តុលាការស្វាយរៀងរងការចោទថារកលេសបន្ធូរបន្ថយទោស ឈូក បណ្ឌិត
h072012in.mp3
ការសាកសួរច្រើនលើកច្រើនសារបែបនេះ ត្រូវអ្នកការពារសិទ្ធិមនុស្ស ដែលឃ្លាំមើលរឿងក្តីនេះចាត់ទុកថា ជាទង្វើព្យាយាមសម្រាលទោសកំហុសរបស់ជនល្មើស។
ចៅក្រម និងព្រះរាជអាជ្ញានៅសាលាដំបូងខេត្តស្វាយរៀង ដោយមានការចូលរួមពីនគរបាលជំនាញរបស់ក្រសួងមហាផ្ទៃ បានបើកការសាកសួរជាថ្មីម្ដងទៀតទៅលើកម្មការិនីចំនួន៣នាក់ បម្រើការនៅរោងចក្រ កៅវ៉េ (Kaoway) ដែលជាជនរងគ្រោះពីការបាញ់រះរបស់អតីតអភិបាលក្រុងបាវិត លោក ឈូក បណ្ឌិត។
កម្មការិនីរងគ្រោះម្នាក់ គឺអ្នកស្រី នុត សាខន ដែលស្ថិតក្នុងចំណោមកម្មការិនី៣នាក់ចូលទៅបំភ្លឺ នៅតុលាការខេត្តស្វាយរៀង បានប្រាប់តាមទូរស័ព្ទថា មន្ត្រីនគរបាលជំនាញរបស់ក្រសួងមហាផ្ទៃបានសាកសួរអ្នកស្រីយូរជាងគេ។ ហើយការសាកសួរនៅលើកនេះ ហាក់ដូចជាមានការបង្វែរសំនួរចេញពីបទល្មើសរបស់ជនសង្ស័យ។ អ្នកស្រីបន្តថា ការសាកសួរបែបនេះទំនងមានបំណងធ្វើអោយចម្លើយរបស់ពួកគាត់ដែលជាជនរងគ្រោះ ទៅជាពុំមានតម្លៃក្នុងការចោទប្រកាន់អតីតអភិបាលក្រុងបាវិត លោក ឈូក បណ្ឌិត។
អ្នកស្រី នុត សាខន៖ «ដល់ពេលសួរច្រើនលើក ច្រើនសារពេក វាអាចថាជារឿង ដូចថានិយាយចុះនិយាយឡើង គេមិនអាចយកធ្វើជាការពិត។ និយាយទៅមកទៅមកអីចឹង ដល់ពេលកន្លែងណាយើងខុសអីចឹង គេអាចចាប់ចំណុចយើងបានថា យើងហ្នឹងនិយាយអត់ដូចមុនអីចឹង។ ហើយសួររហូតអីចឹង យើងមិនអាចនិយាយថា ពីដើមរហូតដល់ចប់បាន និយាយចុះឡើង យើងអាចនិយាយភ្លេច ភ្លាវ និយាយកាត់ គេអាចចាប់ចំណុចថា យើងនិយាយអត់ដូចដើមអីចឹងណា»។
កម្មការិនី៣នាក់ នៅរោងចក្រ កៅវ៉េ ត្រូវបាញ់អោយរបួសធ្ងន់កាលពីថ្ងៃទី២០ ខែកុម្ភៈ ឆ្នាំ២០១២ មានឈ្មោះ អ៊ុន ចិន្តា ឬ ប៊ុន ចិន្តា របួសដើមទ្រូងលើដោះឆ្វេងធ្លាយទៅក្រោមខ្លៀកខាងឆ្វេង កៅ នី រងរបួសដៃស្កាំ និង នុត សុខន របួសដៃស្ដាំ និងខ្នង។ ពួកគេបានដាក់ពាក្យប្ដឹង លោក ឈូក បណ្ឌិត ជនសង្ស័យនៃការបាញ់ប្រហារនោះ ពីបទមនុស្សឃាតដោយចេតនា។ រហូតមកដល់ពេលនេះ ជនសង្ស័យនៅមានសេរីភាពនៅឡើយ។
មន្ត្រីអង្គការការពារសិទ្ធិមនុស្ស លីកាដូ (Licadho) ប្រចាំខេត្តស្វាយរៀង លោក នុត បូពិណ្ណរ័ត្ន មានប្រសាសន៍ថា ការសាកសួរជនរងគ្រោះច្រើនលើកច្រើនសារបែបនេះ អាចជាការព្យាយាមរកលេស ដើម្បីបន្ធូរបន្ថយទោសអ្នកប្រព្រឹត្តល្មើស៖ «អីចឹង ឆន្ទៈរបស់គេ បើនៅយូរដល់កម្រិតនេះ គឺយើងយល់ទាំងអស់គ្នាថា គឺគេរកអ្វីដែលដោះបន្ទុកខាងនោះទេ ខាងជនចុងចោទ បើទោះជាមានប៉ូលិសជំនាញទៅសួរ ដូចជាសួរពីរឿងដាក់បន្ទុកកម្មករអីចឹង ដូចជាអត់មានអីចម្រើនទៅមុខទេ គឺដូចជារកកន្លែងដោះបន្ទុកលោក ឈូក បណ្ឌិត ហ្នឹង»។
