បក្សសិទ្ធិមនុស្ស៖ លោក ហ៊ុន សែន មិនគួរបារម្ភពីការប្រើប្រាស់រថយន្តសម្រាប់ពលរដ្ឋ
h100412np.mp3
ប្រតិកម្មនេះ ធ្វើឡើងបន្ទាប់ពីប្រមុខដឹកនាំរដ្ឋាភិបាលលោកនាយករដ្ឋមន្ត្រី ហ៊ុន សែន បានថ្លែងជាសាធារណៈ បង្ហាញពីផលវិបាកមួយចំនួនទៅថ្ងៃអនាគត របស់ប្រជាពលរដ្ឋរស់នៅក្នុងឃុំល្បើក ដែលពុំមានថវិកាឃុំសម្រាប់ចំណាយផ្សេងៗក្នុងការប្រើប្រាស់រថយន្តនោះ។
តំណាងរាស្ត្រគណបក្ស សិទ្ធិមនុស្ស លោក អ៊ូ ចាន់រិទ្ធ បានថ្លែងប្រតិកម្មថា លោកនាយករដ្ឋមន្ត្រី ហ៊ុន សែន មិនគួរព្រួយបារម្ភអំពីដំណើរការនៃការប្រើប្រាស់រថយន្ត សម្រាប់ប្រជាពលរដ្ឋរស់នៅក្នុងឃុំល្បើក ស្រុកឈូក ទេ។ លោកថា ប្រជាពលរដ្ឋខ្មែរនៅក្រៅប្រទេសនឹងបន្តផ្តល់ប្រាក់ឧបត្ថម្ភ ដើម្បីជួយសម្រួលដល់សេចក្តីត្រូវការរបស់ប្រជាពលរដ្ឋនៅឃុំល្បើក ដែលត្រូវការរថយន្តប្រើប្រាស់សម្រាប់ដឹកអ្នកជំងឺទៅមន្ទីរពេទ្យ។
លោក អ៊ូ ចាន់រិទ្ធ៖ «ខ្ញុំចង់ជម្រាបថា រថយន្តដែលយើងបញ្ជូនឲ្យទៅតាមឃុំដែលគណបក្ស សិទ្ធិមនុស្ស ឈ្នះមេឃុំនោះ ថវិកានោះមិនមែនជារបស់ឯកឧត្តម កឹម សុខា ទេ គឺជាថវិការបស់បងប្អូនខ្មែរយើងនៅក្រៅប្រទេស ដូចជានៅបារាំង កាណាដា អូស្ត្រាលី និងសហរដ្ឋអាមេរិក ដែលលោករៃអង្គាសប្រាក់មកជួយទិញរថយន្តដាក់តាមឃុំ។ ចំពោះរឿងអ្នកណាជាអ្នកបើក បានលុយពីណាមកចាក់សាំង ឬជួសជុលនោះ រឿងនេះជារឿងកំប៉ិកកំប៉ុកណាស់។ យើងចេះធ្វើហើយប៉ុណ្ណឹង យើងអាចទិញរថយន្តសម្រាប់ឃុំនីមួយៗអស់ប្រាក់ ៥ ឬ៦ពាន់ដុល្លារ យើងជឿថាពលរដ្ឋនៅក្រៅប្រទេសអាចជួយឧបត្ថម្ភបានហើយ»។
កាលពីថ្ងៃទី២០ ខែកញ្ញា កន្លងមកនេះ គណបក្ស សិទ្ធិមនុស្ស បាននាំយករថយន្ត សម្ភារៈការិយាល័យមួយចំនួន រួមមានម៉ាស៊ីនកុំព្យូទ័រ និងម៉ាស៊ីនភ្លើងជាដើម ទៅប្រគល់ឲ្យក្រុមប្រឹក្សាឃុំល្បើក តាមកិច្ចសន្យារបស់គណបក្សខ្លួនពីមុន ក្រោយដែលបានឈ្នះតំណែងជាមេឃុំ នៅក្នុងការបោះឆ្នោតក្រុមប្រឹក្សាឃុំ-សង្កាត់ អាណត្តិទី៤ កាលពីដើមខែមិថុនា ឆ្នាំ២០១២ កន្លងមកនេះ។
លោកនាយករដ្ឋមន្ត្រី ហ៊ុន សែន ក្នុងពិធីចែកវិញ្ញាបនបត្រ និងសញ្ញាបត្រដល់សិក្ខាកាមថ្នាក់វិជ្ជាជីវៈ និងនិស្សិតជ័យលាភី កាលពីថ្ងៃព្រហស្បតិ៍ ទី៤ តុលា បានថ្លែងថា លោកអបអរសាទរចំពោះការគោរពពាក្យសន្យារបស់គណបក្សមួយចំនួន មុនការបោះឆ្នោត។ ប៉ុន្តែ លោកថា តើគេមានបានគិតអំពីផលវិបាកទៅថ្ងៃអនាគតដែរ ឬទេ ដែលគេត្រូវការប្រាក់សម្រាប់ការចំណាយផ្សេងៗ ដូចជា ថ្លៃសាំង និងថ្លៃជួសជុលជាដើម។
លោកនាយករដ្ឋមន្ត្រី ហ៊ុន សែន៖ «ឥឡូវយើងកំពុងរង់ចាំមើល យើងអបអរសាទរណាស់ចំពោះការដែលគេអាចសម្រេចបាន។ ឧទាហរណ៍ថា មួយឃុំឲ្យមានឡានមួយ មិនពិបាកទេគ្រាន់តែទិញឡាន ព្រោះឡានជជុះឥឡូវតម្លៃ ៣ ឬ៤ពាន់ដុល្លារទេ។ ប៉ុន្តែបន្ទាប់ទៅ ចាំមើលគេដោះ នរណាធ្វើតៃកុងឡាន បានលុយពីណាផ្តល់ឲ្យ ព្រោះថវិកាមូលនិធិឃុំសម្រាប់តៃកុងឡាន អត់មានទេ ហ្នឹងទី១។ ទី២ នរណាដែលជិះឡានហ្នឹង បើមិនស្រួល គឺអាមេឃុំអ្នកជិះនោះ។ រឿងតទៅទៀត អ្នកណាចាក់សាំង បន្ទាប់ពីហ្នឹងទៅទៀត ដល់ពេលខូចខាត នរណាដែលជួសជុល រឿងហ្នឹងមិនលេងទេណា៎»។
