បទល្មើស​នេសាទ​នៅ​បឹង​ទន្លេ​សាប កំពុង​តែ​កម្រើក​ឡើង​វិញ

បទល្មើស​នេសាទ​នៅ​បឹង​ទន្លេ​សាប កំពុង​តែ​កម្រើក​ឡើង​វិញ និង​រីក​រាល​ដាល​គួរ​ឲ្យ​ព្រួយ​បារម្ភ ក្រោយ​ពី​លោក​នាយក​រដ្ឋមន្ត្រី ហ៊ុន សែន បាន​ប្រកាស​លុប​ឡូត៍​នេសាទ​ឯកជន​សរុប​ចំនួន ៣៧ កន្លែង នៅ​បឹង​ទន្លេ​សាប កាល​ពី​ខែ​កុម្ភៈ ឆ្នាំ ២០១២ កន្លង​មក​នេះ។
ដោយ សុខ សេរី
2012-04-11
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ហ៊ុន សែន ៣០៥
១១-មេសា-២០១២៖ លោក ហ៊ុន សែន ក្នុង​សន្និបាត​បូក​សរុប​ការងារ​ឆ្នាំ ២០១១ របស់​ក្រសួង​កសិកម្ម រុក្ខា ប្រមាញ់ និង​នេសាទ នៅ​មហាវិទ្យាល័យ​កសិកម្ម ចម្ការ​ដូង។
RFA/Sok Serey

លោក​នាយក​រដ្ឋមន្ត្រី ហ៊ុន សែន នៅ​ថ្ងៃ​ទី ១១ ខែ មេសា ឆ្នាំ ២០១២ បាន​អំពាវនាវ​សុំ​ឲ្យ​ប្រជា​នេសាទ​នៅ​បឹង​ទន្លេ​សាប បញ្ឈប់​ការ​នេសាទ​ដោយ​ប្រើប្រាស់​ឧបករណ៍​ខុស​ច្បាប់ ដូច​ជា ការ​ឆក់​ត្រី និង​សំណាញ់​ក្រឡា​ញឹក ដើម្បី​ចាប់​ត្រី នៅ​តំបន់​អភិរក្ស​ត្រី​ធម្មជាតិ​នៅ​បឹង​ទន្លេ​សាប និង​តំបន់​នេសាទ​ជា​សាធារណៈ។

លោក​នាយក​រដ្ឋមន្ត្រី​បញ្ជាក់​ថា បើ​មិន​ដូច្នោះ​ទេ អ្នក​ប្រព្រឹត្ត​បទ​ល្មើស​នេសាទ​ខុស​ច្បាប់​នោះ និង​ត្រូវ​ចាប់​ឃាត់ ខ្លួន​ផ្ដន្ទាទោស​តាម​ច្បាប់​ជលផល។ លោក​ព្រមាន​ទៀត​ថា លោក​មិន​សម្រួល​ឲ្យ​មាន​ការ​លើក​លែង​ទោស ឬ​ដោះ​លែង​ឲ្យ​មាន​សេរីភាព​វិញ ដូច​ពេល​មុន​ទៀត​ឡើយ។

ការ​ព្រមាន​នេះ បាន​ធ្វើ​ឡើង​ក្រោយ​ពី​មន្ត្រី​ជលផល​បាន​ចុះ​បង្ក្រាប​បទល្មើស​នេសាទ​ត្រី នៅ​បឹង​ទន្លេ សាប ចំនួន​ជាង ៥០០ ករណី នៅ​ខែ​មីនា ឆ្នាំ ២០១២ ថ្មីៗ នេះ និង​បទល្មើស​នេសាទ​ថ្មី​មួយ​ចំនួន​ទៀត នៅ​ខែ​មេសា ឆ្នាំ ២០១២។

លោក​នាយក​រដ្ឋមន្ត្រី ហ៊ុន សែន មាន​ប្រសាសន៍​នៅ​ឯ​ពិធី​បិទ​សន្និបាត​បូក​សរុប​ការងារ​ឆ្នាំ ២០១១ របស់​ក្រសួង​កសិកម្ម រុក្ខា ប្រមាញ់ និង​នេសាទ នៅ​មហាវិទ្យាល័យ​កសិកម្ម ចម្ការ​ដូង​ថា  សូម​ឲ្យ​ប្រជាពលរដ្ឋ​កុំ​ប្រើ​ឧបករណ៍​នេសាទ​ខុស​ច្បាប់ បំផ្លាញ​ធនធាន​មច្ឆា​ជាតិ នៅ​បឹង​ទន្លេ​សាប។

លោក​នាយក​រដ្ឋមន្ត្រី ហ៊ុន សែន៖ «ចាប់​ពី​ពេល​នេះ​តទៅ គឺ​អត់​មាន​ការ​យោគយល់​បាន​បន្ថែម​ទេ។ ចាំ​ឲ្យ​ដោះ​ទៀត អត់​ទេ។ គុក​ហើយ​និយាយ​ឲ្យ​ច្បាស់​ត្រង់ៗ ជា​មួយ​គ្នា។ ចង់​ទៅ​ចាប់​មួយ​ថ្ងៃ ២ ថ្ងៃ ៣ ថ្ងៃ ឬ​ចាប់​មួយ​អាទិត្យ​នៅ​កន្លែង​ហ្នឹង​ក៏​បាន ឱ្យ​តែ​ប្រើ​ឧបករណ៍​ត្រូវ​ច្បាប់»។

