ក្រសួងឧស្សាហកម្មគ្រោងដំឡើងថ្លៃចរន្តអគ្គិសនីទូទាំងប្រទេស
ts.mp3
រដ្ឋលេខាធិការក្រសួងឧស្សាហកម្ម រ៉ែ និងថាមពល លោក ទុន លាង នៅថ្ងៃទី២ ខែកក្កដា ឆ្នាំ២០១២ បានប្រកាសថា ក្រសួងនេះអនុញ្ញាតឲ្យអគ្គិសនីកម្ពុជា ដំឡើងថ្លៃចរន្តអគ្គិសនីនៅទូទាំងប្រទេសកម្ពុជា នៅពេលខាងមុខនេះ បើមិនដូច្នោះទេ អគ្គិសនីកម្ពុជា មិនអាចបន្តរងការខាតបង់ប្រាក់ចំណូលទៀតឡើយ។
ការខាតបង់ប្រាក់ចំណូលនោះ គឺច្រើនលានដុល្លារអាមេរិក នៅឆ្នាំ២០១២ នេះ នៅគ្រាដែលតំលៃប្រេងសាំងបានឡើងថ្លៃខ្ពស់រហូតដល់ ៥.៩០០រៀលក្នុងមួយលីត្រ ប្រៀបធៀបនៅពេលនេះ តំលៃប្រេងសាំងបានធ្លាក់តម្លៃមក ៥.០០០រៀលក្នុងមួយលីត្រ។ កាលពីឆ្នាំ២០១១ កន្លងទៅនេះ អគ្គិសនីកម្ពុជា (EDC) បានទទួលប្រាក់ចំណេញចំនួនជាង ៣០លានដុល្លារអាមេរិកពីការលក់ចរន្តអគ្គិសនី នៅគ្រាដែលតំលៃប្រេងសាំងនៅថោក។
មន្ត្រីជាន់ខ្ពស់ក្រសួងឧស្សាហកម្ម រ៉ែ និងថាមពល មិនបានប្រាប់ឲ្យដឹងជាក់លាក់ទេថា តើការដំឡើងថ្លៃចរន្តអគ្គិសនីនោះ នឹងចាប់ផ្ដើមនៅថ្ងៃណា និងមានតំលៃប៉ុន្មានក្នុងមួយគីឡូវ៉ាត់ម៉ោង នៅតាមតំបន់នីមួយៗ។
តំលៃចរន្តអគ្គិសនីនៅទីក្រុងភ្នំពេញ បច្ចុប្បន្នមានតំលៃខុសគ្នាតិចច្រើនទៅតាមចំនួនប្រើប្រាស់អគ្គិសនី។ ក្នុងនោះមានតម្លៃ ៣៥០ តំលៃ ៥៥០រៀល និងតំលៃ ៧៥០រៀលក្នុងមួយគីឡូវ៉ាត់ម៉ោង ប្រៀបធៀបនឹងខេត្ត និងតំបន់ដទៃទៀត គឺតំលៃ ១.២០០រៀលក្នុងមួយគីឡូវ៉ាត់ម៉ោង និងតំលៃលើសនេះទៀតក៏មាន។
រដ្ឋលេខាធិការក្រសួងឧស្សាហកម្ម រ៉ែ និងថាមពល លោក ទុន លាង បានមានប្រសាសន៍ប្រាប់អ្នកកាសែតថា ក្រសួងឧស្សាហកម្ម រ៉ែ និងថាមពល កំពុងតែរៀបចំឲ្យដំឡើងថ្លៃចរន្តអគ្គិសនីឆាប់ៗនេះហើយ៖ «ឆ្នាំនេះទេ ប្រេងឡើងធ្វើឲ្យចំណូលអគ្គិសនីហ្នឹងមិនបានតាមបំណង ដោយសារអត់ទាន់ឡើងថ្លៃភ្លើង (អគ្គិសនី) អ៊ីចឹងថ្លៃភ្លើងនឹងអាចសុំឡើងនៅពេលដ៏ខ្លីខាងមុខនេះ បើសិនមិនឡើង អគ្គិសនីកម្ពុជា ខាតហើយ»។
លោកបានបន្តថា មូលហេតុដែលតម្លៃអគ្គិសនីកម្ពុជា ថ្លៃជាងប្រទេសជិតខាង គឺដោយសារតែកម្ពុជា មានរោងចក្រផលិតអគ្គិសនីភាគច្រើនប្រើប្រាស់ប្រេងឥន្ធនៈ។
ទាក់ទងនឹងបញ្ហាគម្រោងឡើងថ្លៃអគ្គិសនីនេះ មន្ត្រីជាន់ខ្ពស់មួយរូបខាងផ្នែកពាណិជ្ជកម្ម នៃអគ្គិសនីកម្ពុជា សុំមិនធ្វើអត្ថាធិប្បាយអ្វីទេ។
