នាយករដ្ឋមន្ត្រី​អន្តរាគមន៍​ចំពោះ​តម្លៃ​ប្រាក់​រៀល​ឡើង​ថ្លៃ

បច្ចុប្បន្ន​នេះ ធនាគារ​ជាតិ​នៃ​កម្ពុជា បាន​រក្សា​លំនឹង​អត្រា​ប្ដូរ​ប្រាក់​នៅ​ចន្លោះ​ពី ៤.០០០​ទៅ ៤.០៥០​រៀល ក្នុង​១​ដុល្លារ។ កាល​ពី​ថ្ងៃ​ទី១៣ វិច្ឆិកា កន្លង​ទៅ ១​ដុល្លារ​ប្ដូរ​បាន​ជាង ៣.៨០០​រៀល។
ដោយ វណ្ណ វិចារ
2012-11-15
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ប្ដូរ​ប្រាក់303
ហាង​ប្ដូរ​ប្រាក់​មួយ​កន្លែង​នៅ​ក្នុង​ទីក្រុង​ភ្នំពេញ។
AFP File

រដ្ឋាភិបាល​ប្រកាស​ថា នឹង​អន្តរាគមន៍​ចំពោះ​ករណី​ប្រែប្រួល​អត្រា​ប្ដូរ​ប្រាក់​នេះ ខណៈ​ពេល​ដែល​អ្នក​ជំនាញ​សេដ្ឋកិច្ច​ស្នើ​ឲ្យ​ធនាគារ​ជាតិ​នៃ​កម្ពុជា ធ្វើ​ការងារ​ដោយ​ប្រយ័ត្នប្រយែង​បំផុត ព្រោះ​ការ​ប្រែប្រួល​តម្លៃ​ប្ដូរ​ប្រាក់​នឹង​ប៉ះពាល់​ដល់​ជីវភាព​ប្រចាំ​ថ្ងៃ​របស់​ពលរដ្ឋ។

ប្រមុខ​រដ្ឋាភិបាល​កម្ពុជា ក្នុង​ពេល​ចុះ​ចែក​ប្លង់​ដី​នា​ខេត្ត​កំពង់ស្ពឺ នៅ​ថ្ងៃ​ទី១៤ វិច្ឆិកា ប្រកាស​អន្តរាគមន៍​ចំពោះ​តម្លៃ​ប្រាក់​រៀល​ដែល​ហក់​ឡើង​ថ្លៃ ខណៈ​ពេល​ដែល​កម្ពុជា នឹង​រៀបចំ​កិច្ច​ប្រជុំ​កំពូល​អាស៊ាន។

នាយក​រដ្ឋមន្ត្រី ហ៊ុន សែន មាន​ប្រសាសន៍​ថា រាជ​រដ្ឋាភិបាល​ចាំបាច់​ត្រូវ​តែ​លូក​ដៃ​អន្តរាគមន៍​លើ​ទីផ្សារ ខណៈ​ដែល​ប្រាក់​រៀល​នា​ពេល​សព្វថ្ងៃ បាន​ហក់​ឡើង​ថ្លៃ​ខ្ពស់ ដោយ​កាល​ពី​ថ្ងៃ​ទី១៣ វិច្ឆិកា ១ដុល្លារ ស្មើ​ប្រមាណ ៣.៨៨៨​រៀល។ លោក​បន្ត​ថា លុយ​ខ្មែរ​ឡើង​ថ្លៃ​នៅ​រយៈពេល​ចុង​ក្រោយ​នេះ ប៉ុន្តែ​មិន​មែន​មក​ពី​លុយ​ដុល្លារ​អាមេរិក​ចុះ​ថ្លៃ​នោះ​ទេ គឺ​មក​ពី​តម្រូវ​ការ​របស់​កម្ពុជា​ច្រើន​ពេក។

