តុលាការខេត្តស្វាយរៀងបន្តនីតិវិធីពិនិត្យលទ្ធផលស៊ើបអង្កេតលោក ឈូក បណ្ឌិត
h091512in.mp3
មកដល់ពេលនេះ សំណុំរឿងក្ដីនេះកំពុងស្ថិតក្នុងដៃព្រះរាជអាជ្ញា ដើម្បីបន្តនីតិវិធីមុនពេលបញ្ជូនទៅអោយចៅក្រមជំនុំជម្រះ ដើម្បីកំណត់ពេលវេលាបើកសវនាការ។
ព្រះរាជអាជ្ញាខេត្តស្វាយរៀង កំពុងបន្តនីតិវិធីពិនិត្យលទ្ធផលស៊ើបអង្កេតសំណុំរឿងអតីតអភិបាលក្រុងបាវិត លោក ឈូក បណ្ឌិត ដែលជាប់ចោទក្នុងការបាញ់អោយរបួសកម្មការិនីបីនាក់នៅរោងចក្រកាត់ដេរកៅវ៉េ (Kao Way)។
ព្រះរាជអាជ្ញាអមតុលាការខេត្តស្វាយរៀង លោក ហ៊ីង ប៊ុនជា មានប្រសាសន៍តាមទូរស័ព្ទនៅរសៀលថ្ងៃសៅរ៍ ទី១៥ ខែកញ្ញា ថា ចៅក្រមស៊ើបសួរបានបិទបញ្ចប់ការស៊ើបសួរលើសំណុំរឿងក្ដីនេះរួចរាល់ហើយ។ លោកអះអាងថា លោកកំពុងពិនិត្យលទ្ធផលនៃការស៊ើបអង្កេតទៅតាមលទ្ធភាពដែលអាចធ្វើទៅបាន ដើម្បីបញ្ជូនសំណុំរឿងទៅចៅក្រមជំនុំជម្រះអោយបានឆាប់។ បើទោះជាយ៉ាងណា លោក ហ៊ីង ប៊ុនជា ពុំបានបង្ហើបអោយដឹងពីលទ្ធផលនៃការស៊ើបអង្កេតនោះឡើយ៖ «គឺខ្ញុំត្រូវពិនិត្យ ត្រូវពនិត្យ ដើម្បីបានសន្និដ្ឋានបញ្ចប់។ ហីការពិនិត្យរបស់ខ្ញុំ វាត្រូវប្រើមិនអោយលើសពីមួយខែ គិតចាប់ពីថ្ងៃចន្ទ មក។ ខ្ញុំព្យាយាមធ្វើអោយបានលឿនបំផុត»។
ព្រះរាជអាជ្ញា លោក ហ៊ីង ប៊ុនជា កាលពីពេលកន្លងទៅ បានសម្រេចចោទប្រកាន់អតីតអភិបាលក្រុងបាវិត លោក ឈូក បណ្ឌិត ពីបទបង្ករបួសស្នាមដោយអចេតនា ចំពោះការបាញ់ប្រហារអោយរបួសកម្មការិនី៣នាក់នៅរោងចក្រកៅវ៉េ។
កម្មការិនី៣នាក់ នៅរោងចក្រកៅវ៉េ ត្រូវបាញ់អោយរបួសធ្ងន់ កាលពីថ្ងៃទី២០ ខែកុម្ភៈ ឆ្នាំ២០១២ មានឈ្មោះ អ៊ុន ចិន្តា ឬ ប៊ុន ចិន្តា របួសដើមទ្រូងលើដោះឆ្វេងធ្លាយទៅក្រោមខ្លៀកខាងឆ្វេង កៅ នី រងរបួសដៃស្ដាំ និង នុត សុខន របួសដៃស្ដាំ និងខ្នង។ ពួកគេបានដាក់ពាក្យប្ដឹង លោក ឈូក បណ្ឌិត ជនសង្ស័យនៃការបាញ់ប្រហារនោះ ពីបទមនុស្សឃាតដោយចេតនា។
កម្មការិនី ប៊ុន ចិន្តា មានប្រសាសន៍ថា ការអូសបន្លាយរឿងក្ដីនេះ បានធ្វើអោយនាងបន្តរស់នៅក្នុងភាពភ័យខ្លាចកាន់តែយូរដែរ៖ «ខ្ញុំរាល់ថ្ងៃចេះតែភ័យខ្លាចបង ព្រោះអីធ្វើការឆ្ងាយពីខេត្តអីចឹង មិនដឹងគេគិតម៉េចៗផង ព្រោះអីវានៅអីចឹងណាស់។ ខ្ញុំចង់អោយអ្នកជនល្មើសហ្នឹងផ្ដន្ទាទោសតាមច្បាប់»។
ចំណែកអ្នកការពារសិទ្ធិមនុស្ស និងអ្នកឃ្លាំមើលដំណើរការរឿងក្ដីបានកត់សម្គាល់ថា ពុំមែនជារឿងថ្មីទេចំពោះការអូសបន្លាយរឿងក្ដី ដែលជាប់ពាក់ព័ន្ធនឹងអ្នកមានអំណាចដូចលោក ឈូក បណ្ឌិត នេះ។