វិទ្យុអាស៊ីសេរី មិនអាចសុំការអធិប្បាយពីប្រធានតុលាការខេត្តស្វាយរៀង លោក ពេជ ឈឿត បានទេនៅរសៀលថ្ងៃទី២០ ខែកក្កដា។
ទោះជាយ៉ាងណា ព្រះរាជអាជ្ញាអមតុលាការខេត្តស្វាយរៀង កាលពីពេលកន្លងទៅបានសម្រេចចោទប្រកាន់ជនសង្ស័យ លោក ឈូក បណ្ឌិត ពីបទបង្ករបួសស្នាមដោយអចេតនា។ រហូតមកដល់ពេលនេះ កម្មការិនីរងគ្រោះនៅតែទទូចអោយតុលាការខេត្តស្វាយរៀង ស្វែងរកយុត្តិធម៌អោយពួកគេ អោយបានឆាប់រហ័សទៅតាមលទ្ធភាពដែលអាចធ្វើទៅបាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កូនខ្មែរ
ពី សូដង់ខាងត្បូងចុះបើ ឈូក បណ្ឌិត បាញ់ត្រូវសាច់ញាតិ្ត រឺគ្រួសាររបស់ខ្លួនវិញតើព្រះរាជអាជ្ញាអមតុលាការខេត្តស្វាយរៀងនឹងចោទលោក ឈូក បណ្ឌិត ពីបទបង្ករបួសស្នាមដោយអចេតនាឬក៏អត់?
ដកអាវុធមកបាញ់មនុស្សស្រស់ហើយថាអចេតនាទៀត!!!
Jul 23, 2012 09:40 AM
អ្នកអានអនាមិក
This is ridiculous.The criminal who was caught red handed is still roamed free. It is a very bad example for court of law. Instead of condemning the criminal, it tries to free. What a shame to be Khmer who use to boast about how great the nation is.
Jul 21, 2012 10:12 AM
(
ឈ្មោះ បណ្ឌិតពីរោះណាស់ ជាអ្នករៀនសូត្របានខ្ពង់ខ្ពស់ គួរជាទីគោរពរាប់អាន ចិត្ដមារយាទល្អផូរផង់ ជ្រះថ្លាក្នុងព្រះពុទ្ធសាសនា តែផ្ទុយទៅវិញស្រាប់តែតាំងខ្លួនជាមនុស្សពាល ជាសត្វ ជាពួកMafia យកអាវុធបាញ់ប្រហារមនុស្សគ្មានញញើតដៃ។ហេតុដូចម្ដេចបានជានរកមិនឆាប់យកទៅ ទុកនៅក៏គង់មិនចម្រើនដល់មនុស្សលោកសោះ។
Jul 21, 2012 06:31 AM
Peuv
How can Hun Sen be a PRIME MINISTER of Cambodia when he throws Mom Sunando, an an innocent citizen he does not like, in jail while he protects criminal Chhouk Bandit who shot and wounded three poor workers? Cambodia is sinking. Khmers must tell Hun Sen to pack up and leave office in the 2013 election. He has no value to society.
Jul 21, 2012 01:21 AM
អ្នកអានអនាមិក
តើនៅមានរឿងអយុត្តិធម៌ប៉ុន្មានករណីទៀតដែលយើងមិនបានដឹង? តើខ្មែរប៉ុន្មានភាគរយមិនបានដឹងដំណឹងបែបនេះ ឬមិនបានស្តាប់វិទ្យុអាស៊ីសេរីផ្សាយដំណឹងអយុត្តិធម៌សង្គមដូច្នេះ? បើពួកគេដឹងឮរឿងរ៉ាវដ៏អាក្រក់ អយុត្តិធម៌បែបនេះហើយ នៅតែគាំទ្រពួកកាន់អំណាចចោលម្ស្ៀតបែបនេះទៀត បានន័យថា ប្រជាជនខ្មែរភាគមិនស្រឡាញ់ ចង់បាន និងការពារយុទ្តិធម៌នោះទេ។
Jul 26, 2012 12:41 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
