លោក ហ៊ុន សែន ព្រមានមន្ត្រីពាក់ព័ន្ធពុករលួយក្នុងបទល្មើសនេសាទ
H070112ZR
ប៉ុន្តែ អង្គការសង្គមស៊ីវិល បានលើកឡើងថា ការបង្ក្រាបបទល្មើសនេសាទមានប្រសិទ្ធភាពនោះ លុះត្រាណារដ្ឋាភិបាល លុបបំបាត់អំពើពុករលួយនៅស្ថាប័នជលផល។
លោកនាយករដ្ឋមន្ត្រី ហ៊ុន សែន បានជំរុញឲ្យបង្កើត និងពង្រឹងសហគមន៍នេសាទនៅទូទាំងប្រទេស ហើយអំពាវនាវឲ្យប្រជាពលរដ្ឋទាំងអស់ ត្រូវហ៊ានតស៊ូមតិ ដើម្បីការពារធនធានជលផល សម្រាប់បម្រើផលប្រយោជន៍ប្រជាពលរដ្ឋទូទៅ។
លោក ហ៊ុន សែន ក៏បានព្រមានដល់ប្រធានសហគមន៍នេសាទ ឬមន្ត្រីពាក់ព័ន្ធទាំងអស់ កុំឲ្យធ្វើការបម្រើក្រុមឈ្មួញ កាត់បឹងលក់ឲ្យឈ្មួញធ្វើជាសម្បត្តិឯកជន គឺត្រូវបម្រើសហគមន៍ ពិសេសត្រូវទប់ស្កាត់បទល្មើសនេសាទ។
លោកនាយករដ្ឋមន្រ្តី ហ៊ុន សែន ថ្លែងដូច្នេះនៅក្នុងឱកាសប្រារព្ធទិវាមច្ឆាជាតិ នៅថ្ងៃទី១ កក្កដា ឆ្នាំ ២០១២ ដែលលោកបានលែងកូនត្រីជាង ៥០ ម៉ឺនក្បាល និងបង្កងជាង ១០ ម៉ឺនក្បាល ទៅអាងស្តុកទឹកបឹងធំ មានទំហំជាង ១០០ ហិកតារ ស្ថិតនៅភូមិទី៦ ឃុំរកាខ្នុរ ស្រុកក្រូចឆ្មារ ខែត្រកំពង់ចាម ក្រោមជំនួយឥតសំណងរបស់សាធារណរដ្ឋកូរ៉េ តាមរយៈទីភ្នាក់ងារសហប្រតិបត្តិការអន្តរជាតិកូរ៉េ ឈ្មោះ កូយការ (KOICA)។
លោក ហ៊ុន សែន អំពាវនាវឲ្យប្រជាពលរដ្ឋដាំព្រៃលិចទឹកឡើងវិញ និងបានព្រមានចំពោះជនទាំងឡាយណា ដែលកាប់បំផ្លាញព្រៃលិចទឹក ដែលជាជម្រកត្រីពងនៅរដូវវស្សា។
ទោះបីជាមានការអះអាងយ៉ាងនេះក្ដី មន្ត្រីសម្របសម្រួលនៃសមាគមសិទ្ធិមនុស្ស អាដហុក លោក នាង សុវ៉ាត មានប្រសាសន៍ថា ការបង្ក្រាបបទល្មើសនេសាទឲ្យមានប្រសិទ្ធភាពនោះ លុះត្រាណា មន្ត្រីជលផល និងអាជ្ញាធរភូមិឃុំទាំងអស់ ឈប់ប្រព្រឹត្តិអំពើពុករលួយ បើកដៃឲ្យឈ្មួញទុច្ចរិត ព្រោះថា កន្លងមក លោកបានបង្កើតសហគមន៍នេសាទជាច្រើន ក្នុងការទប់ស្កាត់បទល្មើស។ ប៉ុន្តែ មិនមានផលវិជ្ជមានទេ ដោយសារថា មន្ត្រីជលផលប្រព្រឹត្តិអំពើពុករលួយ។
ទាក់ទងទៅនិងបញ្ហានេះ លោកនាយករដ្ឋមន្ត្រី ហ៊ុន សែន បានព្រមានចំពោះមន្រ្តីពាក់ព័ន្ធទាំងអស់ កុំឲ្យប្រព្រឹត្តិអំពើពុករលួយ ហើយថា ស្ថាប័នអំពើពុករលួយ ត្រូវចាត់ការចំពោះជនទាំងឡាយណា ដែលប្រព្រឹត្តិអំពើពុករលួយនោះ។