មន្ត្រីជាន់ខ្ពស់ផ្នែកស៊ើបអង្កេតរបស់អង្គការការពារសិទ្ធិមនុស្សលីកាដូ (Licadho) លោក អំ សំអាត មានប្រសាសន៍ថា ជាញឹកញយ ការអូសបន្លាយរឿងក្ដីបែបនេះ បានធ្វើអោយជនរងគ្រោះនឿយណាយ ឬលែងខ្វល់ខ្វាយពីរឿងក្ដីនោះតទៅទៀត។ លោកថា លែងខ្វាយខ្វល់ គឺមានន័យថាពួកគេសម្រេចចិត្តរស់នៅក្នុងភាពអយុត្តិធម៌៖ «ឃើញហើយវាជាវប្បធម៌មួយ បើសិនជាអ្នកមានលុយ អ្នកមានអំណាច អ្នកមានបុណ្យសក្តិ ដែលពាក់ព័ន្ធនឹងបទល្មើសអីមួយ យើងឃើញនីតិវិធីដើរយឺត ជួនកាលគឺយូរមែនទែន ជួនកាលក៏គ្មានចំណាត់ការទៅទៀត។ តែកាលណាយូរមែនទែនទៅ ធ្វើអោយជនរងគ្រោះហ្នឹង។ គាត់ខឹងគាត់លែងចង់ប្ដឹងចង់ផ្តល់អី។ គាត់គិតថាវាជារឿងមួយអយុត្តិធម៌សម្រាប់គាត់ទៀតក៏ថាបានដែរ»។
យ៉ាងនេះក្ដី មកដល់ពេលនេះ ទាំងកម្មការិនីដែលជាជនរងគ្រោះ និងអ្នកការពារសិទ្ធិមនុស្ស នៅតែទទូចអោយតុលាការត្រូវនាំខ្លួនជនល្មើសមកផ្ដន្ទាទោសទៅតាមទង្វើដែលគេបានប្រព្រឹត្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CC
ពី P VihearWhat they would do if those victims were Hun Sen's daughters...!
Sep 17, 2012 08:36 PM
អ្នកអានអនាមិក
ពី បាត់ដំបងចូរចាំថាអ្នកតូចមិនអាចឈ្នះអ្នកធំទេ!អ្នកក្រមិនអាចឈ្នះអ្នមានបានទេ!
Sep 17, 2012 08:30 PM
ខុន ណាវ៉េត
ពី រតនគីរីបាញ់អោយគេរបួសបីនាក់នូវ ចោទពីបទបង្ករបួសស្នាមដោយអចេតនាទៀត សូមសរសើរលោកព្រះអជ្ញា ហ៊ីន ប៊ុនជា ហើយ មិនដឹងជាគាត់គិតម៉េចទេ គិតទៅអ្នកក្រគឹវាបែបនេះ គេបាញ់ដូចសត្វធាតុហើយ អ្នកប្រព្រឹត្តដេកធ្វើព្រងើយ ចប់ហើយច្បាប់ស្រុកខ្មែរ តើយើងទៅរំពឹងអ្នកណា
Sep 17, 2012 10:37 AM
Dy veasna
ពី Prey vengចំពោះរៀងនេះ វាមិនកើតឡើងទៅលើក្រុមគ្រួសាររបស់លោកធំផង ហេតុអ្វីបានជាវាកើតតែលើប្រជាជនក្រីក្រ បែបនេះ ចំពោះខ្ញុំគិតថា មន្រ្ដីៗសព្វថ្ងៃគឺជាមិនចេះឆ្អែត ក៍ដូចជាមន្រ្ដីកើតមេរោគអាត្មានិយមគ្រប់ៗគ្នា បើនិយាយឲ្យចំអាមន្រ្ដីខ្លាចឆ្កែខាំ
Sep 17, 2012 07:37 AM
អ្នកអានអនាមិក
អីឡូវនេះខ្ញុំហាក់លែងចង់ដឹងពីនិតិវិធីខ្មោចយអីទៀតហើយ តែសុំអង្វរដល់សង្គមស៊ីវិល អង្គការមិនមែនរដ្ឋាភិបាល មន្រ្តីទាំងឡាយក្នុងជួររដ្ឋាភិបាលទាំងក្នុងគណបក្សកាន់
អំណាច ក៏ដូចជាគណបក្សប្រឆាំងដែលលោកស្រឡាញ់យុត្តិធម៍សូមមេត្តាអោយខ្ញុំបាន
ដឹងផងថា តើ ឈូក បណ្ឌឹត ជាខ្សែខាងអស់លោកណា?ឈ្មោះអី? បានជាច្បាប់ស្រុក
ខ្មែរធ្វើអីគេមិនបាន ហើយខ្ញុំត្រូវដឺងថាបើចង់ទៅបាវិតត្រូវគិតដល់ជននេះផង។
Sep 16, 2012 09:36 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
