តម្លៃទំនិញក្នុងប្រទេសកម្ពុជា
ដោយ សាន សុវិទ្យ
2008-05-06
តម្លៃទំនិញក្នុងប្រទេសកម្ពុជា នៅថ្ងៃអង្គារ ទី៦ ខែឧសភា ឆ្នាំ២០០៨នេះគឺ តាមអ្នកលក់អង្ករនៅមុខស្ថានីយរថភ្លើង នាទីក្រុងភ្នំពេញ បានឲ្យដឹងថាតម្លៃអង្ករគឺនៅថេរ ។
កម្មករកំពុងសំអាតអង្ករសម្រាប់លក់ឲ្យអតិថិជន។
អង្ករល្អលេខមួយគឺអង្ករផ្កាម្លិះតម្លៃមួយគីឡូក្រាម ៤០០០រៀល, អង្ករផ្កាម្លិះលេខពីរតម្លៃមួយគីឡូក្រាម ៣៥០០រៀល, អង្ករផ្កាខ្ញីតម្លៃមួយគីឡូក្រាម ៣០០០រៀល, អង្ករនាងមិញតម្លៃមួយគីឡូក្រាម ២៦០០រៀល, អង្ករបន្លាផ្តៅ ឬអង្ករធម្មតាតម្លៃមួយគីឡូក្រាម ២២០០រៀល ។
យោងតាមអ្នកលក់អង្ករនៅខេត្តពោធិ៍សាត់វិញា តម្លៃអង្ករនៅខេត្តនោះក៏នៅថេរដែរ ហើយថោកជាងនៅក្រុងភ្នំពេញខ្លះផងគឺ អង្ករល្អលេខមួយគឺអង្ករផ្កាម្លិះល្អតម្លៃមួយគីឡូក្រាម ៣២០០រៀល, អង្ករផ្កាម្លិះលេខពីរតម្លៃមួយគីឡូក្រាម ៣០០០រៀល ។
អង្ករផ្កាខ្ញីតម្លៃមួយគីឡូក្រាម ២៨០០រៀល, នាងមិញតម្លៃមួយគីឡូក្រាម ២៦០០រៀល, អង្ករធម្មតា ឬអ្នកពោធិ៍សាត់ ហៅថាអង្ករឆាកា តម្លៃមួយគីឡូក្រាម ២០០០រៀល, អំពីតម្លៃប្រេងវិញនៅទីក្រុងភ្នំពេញ ក៏នៅតម្លៃថេរដែរ ។
នៅតាមស្ថានីយនានាដូចជា កាល់តិច, តូតាល់, តេលា ។ ប្រេងសាំងស៊ុបពែរ ១លីត្រ ៥១០០រៀល, ប្រេងសាំងធម្មតា ១លីត្រ ៥០០០រៀល, ប្រេងម៉ាស៊ូត ១លីត្រ ៤៨០០រៀល ។ ចំណែកឯស្ថានីយប្រេងសូគីម៉ិច គឺមានតម្លៃថោកជាងគេគ្រប់ប្រភេទប្រេងចំនួន៥០រៀលក្នុងមួយលីត្រៗ ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
សេដ្ឋកិច្ចកម្ពុជារីកចម្រើនក្រោយពេលចូលជាសមាជិកអង្គការពាណិជ្ជកម្មពិភពលោក
អង្គការ ILO៖ លក្ខខណ្ឌការងារនៅក្នុងរោងចក្រកាត់ដេរនៅកម្ពុជានៅតែល្អប្រសើរ
ទំនប់វារីអគ្គិសនីដែលឧបត្ថម្ភដោយចិននាំមកនូវទាំងក្ដីសង្ឃឹមនិងទាំងការបារម្ភ
នាយករដ្ឋមន្ត្រីនិយាយពីបញ្ហាទំនិញឡើងថ្លៃ, មន្ត្រីបក្សប្រឆាំងថា រដ្ឋាភិបាលត្រូវតែដោះស្រាយ
កម្ពុជានាំទំនិញទៅលក់នៅបរទេសបានជាង ៤ពាន់លានដុល្លារនាឆ្នាំ២០០៧
ក្រុមហ៊ុនរុស្ស៊ីចាប់ផ្ដើមអភិវឌ្ឍរមណីយដ្ឋានកោះពស់
កំណើនសេដ្ឋកិច្ចកម្ពុជានឹងថយចុះមកនៅត្រឹម៧ភាគរយក្នុងឆ្នាំ២០០៨
វិនិយោគិនបរទេសមិនហ៊ានមករកស៊ីនៅកម្ពុជាដោយសារភ្លើងថ្លៃ
អ្នកជំនាញសេដ្ឋកិច្ចវិភាគអំពីស្ថានភាពតម្លៃដីធ្លីនៅកម្ពុជា
កម្ពុជានិងវៀតណាមចុះកិច្ចព្រមព្រៀងពាណិជ្ជកម្មផ្នែកទេសចរណ៍