អាជីវករម្នាក់នៅទីក្រុងភ្នំពេញ សុំមិនឲ្យបញ្ចេញឈ្មោះ បាននិយាយថា គ្រួសាររបស់នាងប្រើប្រាស់ចរន្តអគ្គិសនីអស់ចំនួនជាង ៣០០គីឡូវ៉ាត់ម៉ោងក្នុងមួយខែ និងត្រូវចំណាយថវិកាចំនួនជាង ២៦ម៉ឺនរៀលក្នុងមួយខែ។
នាងមិនសប្បាយចិត្តចំពោះគម្រោងដំឡើងថ្លៃចរន្តអគ្គិសនីខាងមុខនេះទេ៖ «...កាលណាឯកជនឡើងថ្លៃតាមចិត្ត ប្រជារាស្ត្ររស់នៅងាប់ហើយ ពិបាកងាប់ហើយ ភ្លើង។ អ្នករត់ម៉ូតូឌុបអីក៏គេត្រូវការភ្លើងប្រើដែរ ដល់ពេលគាត់ធ្វើអ៊ីចឹង ខ្ញុំអត់គាំទ្រទេ។ រដ្ឋមិនគួរធ្វើអ៊ីចឹងទេ រដ្ឋត្រូវតែអនុញ្ញាតឲ្យក្រុមហ៊ុនដទៃទៀតចូលរួមដេញថ្លៃ»។
រដ្ឋលេខាធិការក្រសួងឧស្សាហកម្ម រ៉ែ និងថាមពល លោក ទុន លាង បានមានប្រសាសន៍ថា ប្រទេសកម្ពុជា ត្រូវការទិញចរន្តអគ្គិសនីចំនួន ៤៥% នៅទូទាំងប្រទេសពីប្រទេសថៃ វៀតណាម និងឡាវ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ពី Phnom PenhThis is a new method to kill The poor. Bravo EDC!
Jul 03, 2012 12:35 PM
Sihanoukville
ពី SihanoukvilleIt is funny to hear this news. I can't see the good solution from EDC to response the needs and complaint from consumer. Here the electricity always cut off 2 or 3 times per days and it is often working without electricity for haft day and the KW extremely increases likely double pay in each month.Some areas connect electricity form other countries, gasoline's price is better and hydro dam constructed but why its price is increasing. What else is government planning to increase?
Jul 03, 2012 12:33 AM
ហេតុនិងផល
ក្នុងនាមជាអ្នកបរិដ្ឋានម្នាក់ខ្ញុំសូមសំណូមពរអោយយើងទាំងអស់គ្នាចូលរួមសន្សំសំចៃការប្រើប្រាស់ភ្លើងទៅ វាជួយកាត់បន្ថយបំរែបំរួលអាកាសធាតុផង និងជួយសន្សំលុយផង ។បើការប្រើប្រាស់របស់យើងកាត់បន្ថយ ស្រុកខ្មែរអាចមិនចាំបាច់ទិញភ្លើងពីយួន នេះហើយជាកត្តាដែលមិនអាចអោយភ្លើងឡើងថ្លៃ ធម្មតាទេបើអ្នកលក់គេឡើងហើយតើមានអ្នកណាសុខចិត្តរកស៊ីខាតនោះ។ វារីអគ្គិសនីយើងកំពុងតែសាងសង់ជាបន្តបន្តាប់តែយើងត្រូវដឹងថា មិនទាន់អាចបានប្រើប្រាស់នៅឡើយទេ។សូមចូលរួមពិចារណាផង??? សាំងឡើងថ្លៃតាំងពី២០១១ តើអត់មានបងប្អូនណាសសើរថាមិចគេអត់ឡើងថ្លៃភ្លើងទេរឺ?
Jul 03, 2012 09:38 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
