉ាងខ្លាំង និងមានការរើសអើងចំពោះអ្នកទោសនៅក្នុងពន្ធនាគារខេត្តនេះ។

ដោយ មណ្ឌល កែវ
2012-08-04

h080412pb.mp3

បន្ទប់អ្នកទោសបុរសក្នុងពន្ធនាគារខេត្តកំពង់ឆ្នាំង។

Licadho

ទណ្ឌិតរួចផុតពីទោសម្នាក់ ដែលសុំមិនបញ្ចេញឈ្មោះ បានឲ្យដឹងនៅព្រឹកថ្ងៃទី៤ សីហា ថា ក្នុងពន្ធនាគារមានការបែងចែកវណ្ណៈអ្នកទោស ដូចជាប្រភេទអ្នកទោសដែលជាប់ពន្ធនាគារដោយសាររឿងលួចឆក់កំប៉ិកកំប៉ុក ពោលគឺអ្នកទោសក្រីក្រ មានជីវភាពត្រដាបត្រដួស បរិភោគបាយដែលដាំដោយអង្ករប្រភេទអន់ ដូចបាយជ្រូក។

ចំណែកអ្នកទោសដែលមានលុយបង់ប្រចាំខែឲ្យអ្នកដឹកនាំពន្ធនាគារ មិនត្រឹមតែបរិភោគបាយអង្ករល្អ ឈ្ងុយឆ្ងាញ់ប៉ុណ្ណោះទេ តែអាចប្រើប្រាស់ទូរស័ព្ទហៅចេញទៅខាងក្រៅបានដោយសេរី និងមានបន្ទប់ឯកជនទៀតផង៖ «ទីផ្សារសេដ្ឋកិច្ចរបស់ប្រធានពន្ធនាគារនៅហ្នឹងតែម្ដង។ សិប្បកម្មតុ ទូ ក៏គេធ្វើនៅក្នុងហ្នឹង។ ពេលឈឺអី ថ្នាំគឺទិញមកពីក្រៅទាំងអស់ ឯការដេកវិញ បើមានលុយបង់ដូចឧកញ៉ាអី គឺបានបន្ទប់មានកង្ហារ»។

ប្រភពបានឲ្យដឹងបន្ថែមថា ក្នុងពន្ធនាគារខេត្តកំពង់ឆ្នាំង មានការលួចអនុញ្ញាតឲ្យនាំស្រីពេស្យាចូលបម្រើតណ្ហាឲ្យទណ្ឌិត ដែលមានប្រាក់ច្រើន ដូចជាទណ្ឌិតដែលមានទោសជួញដូរគ្រឿងញៀន និងអ្នកទោសដែលមានខ្នងបង្អែកជាដើម។ ប្រភពក៏បានឲ្យដឹងដែរថា ក្រៅពីនេះ ក៏មានការកេងប្រវ័ញ្ចកម្លាំងពលកម្មអ្នកទោសផងដែរ៖ «ទូរស័ព្ទវិញ គឺពួកឧកញ៉ាៗ ពួកប្លន់ ពួកជំរិតអី អាចប្រើដោយត្រូវបង់១០០ដុល្លារក្នុងមួយខែ។ អ្នកចង់បានបន្ទប់គ្រាន់បើ មានបន្ទប់ទឹកច្រើន គឺត្រូវបង់សេវាដែរ។ បន្ទប់ពេទ្យមានតែមួយទេ គេប្រើសម្រាប់ឲ្យអ្នកទោសមានលុយនាំស្រី ឬប្រពន្ធចូលមកវ៉ៃស៊ិច ម្ដងគេយកពី១០ម៉ឺនទៅ២០ម៉ឺន»។

របាយការណ៍ស្ដីពីពន្ធនាគាររបស់អង្គការលីកាដូ (Licadho) ឆ្នាំ២០១១ បានបង្ហាញថា មានការទិញលក់ទំនិញ និងធនធាន ដែលមានស្ទើរតែគ្រប់ពន្ធនាគារទាំងអស់ ដូចជាថ្នាំសង្កូវ កន្លែងទទួលទានដំណេក ពេលវេលាលំហែ សិទ្ធិទទួលការសួរសុខទុក្ខ។ល។

អ្នកទោសក្រីក្រមានបន្ទុកធ្ងន់ធ្ងរនៅក្នុងពន្ធនាគារ ដែលត្រូវចំណាយស្ទើរគ្រប់អ្វីៗទាំងអស់។ អ្នកទោសដែលគ្មានថវិកាគ្រប់គ្រាន់ តែងរស់នៅក្នុងលក្ខខ័ណ្ឌមិនស្មើភាពជាមួយអ្នកទោសឯទៀត ដែលមានលទ្ធភាពថវិកាគ្រប់គ្រាន់នោះ។ អ្នកទោសដែលជាអ្នកមានទ្រព្យសម្បត្តិ និងមានខ្នងបង្អែក អាចមានបន្ទប់ឯកជន ដែលមានគ្រែ កង្ហារ ទូរទឹកកក និងម្ហូបអាហារបន្ថែម ការថែទាំសុខភាពជាឯកជន និងទទួលប្ដី ឬប្រពន្ធ ដែលមកសួរសុខទុក្ខ ព្រមទាំងសេវាសំខាន់ៗផ្សេងទៀត។

