ជនជាតិបារាំងម្នាក់ត្រូវខ្មាន់កាំភ្លើងបាញ់សម្លាប់នៅទីក្រុងភ្នំពេញ
h072412kv.mp3
បុរសជនជាតិបារាំងឈ្មោះ ហ្វ្រង់ ម៉ាទ្យូ (Franck Mathieu) អាយុ ៤៣ឆ្នាំ ត្រូវបានបាញ់សម្លាប់ខណៈកំពុងបើកម៉ូតូ។ អគ្គស្នងការដ្ឋាននគរបាលជាតិ លោក គៀត ចន្ទ័ថារិទ្ធិ មានប្រសាសន៍ថា ប៉ូលិសបានឃាត់ខ្លួនជនសង្ស័យមួយរូប ដែលជាសង្សាររបស់លោក ហ្វ្រង់ ម៉ាទ្យូ៖ «ឥឡូវ យើងបានឃាត់ខ្លួននារីហ្នឹងមកសាកសួរហើយ យើងកំពុងធ្វើការស៊ើបអង្កេត។ ខ្ញុំសូមទុកលទ្ធភាពបន្តិចទៀតសិន ព្រោះអត់ទាន់ច្បាស់លាស់ទេ រឿងហ្នឹងវាលឿនពេកណាស់»។
ទីភ្នាក់ងារព័ត៌មាន អេភី (AP) រាយការណ៍នៅថ្ងៃអង្គារ ថា មានសាក្សីមួយរូបបានឃើញបុរសបីនាក់វាយប្រហារទៅលើ ហ្វ្រាំង ម៉ាទ្យូ ដើម្បីដណ្ដើមទូរស័ព្ទដៃ ហើយជនដៃដល់ម្នាក់ក៏លើកកាំភ្លើងបាញ់ទៅលើជនរងគ្រោះតែម្តង។ ទោះជាយ៉ាងណាក៏ដោយ លោក គៀត ចន្ទ័ថារិទ្ធិ មានប្រសាសន៍ថា មុនពេលកើតហេតុ បុរសជនជាតិបារាំងរូបនោះមានជម្លោះជាមួយគូសង្សាររបស់លោក៖ «រឿងរ៉ាវពីល្ងាចមិញហ្នឹង គាត់ដែលជួលផ្ទះនៅជាមួយនារីម្នាក់ជាសង្សារគាត់ហ្នឹង ពេលយប់គាត់ទាស់ពាក្យទាស់សម្ដីគ្នារឿងហូបចុក ញាំមីញាំខុសគ្នាអីហ្នឹង។ ម៉ោង១យប់ហ្នឹង នាងស្រីហ្នឹងបោកទូរស័ព្ទ បោកអី ចុះពីផ្ទះ ហើយលោកបារាំងហ្នឹង គាត់ក៏ជិះតាមហៅនាងហ្នឹងមកផ្ទះវិញ។ ប៉ុន្តែ ចៃដន្យអីស្រាប់តែមានមនុស្ស៤នាក់ ជិះម៉ូតូ២គ្រឿងមក ហើយមានអ្នកជិតខាងហ្នឹងគេឃើញមានប្រទូសប្រទះគ្នា ហើយលឺសូរបាញ់ហ្នឹង ឃើញគាត់ដួលទៅ»។
តាមការអះអាងរបស់ស្ត្រីជាសង្សារ រាយការណ៍ដោយទីភ្នាក់ងារព័ត៌មាន អេភី (AP) គឺនាងបានប្រទះឃើញសាកសពលោក ហ្វ្រាំង ម៉ាទ្យូ នៅតាមផ្លូវមកផ្ទះ នៅពេលត្រឡប់មកពីផ្សារវិញ។ មុនពេលស្លាប់ បុរសជនជាតិបារាំងឈ្មោះ ហ្វ្រង់ ម៉ាទ្យូ បានរស់នៅជាមួយស្ត្រីខ្មែរអាយុ ២០ឆ្នាំ ដែលត្រូវជាសង្សាររបស់លោក នៅទីក្រុងភ្នំពេញ ជាច្រើនខែមកហើយ។
ពាក់ព័ន្ធនឹងអំពើមនុស្សឃាតនេះ ស្ថានទូតបារាំងប្រចាំនៅកម្ពុជា កាលពីថ្ងៃទី២៤ កក្កដា បានចេញសេចក្តីប្រកាសព័ត៌មានថា មានសារព័ត៌មានក្នុងស្រុកជាច្រើន បានចុះផ្សាយរូបថតគួរឲ្យរន្ធត់របស់ជនជាតិបារាំងឈ្មោះ ហ្វ្រង់ ម៉ាទ្យូ។ លិខិតនេះបានរំលឹកដែរថា ស្ថានទូតមានការសោកស្ដាយណាស់ដែលការចុះផ្សាយនូវរូបភាពសាកសពហិង្សាបែបនេះ ជាការខ្វះការគោរពសិទ្ធិឯកជន និងធ្វើឲ្យប៉ះពាល់ដល់សេចក្តីថ្លៃថ្នូរមនុស្ស ហើយវាផ្ទុយនឹងក្រមសីលធម៌របស់សារព័ត៌មាន។ ដោយថា ការផ្សាយបែបនេះកន្លងមក វាធ្វើឲ្យប៉ះពាល់ដល់អារម្មណ៍គ្រួសារជនរងគ្រោះ។ ស្ថានទូតនេះក៏បានអំពាវនាវឲ្យបញ្ឈប់ការចុះផ្សាយបែបនេះតទៅទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ហុងណាំហោ
ពី ភពការស្លាប់នៃជនជាតិបារាំងពុំមានអ្វីចំណែកទេព្រោះនេះជា
ទង្វើរបស់ចិនទាំងអស់ដើម្បីបន្លាចជនជាតិលោកខាងលិច
កុំឱ្យចូលមកស្រុកខ្មែរស្រួលចិនដឹកនាំហ៊ុន សែន។
Jul 27, 2012 01:11 AM
អ្នកអានអនាមិក
please issue my idea to the Cambodia government " it is urgency to have the law of killing for sever criminal who are assassin or killer because now in Cambodia, there are many many assassin criminal . It is terrible if the government don't have any interests on it , the Cambodia people will all death next 3 year
Jul 25, 2012 04:31 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
