ភ្លើងឆេះផ្ទះពលរដ្ឋអស់៣៤ខ្នងនៅសង្កាត់គីឡូម៉ែត្រលេខ៦
h083112mm2.mp3
លោក នេត វន្ថា ប្រធានការិយាល័យបង្ការ និងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ មានប្រសាសន៍ថា ផ្ទះចំនួន៣៤ខ្នង ប្រភេទឈើលើថ្មក្រោម ត្រូវអគ្គិភ័យឆាបឆេះនៅរសៀលថ្ងៃសុក្រ។ លោកបន្តថា ការរកឃើញជាបឋមនៃមូលហេតុឆាបឆេះនេះ គឺបណ្ដាលមកពីការអុជធូបទៀនសែនក្បាលទឹក ដែលជាពិធីមួយរបស់ជនជាតិចិន និងវៀតណាម៖ «ពាក់ព័ន្ធនឹងកន្លែងមហន្តរាយថ្ងៃនេះ ក៏ខ្ញុំសូមជម្រាបជូនផងដែរ គឺជាបឋម ដែលបានពីអាជ្ញាធរដែនដី ដែលនៅទីនេះ គឺថាយើងឃើញថា ខូចខាតអស់ផ្ទះ៣៤ខ្នង ថ្មក្រោមឈើលើ ហើយមូលហេតុនោះជាបឋម យើងអត់ទាន់បានទេ»។
លោក នេត វន្ថា ឲ្យដឹងទៀតថា ឡានទឹកដែលប្រើប្រាស់សម្រាប់ពន្លត់អគ្គិភ័យ នៅថ្ងៃទី៣១ ខែសីហា មកពី៤ស្ថាប័ន រួមមានអង្គភាពពន្លត់អគ្គិភ័យនគរបាលជាតិ អង្គភាពភេរវកម្មរបស់លោក ហ៊ុន ម៉ាណែត ក្រុមហ៊ុនសាំងស៊ូគីម៉ិច និងអង្គភាពកងរាជអាវុធរាជធានីភ្នំពេញ សរុបចំនួន២៤គ្រឿង។
នៅក្នុងព្រឹត្តិការណ៍អគ្គិភ័យឆាបឆេះនៅភូមិក្រោលគោ នេះ យ៉ាងហោចណាស់បណ្ដាលឲ្យមនុស្ស២នាក់របួសស្រាល និងម្នាក់ត្រូវដួលសន្លប់។
លោក ទូច ណារ៉ុថ ស្នងការនគរបាលរាជធានីភ្នំពេញ ដែលចុះបញ្ជាដោយផ្ទាល់ពន្លត់អគ្គិភ័យនេះ បានប្រាប់ក្រុមអ្នករាយការណ៍ព័ត៌មានថា មន្ត្រីជំនាញនៅមិនទាន់អាចប៉ាន់ប្រមាណពីទំហំនៃការខូចខាត ដែលបណ្ដាលមកពីការឆាបឆេះនេះនៅឡើយទេ។ លោកបន្តថា តែទោះជាបែបណា មានមនុស្សមួយចំនួនជាម្ចាស់លំនៅឋាន ត្រូវខ្យល់គរដួលសន្លប់ ព្រោះតែសោកស្ដាយទ្រព្យសម្បត្តិដែលត្រូវភ្លើងឆាបឆេះនេះ៖ «មានដែរ ដូចថាសន្លប់ ខ្យល់គរ អ៊ីចឹងក៏សន្លង់ទៅ»។
ទាក់ទិននឹងអគ្គិភ័យឆាបឆេះនេះ មន្ត្រីជំនាញពន្លត់អគ្គិភ័យនៃស្នងការដ្ឋាននគរបាលជាតិ ឲ្យដឹងថា គិតត្រឹមខែសីហា ឆ្នាំ២០១២ គ្រោះអគ្គិភ័យ មានចំនួន៥៤ករណី មានការកើនឡើងខ្ពស់ បើធៀបនឹងពេញមួយឆ្នាំ២០១១ មានចំនួនត្រឹមតែ៧៩ករណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheyVorman007
ពី AngKor Watខ្មុំសូមអំពាវនាវដល់អញ្ញាធរភ្នំពេញមេត្តាគិតគូររឿងនេះដែរ
ខ្មុំបានសង្កេតយល់ឃើញនូវអសុវត្តភាពដែលពលរដ្ធកែឆ្នៃ
របស់មួយចំនួនដាក់ប្រើប្រាស់ ដូចថ្មីៗនេះចិន វៀតសែនក្បាល
ទឹក តាមមុខផ្ទះភាគច្រើនដុតក្នុងធុង ឃើញថាអាចទទួលយក
បានតែគ្មានគម្រប គម្របជាសបស់សុវត្តិភាព អាចគ្របភ្លាមៗ
ពេលមានខ្យល់ ខ្លះពួយរៀបអិតថ្មប្រមួយម៉ែត្របួនជ្រុងដុតជា
លក្ខណធំដុំតែម្តង ឃើញហើយសេនស្រាវឆ្អឹងខ្នង បើខ្យល់បក់
មកមួយវឹបមិនដឹងថាគាត់យកអីមកបាំងអីទេ? ដូចនេះបើម្បី
សុវត្តិភាពទាំងអស់គ្នាពេលដល់ពិធីអស់នេះត្រូវចេញដើត្រួត
មើលគ្រប់ច្រកល្ហក
Sep 01, 2012 01:12 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