យ៉ាងនេះក្ដី អនុប្រធានពន្ធនាគារខេត្តកំពង់ឆ្នាំង គឺលោក ផល្លី បានបដិសេធការចោទប្រកាន់ទាំងនេះ។ លោកមានប្រសាសន៍ថា ការលើកឡើងបែបនេះ គឺជាការមួលបង្កាច់របស់ទណ្ឌិត ដែលបានចេញពីពន្ធនាគារ ព្រោះតែពេលជាប់ក្នុងពន្ធនាគារ គាត់មិនពេញចិត្តនឹងបែបបទអប់រំកែប្រែ និងវិន័យរបស់ពន្ធនាគារ។

លោកថា ករណីទាំងនេះមិនកើតមានក្នុងពន្ធនាគារខេត្តកំពង់ឆ្នាំង នោះទេ៖ «ក្នុងពន្ធនាគារនេះ អត់មានទេ បញ្ហានេះ។ ជួនកាលមនុស្សយើងវាជារឿងក្អែកមួយទៅជាក្អែកដប់។ ជាការបំផ្លើសការពិត ប៉ុន្តែជាក់ស្ដែងនៅពន្ធនាគារនេះ មិនមានរឿងដូច្នេះទេ ព្រោះអាហ្នឹងវាខុសទៅនឹងលក្ខការណ៍របស់ក្រសួង»។

ពន្ធនាគារខេត្តកំពង់ឆ្នាំង មានចំណុះផ្ទុកបាន១៥០នាក់ ប៉ុន្តែគិតត្រឹមខែឧសភា ឆ្នាំ២០១១ ស្ថិតិរបស់អង្គការលីកាដូ បានបង្ហាញថា មានអ្នកទោសចំនួន៣៣៦នាក់ កំពុងមានវត្តមានក្នុងពន្ធនាគារនេះ។ ស្ថិតិនេះ បានបង្ហាញថា ពន្ធនាគារខេត្តកំពង់ឆ្នាំង ផ្ទុកអ្នកទោសលើសដល់ទៅ២២៤%៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

Sreth

ពី Poy Pet

Thanks MS Sara for your message, any way jail in Cambodia is a "rate trap" , a little better than Khmer rouge time. Mostly, this time in Cambodia government apply a term so call " Villages District Security" about a year a go, they have 5 things of rules, a few day ago they add 4 thing more. These new ideas ( is not law is just a group of people speak out ) look good but not good to test it, that why the prisons in Cambodia are over loaded of number of people. I tell you almost avery thing go to prison without trial, you both mention about "don't commit crime!", what level of crime which you want to talk about here? You understand about khmer rouge regime? now in cambodia some place we experiences the same principle of khmer rouge did on the past. Now I learn to shut my mouth " Dam Deum Kor" , If you Cambodian you will know this term. Honestly, I keen to hear from you the word crime that you mention is in what level of mistake according to your situation and your environment?

Aug 08, 2012 12:05 PM

អ្នកអានអនាមិក

ជីវិតនៅក្នុងគុកមិនមានសេរីភាពទេ ចូរតាំងខ្លួនជាមនុស្សល្អ ទើបជីវិតមានតម្លៃ មានសេរីភាព

Aug 07, 2012 12:14 AM

Miss Sara

ពី MARYLAND,USA

Me, personally, I agree with both of you (Roth & Sreth). Every one has different opinion, perception, experience ect...in live. No perfection in every action in the world, but in jail, all correction officers must respect laws and make balance to be fair to all prisoners without big gap of classes...Corruptions are everywhere, poor countries are the worst which is included cambodia also. I do stronly beleive the people living in our homeland & people living out of country, absolutely see things differently (not the same continental). In conclusion, no place like home. Want to be cozy, comfortable, freedom, do what you want, stay away from criminal actions...

Aug 06, 2012 09:42 AM

sreth

ពី poy pet

Friend, not all prisoner are committed crime, there fore in the prison must have a balance of living. I hope one day you will have chance in the prison without doing any mistake. Friend reconsider what is your writ dow and your thinking. Law in cambodia is corrupted. Real bad guys is out side the jail! Because they know a head of time, and escaped. I pray for you to visit prison in one month. (Thinking about the number of prisoners are over loaded) . Why ?Sreth

Aug 05, 2012 10:40 PM