តុលាការបើកសវនាការលើសំណុំរឿងក្ដីរបស់លោក ម៉ឹក ដារ៉ា
h111711mn1
តុលាការខេត្តបន្ទាយមានជ័យ បានបើកសវនាការជំនុំជម្រះលើសំណុំរឿងមន្ត្រីប៉ូលិសប្រឆាំងការជួញដូរថ្នាំញៀន ២នាក់ ដោយមានការចោទសួរដេញដោលពីសំណាក់ក្រុមចៅក្រមជំនុំជម្រះ តំណាងអយ្យការ និងក្រុមមេធាវីការពារក្ដីចុងចោទពេញមួយថ្ងៃ នៅថ្ងៃច័ន្ទ ទី១៧ ខែវិច្ឆិកា ឆ្នាំ២០១១។
លោក អ៊ិត សម្ផស្ស ប្រធានចៅក្រមជំនុំជម្រះសាលាដំបូងខេត្តបន្ទាយមានជ័យ បានប្រកាសថា សវនាការលើសំណុំរឿងអតីតមេប៉ូលិសប្រឆាំងគ្រឿងញៀននេះមានចំនួន ៣៨អង្គហេតុ និងត្រូវបើកសវនាការជំនុំជម្រះចាប់ពីថ្ងៃទី១៧ ខែវិច្ឆិកា ឆ្នាំ២០១១ រហូតដល់ថ្ងៃទី២០ ខែមករា ឆ្នាំ២០១២។
នៅថ្ងៃសវនាការដំបូងនេះ តុលាការបានលើកយកអង្គហេតុនៃសំណុំរឿងចំនួនពីរ ទាក់ទិនការចុះបង្ក្រាបគ្រឿងញៀនធំៗមួយចំនួន កាលពីបួនឆ្នាំមុននៅទីក្រុងភ្នំពេញ។
ជនសង្ស័យ ២នាក់ មានលោក ម៉ឹក ដារ៉ា អតីតអគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន លោក ជា ឡេង ប្រធានការិយាល័យប្រឆាំងគ្រឿងញៀន និងសាក្សីជាមន្ត្រីប៉ូលិសប្រឆាំងគ្រឿងញៀនជាច្រើននាក់។ កងកម្លាំងប៉ូលិសប្រដាប់ដោយអាវុធ បាននាំខ្លួនអ្នកទាំងនោះពីពន្ធនាគារទៅកាន់តុលាការ ដោយមានការការពារយ៉ាងប្រុងប្រយ័ត្ន។
នៅមុនពេលបើកអង្គសវនាការសួរដេញដោលលើជនសង្ស័យទាំងពីរ និងសាក្សីជាមន្ត្រីប៉ូលិសជាច្រើននាក់។
លោក ការ សាវុត្ថ មេធាវីរបស់អតីតឧត្ដមសេនីយ៍ឯក ម៉ឹក ដារ៉ា បានស្នើសុំឲ្យអង្គសវនាការបង្ហាញព្រះរាជក្រឹត្យរបស់ព្រះមហាក្សត្របញ្ចប់តួនាទីរបស់លោក ម៉ឹក ដារ៉ា។ ប៉ុន្តែលោក ផាន់ វណ្ណរ័ត្ន តំណាងអយ្យការជំទាស់ ហើយលោក អ៊ិត សម្ផស្ស ប្រធានក្រុមប្រឹក្សាជំនុំជម្រះប្រកាសបិទមិនឲ្យមានការជជែកតវ៉ា និងចាប់ផ្ដើមដំណើរការនីតិវិធីរបស់តុលាការ។
នៅក្នុងអង្គសវនាការនៅថ្ងៃព្រហស្បតិ៍ ទី១៧ វិច្ឆិកា នេះ តុលាការបានសួរដេញដោលតែលើអង្គហេតុចំនួនពីរ ដោយតុលាការបាននាំខ្លួនអតីតស្នងការនគរបាលខេត្តបន្ទាយមានជ័យ លោក ហ៊ុន ហ៊ាន។ លោក ឈាង សុន អតីតស្នងការរង។ ឈ្មោះ ហែម សុផល ឈ្មោះ ខៀវ សារ៉ា និងជនជាប់សង្ស័យជាមន្ត្រីប៉ូលិសប្រឆាំងការជួញដូរគ្រឿងញៀនជាច្រើននាក់ទៀត ដើម្បីធ្វើការសាកសួរ។
ទោះជាយ៉ាងនេះក្ដី សវនាការលើសំណុំរឿងអតីតប៉ូលិសប្រឆាំងការជួញដូរគ្រឿងញៀននេះ នឹងត្រូវចំណាយពេលវេលាបីខែ ដោយសារសំណុំរឿងព្រហ្មទណ្ឌរបស់អតីតមន្ត្រីប៉ូលិសប្រឆាំងការជួញដូរថ្នាំញៀនមានអង្គហេតុចំនួន ៣៨ ដែលមានជាប់ពាក់ព័ន្ធទៅនឹងការចុះបង្ក្រាបគ្រឿងញៀន ការដោះលែងឧក្រិដ្ឋជនគ្រឿងញៀន និងការផ្សំគំនិតរៀបចំរចនាសម្ព័ន្ធចាត់តាំងក្រុមឧក្រិដ្ឋជនជួញដូរគ្រឿងញៀន៕
អ្នកអានអនាមិក
It is a game in Basak Politics led by Hun Sen. A lot of people do like Dara, why not in the case. Start doing that from the top to help people. I think they cannot do that. Doing that means cutting their arms,legs, and heads.
Nov 21, 2011 01:10 AM
អ្នកអានអនាមិក
It is a game in Basak Politics led by Hun Sen. A lot of people do like Dara, why not in the case. Start doing that from the top to help people. I think they cannot do that. Doing that means cutting their arms,legs, and heads.
Nov 21, 2011 01:09 AM
អ្នកអានអនាមិក
Bravo!!! the unticorruption agency has started to work, but your swords not that sharp enought. This man might not one of those big tommies? if he is the one of those relatives he wasn't dumped like this.
Nov 20, 2011 11:51 AM
អ្នកអានអនាមិក
Polices are in Hun Xen's control is always like this. Because Hun Xen never care to arrest them, Hun Xen wants them to do the corruption so that his political party have alot money and strenght in party.
Nov 18, 2011 01:09 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
