ក្មួយប្រុសលោក ហ៊ុន សែន ត្រៀមប្ដឹងកាសែត The Age របស់អូស្ត្រាលី
h062212ts2.mp3
លោកឧកញ៉ា ហ៊ុន តូ បានជួលមេធាវីចំនួនពីរនាក់ ដើម្បីរៀបចំពាក្យបណ្ដឹង ប្ដឹងកាសែតអូស្ត្រាលីមួយឈ្មោះ The Age ក្រោមបទបរិហារកេរ្តិ៍ និងផ្សាយព័ត៌មានមិនពិត ក្រោយពីកាសែតនេះបានចេញផ្សាយចោទប្រកាន់កាលពីខែមីនា ឆ្នាំ២០១២ កន្លងទៅនេះថា នគរបាលអូស្ត្រាលីបានស្វែងរកចាប់ខ្លួនលោកឧកញ៉ា ហ៊ុន តូ ក្រោមបទជួញដូរគ្រឿងញៀន និងលាងលុយកខ្វក់នៅប្រទេសអូស្ត្រាលី កន្លងមក។
ការមកដល់របស់លោកឧកញ៉ា ហ៊ុន តូ នៅថ្ងៃទី២២ ខែមិថុនា ឆ្នាំ២០១២ ត្រូវបានទទួលស្វាគមន៍ដោយអ្នកនាំពាក្យ នៃទីស្ដីការគណៈរដ្ឋមន្ត្រី លោក ផៃ ស៊ីផាន នៅឯអាកាសយានដ្ឋានអន្តរជាតិភ្នំពេញ។
លោកឧកញ៉ា ហ៊ុន តូ មិនបានមានប្រសាសន៍អត្ថាធិប្បាយអ្វីទេ ចំពោះសំនួររបស់អ្នកកាសែត ប៉ុន្តែលោកធ្លាប់បានមានប្រសាសន៍ប្រាប់វិទ្យុអាស៊ីសេរី កាលពីថ្ងៃទី១៧ ខែមិថុនា ឆ្នាំ២០១២ កន្លងទៅនេះ តាមទូរស័ព្ទ ពីប្រទេសអូស្ត្រាលីមកថា លោកបានផ្តល់សិទ្ធិនានា ឲ្យមេធាវីចាត់ការប្ដឹងកាសែតនោះហើយ។
លោកឧកញ៉ា ហ៊ុន តូ៖ «គិតមើលថា បើសិនខ្ញុំពាក់ព័ន្ធជាមួយគ្រឿងញៀន ខ្ញុំចូលដល់ដីអូស្ត្រាលីហ្នឹង គេចាប់ខ្ញុំបាត់ទៅហើយ។ អីចឹង មានន័យថា ពួកកាសែតហ្នឹង វាដើរចោទគេ តែផ្ដេសផ្ដាសអីចឹង វាអត់ល្អប៉ុន្មានទេ ប៉ះពាល់ដល់កិត្តិយសក្រុមគ្រួសាររបស់ខ្ញុំ ហើយប៉ះពាល់ដល់ការងាររកស៊ីរបស់ខ្ញុំទៀត។ មេធាវីខ្ញុំ គឺស្ថានទូតរបស់ប្រទេសអូស្ត្រាលីប្រចាំនៅស្រុកខ្មែរ គេអ្នកឲ្យមក។ ចុះឥឡូវ លោកត្រូវដឹងហើយ គេចោទយើងរបៀបម៉េច យើងត្រូវប្ដឹងវារបៀបហ្នឹងវិញហើយ។ យើងអត់មានខុសអ្វីផង អ្នកឯងចេះតែចោទថា រដ្ឋាភិបាលអូស្ត្រាលីមកចង់ចាប់ខ្ញុំស្អី។ ឥឡូវខ្ញុំមក ខ្ញុំដើរលេង ខ្ញុំនាំកូនខ្ញុំមក Queen Land។ ឥឡូវ ខ្ញុំនៅ Melbourne។ ខ្ញុំមិនដែលរកស៊ីអ្វីខុសច្បាប់ផង អ្នកឯងចេះតែចោទខ្ញុំផ្ដេសផ្ដាស វាអត់ល្អសម្រាប់ខ្លួនខ្ញុំហើយ»។
ទាក់ទងរឿងនេះដែរ អ្នកតំណាងឲ្យលោកឧកញ៉ា ហ៊ុន តូ លោក ផៃ ស៊ីផាន បានមានប្រសាសន៍នៅក្នុងសន្និសីទកាសែត នៅថ្ងៃទី២២ ខែមិថុនា ឆ្នាំ២០១២ ថា ការប្ដឹងកាសែតឈ្មោះ The Age និងវត្តមានរបស់លោកឧកញ៉ា ហ៊ុន តូ នៅប្រទេសអូស្ត្រាលីកន្លងមកនេះ គឺជាការជម្រះការសង្ស័យនានាកន្លងមក។
លោក ផៃ ស៊ីផាន៖ «វាមិនត្រឹមត្រូវ គ្រាន់តែជាទិសដៅមួយ នៃការវាយប្រហារដល់កិត្តិយសរបស់អ្នកឧកញ៉ា ជាសាមីខ្លួនផ្ទាល់ ក៏ដូចជាកិត្តិយសរបស់អគ្គសេនាបតីតេជោ ហ៊ុន សែន ក៏ដូចជាកិត្តិយសរបស់រាជាណាចក្រកម្ពុជា នៅក្នុងឆាកអន្តរជាតិ។ នេះជា ប៉ាសស្ព័រ (Passport) របស់អ្នកឧកញ៉ា ដែលលោកបានអញ្ជើញមកវិញ។ ប៉ាសស្ព័រនេះ ដែលគេបានចោទប្រកាន់ ប៉ុន្តែការពិតនោះ លោកបានទទួលទិដ្ឋាការរួចស្រេចទៅហើយ ក្នុងរយៈពេលមួយឆ្នាំ ក្នុងការធ្វើដំណើរចុះឡើង»។