លោក​នាយក​រដ្ឋមន្ត្រី ហ៊ុន សែន៖ «ម្សិលមិញ ខ្ញុំ​មើល​អត្រា​ប្ដូរ​ប្រាក់ ចង់​ភ័យ។ ម្សិលមិញ មាន​ផ្សារ​ខ្លះ​តែ ៣.៨៨៨​រៀល (ក្នុង​មួយ​ដុល្លារ)។ ប្រហែល​ជា​ចាំបាច់​ត្រូវ​ធ្វើ​អន្តរាគមន៍​ហើយ។ ម្សិលមិញ មាន​ផ្សារ​ខ្លះ​តែ ៣.៨៨៨​រៀល (ក្នុង​មួយ​ដុល្លារ)។ បាន​សេចក្តី​ថា ចុះ​មក​នៅ​ត្រឹម​ក្រោម ៤..០០០​រៀល​ហើយ ហើយ​ក្នុង​ពេល​ដែល​យើង​ចង់​បាន​លុយ​របស់​យើង​រត់​ក្នុង​ចន្លោះ ៤..០០០​រៀល​ទៅ ៤.០៥០​រៀល ក្នុង​មួយ​ដុល្លារ ហ្នឹង​មក​ពី​តម្រូវ​ការ​សាច់​ប្រាក់​របស់​យើង​វា​ធំ»

លោក ហ៊ុន សែន បន្ត​ថា ការ​ប្រែប្រួល​តម្លៃ​ប្រាក់​រៀល​ក៏​មិន​ទាក់​ទង​ទៅ​នឹង​ការ​ជាប់​ឆ្នោត​របស់​លោក បារ៉ាក់ អូបាម៉ា ដែរ។

អ្នក​ជំនាញ​សេដ្ឋកិច្ច ឲ្យ​ដឹង​ថា ការ​ប្រែប្រួល​តម្លៃ​ប្រាក់​រៀល​នៅ​កម្ពុជា ចន្លោះ​ពី ៤.០៦០​រៀល មក​ត្រឹម ៣.៩៩២​រៀល​ក្នុង​១ដុល្លារ នៅ​រយៈពេល​ចុង​ក្រោយ​នេះ ដោយ​សារ​កត្តា​មួយ​ចំនួន ដូច​ជា​ពលរដ្ឋ​កម្ពុជា នៅ​តាម​តំបន់​ខ្លះ​ដល់​ពេល​ប្រមូល​ផល​ស្រូវ ហើយ​ឈ្មួញ​បញ្ចេញ​ប្រាក់​ដុល្លារ​ទិញ​យក​លុយ​រៀល ដើម្បី​ធ្វើ​ពាណិជ្ជកម្ម ដូច​នេះ​នាំ​ឲ្យ​ដុល្លារ​ចុះ​ថោក។ ម្យ៉ាង​វិញ​ទៀត ការ​ឡើង​ថ្លៃ​ប្រាក់​រៀល ក៏​បណ្ដាល​មក​ពី​ពាណិជ្ជករ​ទាំង​ឡាយ ត្រូវ​យក​លុយ​ដុល្លារ​ទៅ​ប្ដូរ​ជា​លុយ​រៀល ដើម្បី​យក​ប្រាក់​រៀល​ទៅ​បង់​ពន្ធ។

អ្នក​វិភាគ​សេដ្ឋកិច្ច លោក ហេង ឌីណា មាន​ប្រសាសន៍​ថា ការ​ដែល​លុយ​រៀល​ឡើង​ថ្លៃ ជា​ប្រការ​ល្អ​សម្រាប់​ជីវភាព​រស់នៅ​របស់​ប្រជា​កសិករ និង​មន្ត្រី​រាជការ​នៅ​កម្ពុជា ព្រោះ​ថា ពួក​គេ​ភាគ​ច្រើន​បាន​ប្រាក់​ចំណូល​ជា​ប្រាក់​រៀល។ លោក​បន្ត​ថា ចំពោះ​អ្នក​ដែល​ប៉ះពាល់​ជីវភាព​នោះ គឺ​ក្រុម​កម្មករ​ធ្វើ​ការ​រោងចក្រ សហគ្រាស ក្រុមហ៊ុន និង​អង្គការ​ក្រៅ​រដ្ឋាភិបាល ដែល​ពួក​គេ​បើក​ប្រាក់​ខែ​ជា​ដុល្លារ ហើយ​ត្រូវ​យក​ចំណាយ​ជា​លុយ​រៀល ដើម្បី​ទិញ​ទំនិញ ដូច​នេះ​ពួក​គាត់​ត្រូវ​ខាត​បង់។ លោក ហេង ឌីណា បញ្ជាក់​ថា បើ​សិន​ជា​មាន​ករណី​ឡើង ឬ​ចុះ​តម្លៃ​ប្រាក់​រៀល​ច្រើន​លើស​ពី ១% នឹង​នាំ​ឲ្យ​ប៉ះពាល់​ខ្លាំង​ដល់​ជីវភាព​រស់នៅ​របស់​ពលរដ្ឋ៖ «មិន​ឲ្យ​ផ្លាស់​ប្ដូរ​ខ្លាំង កាល​ណា​ប្រែប្រួល​ពី ១% ទៅ ២% វា​ធ្វើ​ឲ្យ​បាត់​ការ​ទុក​ចិត្ត​ពី​សំណាក់​ពលរដ្ឋ​ចំពោះ​លុយ​រៀល រដ្ឋាភិបាល​ត្រូវ​ចាត់​វិធានការ​ធ្វើ​យ៉ាង​ណា​ឲ្យ​មាន​ប្រសិទ្ធភាព ទើប​អាច​រក្សា​លំនឹង​ម៉ាក្រូ​សេដ្ឋកិច្ច»