ក្រោយពីបានទទួលរថយន្ត និងសម្ភារៈមួយចំនួនពីគណបក្ស សិទ្ធិមនុស្ស មក ប្រជាពលរដ្ឋជិត ២ពាន់គ្រួសារ ដែលភាគច្រើនមានជីវភាពរស់នៅក្រីក្រ ក្នុងឃុំល្បើក ស្រុកឈូក បានសម្ដែងក្តីរីករាយជាខ្លាំង។ មេឃុំល្បើក នៃគណបក្ស សិទ្ធិមនុស្ស លោក ម៉ែន សុខៃ អះអាងថា ប្រការដែលមានរថយន្តដឹកអ្នកជំងឺទៅមន្ទីរពេទ្យ និងការធ្វើលិខិតស្នាមនានាជូនប្រជាពលរដ្ឋ មិនយកប្រាក់លើសច្បាប់កំណត់ អាចនឹងជួយកាត់បន្ថយការចំណាយ និងជួយសម្រាលទុក្ខលំបាកបានច្រើនរបស់ប្រជាពលរដ្ឋក្នុងមូលដ្ឋាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Both Angkor
WHY HUN SEN IS SO WORRY ABOUT ONE CAR THAT Mr kIM SOKHA GIVE TO PEOPLE???????? IT'S SO RIDICULOUS .SO SHAME. DAM
Oct 13, 2012 02:02 AM
ផា
ពី ស្វាយរៀងធ្វើជារដ្ធមន្ត្រីមិនត្រូវឈឺក្បាលរឿងខ្មែរជួយខ្មែរទេ។រដ្ធមន្ត្រីត្រូវទុកកម្លាំងគិតការពារប្រទេសកុំឲ្យបាត់ដីនិងកោះ វាគ្រាន់បើជាង។
Oct 06, 2012 06:24 PM
អ្នកអានអនាមិក
ពី Phnom Penhសម្ដេចអ្ហើយសម្ដេច! បើយើងមិនជួយរាស្រ្តទុកពេល ឲ្យអ្នកមានគុណធម៌ចំពោះមនុស្សជាតិ គេធ្វើទៅ!កិច្ចការសំខាន់មិនព្រមគិត បែរមកគិតអ្វីដែលគេគិតហើយ។
Oct 06, 2012 10:26 AM
Former E.T.A.P.P' s Student
ពី Phnom ChhatLaborious job is for an uneducated person and educated one deserves to hold a critical thinking position(prime minister). Hun Sen is not an educated man, so his speechs and actions are amount to garbages, gangsters, and/or buffalo boy. Youn likes to see a Khmers' leader as Hun Sen remains in power for a long period of times so it could gain more lands/islands. The worst of the worst, an uneducated, stubborn, and the Motherland seller Hun Sen were/are carelessly destroying Khmers integrity and sovereignty. Hun Sen's final day is coming soon and a strong, giant iron bars cage will be built in the jungle just for him and his innercircle. Poor and innocent Khmers are so frustrated and no longer want this barbarous man(Hun Sen) as their leader for 5 more years. Hun Sen must overthrown by force that will be formed by all suffered, poor peasants and others, not by negotiation!
Oct 06, 2012 12:43 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