រដ្ឋមន្ត្រីក្រសួងការបរទេសអូស្ត្រាលី លោក បុប ខា (Bob Carr) ដែលបានមកធ្វើទស្សនកិច្ចនៅប្រទេសកម្ពុជា កាលពីថ្ងៃទី២៦ ខែមីនា ឆ្នាំ២០១២ កន្លងទៅនេះបានបដិសេធមិនធ្វើអត្ថាធិប្បាយអ្វីទេជុំវិញរឿងនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Castro De La Monreo
ពី Paris, FranceIf you don't say anything nobody gonna say you are muted. Whoever got convicted on any cases will be prosecuted and nobody can be on top of the law. It goes after you like shadow "The traps never forget those birdies, only those birdies forget the traps." And remember nothing is remained forever!! Nobody can cover up elephant's dead with a small dish even you use a giant dish to cover but the smell will be spreaded stinck to the atmosphere.
Jun 25, 2012 12:58 PM
អ្នកអានអនាមិក
ពី Long Beach, USAI wonder what kind of business and done good to the Nation by this IDIOT do have a title "OKhna". Please Mr. Phann Siphai explain what is the definition of Oknha. Please read the Global Witness Report-Family of Louch Cheat Khmer.
Jun 24, 2012 08:43 AM
អាគួយសំរែ
ពី កាលោមប៊ុសជាសារៈជាតិរបស់លោកផៃស៊ីផានក៍ជាទម្លាប់និយាយលើក
ឬការពារកិតិ្តយស់គ្រួសារចៅហ្វាយដែលលោកជានិច្ចជា
កាលតែងទទួលបានកាកសំណល់សំរាប់អាជីពជាអ្នករាយ
ការណ៍ពិសេសឥតចេះអៀនខ្មាស់អីបន្ដិចទេ នោះក៍ព្រោះតែ
គ្រួសារឬសែសាឡាយខាងសំដាច់មានគ្រឿងប្រដាប់រំលាយ
អាហារបានល្អហើយបញ្ចេញឧស្ម័នបរិសុទ្ធសំរាប់ឱ្យឡជីវ
ឋាមពលរបស់លោកដំណើរការបានស្រួលរឿងបែបនេះក្នុង
សង្គមណាៗត្រូវតែមាន១,២មិនដែលខាន ក៍មិនមែនជា
រឿងចំលែកអីដែរ។
Jun 24, 2012 07:50 AM
អ្នកអានអនាមិក
ពី Phnom Penhតើលោក ផៃ ស៊ីផាន ធ្វើការអោយរដ្ឋាភិបាល ឬធ្វើការអោយបុគ្គល ហ៊ុន តូ។ ត្រូចងចាំពុទ្ធិឧវាទ អ្នកណាធ្វើល្អ និងបានផលល្អ ឯអ្នកណាសាងអាក្រក់នឹងទទួលកម្មនេះជាមិនខាន។ ខ្ញុំហ៊ានភ្នាល់ថា លោក ហ៊ុន តូ គាត់មិនហ៊ានប្តឹងទេ ពីព្រោះថានគាត់ធ្វើអ្វីខ្លះគាត់ដឹងខ្លួនគាត់ច្បាស់ណាស់។
Jun 24, 2012 12:31 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