លោក ហេង ឌីណា បន្ត​ថា រដ្ឋាភិបាល​ក៏​ត្រូវ​ធ្វើ​ការងារ​ដោយ​ប្រយ័ត្នប្រយែង​បំផុត ដើម្បី​រារាំង​ការ​ប្រែប្រួល​ខ្លាំង​នៃ​អត្រា​ប្ដូរ​ប្រាក់ ដើម្បី​ធានា​ឲ្យ​សេដ្ឋកិច្ច​មាន​ការ​រីក​ចម្រើន។ អត្រា​ប្ដូរ​ប្រាក់​កាល​ពី​ថ្ងៃ​ទី១៣ ក្នុង ១​ដុល្លារ ប្ដូរ​បាន ៣.៨៨៨​រៀល ប៉ុន្តែ​នៅ​ថ្ងៃ​ទី១៤ វិច្ឆិកា ធនាគារ​ជាតិ​បាន​ដំឡើង​ថ្លៃ​ប្រាក់​រៀល​វិញ ក្នុង​តម្លៃ ៣.៩៩២​រៀល​ក្នុង ១​ដុល្លារ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (5)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

ពី Rachna Vong

The nominal exchange rate between USD and Riel currency right now is unbalance if talking about purchasing in Riel. Via Economy theory; Riel currency now is more valuable than before according to the Exchange Rate between USD, but the price of goods in the market still high like the time that Riel currency less valuable than USD. Theory is theory - but the fact is not that.. purchasing power in Riel currency still not good because the price of goods in the markets never plunge or down.

Local Economists and also Mr. Hun Sen don' t try to say Riel currency has good health - the reality is not like this. Please try to bring strong productions for Cambodia rather than just lay on economic theory... this and that. Cambodian Economics now is like bubble.

Nov 15, 2012 09:51 PM

អ្នក​អាន​អនាមិក

ស្ថាប័នរដ្ឋក្នុងស្រុកខ្មែរអីលូវគ្មានភារកិច្ចអីទេហី យូៗទៅសូម្បីតែរឿងអត្រាប្រាក់ ក៏ហ៊ុន ​សែន​ ជាអ្នកចាត់ចែងដែរ បន្តិចទៀតប្រជាជនខ្មែរលែងមានការងារធ្វើទៀតហើយ មានតែ ហ៊ុន​សែន ម្នាក់គត់ដែលចេះ

Nov 15, 2012 09:31 PM

KONE KHMER

ពី PHNOM PENH

RIEL INCREASES VALUE, BUT DONG (VIETNAMESE MONEY ) DECREASE VALUE MEANS VIETNAMESE BRING THEIR GOODS TO SELL IN CAMBODIA EASILY ( MORE PROFIT ) THEN VIETNAMESE WANT TO LIVE IN CAMBODIA. THE RESULT VIETNAMESE WILL FILL UP IN CAMBODIA. WHAT IS CAMBODIAN GOVERNMENT THINKING ?

Nov 15, 2012 10:14 AM

reaksmey

ពី phnom penh

just only Cambodia scare about the national currency go up coz government has no any ability to live by itself. this is sovan phum. have everything but very poor, coz of why????

Nov 15, 2012 10:10 AM

អ្នក​អាន​អនាមិក

What ? there is such a big impact on a terrible dollarized country such as Cambodia? comme one stupid PM!!!isn't there any other resons behind this?

Nov 15, 2012 08:34 AM

មើល​មតិ​ទាំង​អស់.