លោក ហ៊ុន សែន ក៏​បាន​ទទូច​សុំ​ឲ្យ​អាជ្ញាធរ​នៅ​មូលដ្ឋាន ជា​ពិសេស​អាជ្ញាធរ​ខេត្ត​កំពង់ធំ ជាប់​បឹង​ទន្លេសាប ត្រូវ​ចូលរួម​សហការ​បង្ក្រាប​បទល្មើស​នេសាទ​ត្រី ពីព្រោះ​កន្លង​មក អាជ្ញាធរ​នៅ​ខេត្ត​កំពង់ធំ មិន​បាន​សហការ​ទេ ជាមួយ​រដ្ឋបាល​ជលផល។

រដ្ឋមន្ត្រី​ក្រសួង​កសិកម្ម រុក្ខា ប្រមាញ់ និង​នេសាទ លោក ច័ន្ទ សារុន មាន​ប្រសាសន៍​ថា ការ​អំពាវនាវ​របស់​លោក​នាយក​រដ្ឋមន្ត្រី ហ៊ុន សែន គឺ​មាន​សារៈសំខាន់​ណាស់។

លោក ច័ន្ទ សារុន ៖ «ពង្រឹង​ដល់​ការងារ​បង្ក្រាប​បទល្មើស​នេសាទ»។

ជា​រួម កិច្ច​ខិតខំ​ប្រឹងប្រែង​ការពារ​មច្ឆា​ជាតិ​នៅ​បឹង​ទន្លេសាប​នោះ គឺ​នៅ​គ្រា​ដែល​រដ្ឋបាល​ជលផល​នៃ​ក្រសួង​កសិកម្ម រុក្ខា ប្រមាញ់ និង​នេសាទ កំពុង​បាន​កំណត់​តំបន់​អភិរក្ស​ត្រី​ជិត​ផុត​ពូជ​ចំនួន ៥៨ ប្រភេទ នៅ​តំបន់​អភិរក្ស​ត្រី​ជិត​ផុត​ពូជ ចំនួន ៥០ កន្លែង​នៅ​បឹង​ទន្លេ​សាប ដែល​មាន​ផ្ទៃ​ទឹក​ទំហំ​ជិត ១០ ម៉ឺន​ហិកតារ ក្រោយ​ពី​លោក ហ៊ុន សែន បាន​ប្រកាស​លុប​ឡូត៍​នេសាទ​ឯកជន​សរុប ចំនួន ៣៧ កន្លែង​នៅ​បឹង​ទន្លេ​សាប កាល​ពី​ខែ​កុម្ភៈ ឆ្នាំ ២០១២ ថ្មីៗ នេះ។

លោក​នាយក​រដ្ឋមន្ត្រី ហ៊ុន សែន ក៏​បាន​ទទូច​សុំ​ឲ្យ​អាជ្ញាធរ​នៅ​មូលដ្ឋាន នៅ​ខេត្ត​ចំនួន ៨ នៅ​ជុំវិញ​បឹង​ទន្លេសាប សហការ​ជាមួយ​រដ្ឋបាល​ជលផល បង្ក្រាប​បទ​ល្មើស​នេសាទ នៅ​បឹង​ទន្លេសាប  ពីព្រោះ​រដ្ឋបាល​ជលផល មិន​អាច​ធ្វើ​ការងារ​នេះ​តែ​ម្នាក់​ឯង​បាន​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃ​ថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (6)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

សម្តេចហ៊ុន សែន ប្រហែលមិនដឹងថាអធិរាជទាំង៤​ក្នុងចំណោម៥នាក់ បានតួនាទីឡើងវិញ... សូមមើល​web DAP : នាយខណ្ឌ ជលផល ដែលនាយករដ្ឋមន្ដ្រី បញ្ជាដកតំណែង បានតួនាទីវិញ :http://www.dap-news.com/typography/the-news/39320-2012-03-28-10-13-19.html

Apr 11, 2012 11:48 PM

អ្នក​អាន​អនាមិក

The small learns from the big. If Hun Sen does not obey the law,who will. Don't intimidate them, it is 21st century now, people are not stupid anymore.

Apr 11, 2012 11:09 PM

អ្នក​អាន​អនាមិក

When the bottom line of government officials see their boss having big houses, Lexus 570, oversea tour, they also want those things the same because they where their boss get $$ from. So how do they care with PM orders? N our PM also knows that his order will not work but just for political gain only...our PM leadership has caused most of government officials hurt their own people n country which you can not claim that what you have been doing is right...

Apr 11, 2012 10:11 PM

អ្នក​អាន​អនាមិក

Is that a law or just a word? If it is not a law, it is just a non sense word that our prime minister always sings for fun. His word never lasts long.

Apr 11, 2012 06:49 PM

អ្នក​អាន​អនាមិក

សំដីលោកហ៊ុន សែនទាំងប៉ុន្មានត្រូវគ្នានិងពាក្យចាស់មួយ
ឃ្លាថា‹‹ល្អមុខដូចមុខម្លូអីចឹង››ខាងក្រោមស្អុយរលួយ។

Apr 11, 2012 04:47 PM

មើល​មតិ​ទាំង​អស់.