បន្ថែមពីលើនេះទៀត ការប្រកាសរបស់លោកនាយករដ្ឋមន្ត្រីនេះ ត្រូវបានមន្ត្រីអង្គការសង្គមស៊ីវិល រិះគន់ថា បទបញ្ជា ឬអនុក្រឹត្យរបស់រដ្ឋាភិបាលនោះ មានប្រសិទ្ធភាពតែរយៈខ្លីទេ ហើយបញ្ហាដែលបន្តកើតមាននោះ ដូចជាបទល្មើសនេសាទ កត្តាសំខាន់មកពីបញ្ហាពុករលួយ។
របាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានសរសេរថា ឡូត៍នេសាទចំនួន៨០ ត្រូវបានលុបចោល នៅទូទាំងប្រទេស ក្នុងឆ្នាំ ២០១២ និងប្រគល់ជូនសហគមន៍នេសាទបង្កើតថ្មី ចំនួន ៤៧ ពង្រីកដែននេសាទជូនសហគមន៍ចំនួន ៣៣។ ដែននេសាទទុកសម្រាប់អភិរក្ស មានជាង ៩ ម៉ឺន ៧ ពាន់ហិកតារ និងបើកឲ្យប្រជាពលរដ្ឋធ្វើការនេសាទជាលក្ខណៈគ្រួសារ មានជាង ៣ សែន ១ ម៉ឺនហិកតា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
វាមិនអាចទៅរួចបានទេ ព្រោះអ្នកទាំងអស់នោះមានខ្នងក្រាស មានខ្លះជាប់ខ្សែមេដឹកនាំកំពូលខ្មែរផង។
Jul 02, 2012 11:40 PM
អាសំរែម្ចាស់ប្រទេស
ពី កាលោមប៊ុសបើការព្រមានរបស់ដាច់ជោរសេនពិតជាមានឥទ្ធិពល ហើយ
យកជាការបានមែនមិនមែនរឿងដ៍ដែលៗកើតឡើងម្ដង
ហើយម្ដងទៀតនោះទេ,នេះគឺមកពីរាល់ការព្រមានជា
សញ្ញាឱ្យកូនចៅបន្ថយអំពើពុកអាលួយតែប៉ុណ្ណោះ ដើម្បី
សំដាច់រីកមុខបន្ដិចពេលបោះឆ្នោតបន្ដរកៅអីនាយោជក់
មន្រ្ដីត៍ទៅទៀត គ្រប់ពាក្យពេជតែងបង្កប់ទៅដោយន័យ
ឃោសនារកសម្លេងគាំទ្រដូចដែលខ្មែរទូរទៅធ្លាប់ឮជាហូរ
ហែរមកឡើងហ៊ឹងត្រចៀកទៅហើយ,ឥចឹងទេគឺថា ពាក់អាវ
មិនដែលឃើញដោះ។
Jul 02, 2012 10:14 PM
Eagle Master
ពី Pa(USA)I'm getting tired for what's you are barking,it's time to enforce the laws and jail times.
Jul 02, 2012 06:27 PM
ស្រឡាញ់ជាតិ
ការកំចាត់អំពើពុករលួយ មិនគ្រាន់តែចេះនិយាយនោះទេ ត្រូវមានឆន្ទៈធ្វើ ធ្វើដោយមានប្រសិទ្ធិភាព គឺជាការធ្វើពីមន្រ្តីថ្នាក់លើបំផុតចុះមកក្រោម ខ្ញុំសង្ឃឹមថា យុទ្ទសាស្រ្ត ឈ្នះឈ្នះ របស់ CPP គឺមិនមែនជាឧបសគ្គដ៏ធំ
ក្នុងការកំចាត់អំពើពុករលួយ។ Corruption Fighting, not only speaking, but willing to implement with effective way which shall implement from the top officer to bottom down (not from the bottom up) and I hope that “Win Win” strategy of CPP is not the biggest one of obstacle.
Jul 02, 2012 05:19 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
