ក្រុមអ្នកកាសែតជួបពិភាក្សាអំពីក្រមសីលធម៌អ្នកសារព័ត៌មាន
ដោយ អយុធ្យា
2009-10-28
ក្រុមអ្នកកាសែតកម្ពុជាជួបប្រជុំគ្នាពិភាក្សាពីក្រមសីលធម៌សម្រាប់អ្នកសារព័ត៌មាន ប្រយោជន៍ដើម្បីទទួលបានការផ្តល់ទំនុកចិត្ត និងមានភាពថ្លៃថ្នូរក្នុងការប្រកបអាជីពជាអ្នកកាសែត។
បុរសវ័យ៣២ឆ្នាំ កំពុងអានកាសែតនៅតូបលក់កាសែតមួយកន្លែងក្នុងទីក្រុងភ្នំពេញ នាថ្ងៃទី ៧ ឧសភា ២០០៧។
ថ្លែងក្នុងសន្និសីទថ្នាក់ជាតិលើកទី២ ស្តីពីក្រមសីលធម៌សម្រាប់អ្នកសារព័ត៌មានកម្ពុជា នៅថ្ងៃអង្គារ ទី២៧ ខែតុលា លោក ប៉ា ងួនទៀង ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ដែលជាអ្នកផ្តួចផ្តើមសន្និសីទ មានប្រសាសន៍ថា ការគោរពបាននូវក្រមសីលធម៌វិជ្ជាជីវៈសារព័ត៌មានចំពោះអាជីពជាអ្នកកាសែត គឺអាចកាត់បន្ថយបាននូវគ្រោះថ្នាក់ ក៏ដូចជាទទួលបាននូវការគោរពពីគ្រប់មជ្ឈដ្ឋានទូទៅ។
លោក ប៉ា ងួនទៀង មានប្រសាសន៍ដូច្នេះ ៖ «អ្នកកាសែតយើងនឹងផ្ដល់តម្លៃដល់ក្រមសីលធម៌ ដើម្បីយើងធ្វើជាមូលដ្ឋានក្នុងការបង្កើននូវជំនឿទុកចិត្តពីសាធារណជន ពេលណាដែលយើងទទួលបានជំនឿទុកចិត្ត ពេលនោះយើងនឹងទទួលបានអំណាចមួយដែលអ្នកកាសែតមានឥទ្ធិពល ហើយពេលនោះហើយដែលជីវភាពអ្នកកាសែតនឹងមានការប្រែប្រួល»។
ចាងហ្វាងកាសែតសហស្សវត្សរ៍ថ្មីមានប្រសាសន៍ថា ៖ «ជាទូទៅសូមឲ្យសមីខ្លួនរបស់កាសែតនីមួយៗ និពន្ធនាយក ឬនាយកគ្រប់គ្រង ពង្រឹងខ្លួនឯងតែម្ដង ហ្នឹងការអនុវត្តក្រមសីលធម៌វិជ្ជាជីវៈប្រហែលជាអាចបានលឿនជាង»។
លោក ហែន វិភាគ ប្រធានសមាគមអ្នកសារព័ត៌មានកម្ពុជាដើម្បីសេរីភាព បានឲ្យដឹងដូច្នេះ ៖ «កន្លងមកដោយសារអ្នកកាសែតពុំមានក្រមសីលធម៌ច្បាស់លាស់ ទើបបានជាមជ្ឈដ្ឋានផ្សេងៗ តែងតែយកច្បាប់ដែលមិនស្របទៅនឹងវិជ្ជាជីវៈអ្នកកាសែតមកគំរាមកំហែងសេរីភាពអ្នកសារព័ត៌មាន»។
លោក សេត វណ្ណដន អ្នកផ្តល់ប្រឹក្សាផ្នែកនយោបាយនៃគណៈកម្មការអឺរ៉ុបប្រចាំនៅកម្ពុជា មានប្រសាសន៍ឲ្យដឹងតាមសំឡេងអ្នកបកប្រែភាសាថា នៅក្នុងមួយទសវត្សរ៍ចុងក្រោយនេះ អ្នកសារព័ត៌មាននៅកម្ពុជាមានការវិវឌ្ឍឈានទៅមុខគួរឲ្យកត់សម្គាល់។ ប៉ុន្តែទន្ទឹមនឹងនេះ ក៏មានអ្នកកាសែតមួយចំនួនបានទទួលរងនូវការគំរាមកំហែងដល់អាយុជីវិត រាង្គកាយ និងផ្លូវចិត្តផងដែរ។ លោកបញ្ជាក់ថា ការគោរពបាននូវក្រមសីលធម៌វិជ្ជាជីវៈសារព័ត៌មាន គឺកាត់បន្ថយគ្រោះថ្នាក់ដល់អ្នកកាសែត។
គួររំឭកថា ចាប់តាំងពីប្រទេសកម្ពុជា បានបង្កើតឲ្យមានការបោះឆ្នោតចាប់តាំងពីឆ្នាំ១៩៩៣ មកដល់ឆ្នាំ២០០៩នេះ គឺមានអ្នកកាសែតមិនតិចជាង១០នាក់ទេ ត្រូវបានសម្លាប់ពីជនអនាមិក។ ជាង១០នាក់ជាប់ក្នុងពន្ធនាគារ និងជាច្រើននាក់ទៀតកំពុងប្រឈមរឿងក្តីក្នុងតុលាការ និងការគំរាមកំហែងដោយសារតែមូលហេតុនយោបាយ ខ្វះវិជ្ជាជីវៈនិងគំនុំ។
ការកាប់សម្លាប់អ្នកកាសែតនិងការផ្តន្ទាទោសអ្នកកាសែត ត្រូវបានមន្ត្រីផ្នែកសិទ្ធិមនុស្សបានលើកមកនិយាយថា មិនមែនដោយសារតែបញ្ហាមិនគោរពក្រមសីលធម៌មួយមុខនោះទេ។
លោក ចាន់ សុវ៉េត មន្ត្រីស៊ើបអង្កេតជាន់ខ្ពស់នៃសមាគមការពារសិទ្ធិមនុស្សអាដហុក បានរកឃើញថា វាមានបញ្ហាផ្សេងៗទៀត។
ដោយឡែកលោក ចន ចនសុន (John Johnson) មន្ត្រីអ្នកនាំពាក្យស្ថានទូតសហរដ្ឋអាមេរិកប្រចាំកម្ពុជា មានប្រសាសន៍ឲ្យដឹងថា ក្រមសីលធម៌វាមានសារសំខាន់បំផុតសម្រាប់អ្នកសារព័ត៌មានគ្រប់ៗរូប មិនថាតែអ្នកសារព័ត៌មានកម្ពុជានោះទេ សូម្បីតែអ្នកកាសែតអាមេរិកក៏ដូចគ្នាដែរ នៅពេលពួកគេធ្វើរបាយកាណ៍ ឬសេចក្តីរាយការណ៍ព័ត៌មានរបស់គេ គឺតែងតែគោរពនូវក្រមសីលធម៌វិជ្ជាជីវៈយ៉ាងខ្ជាប់ខ្ជួន៕
អត្ថបទដែលទាក់ទង
ទីភ្នាក់ងារព័ត៌មានកម្ពុជានិងវៀតណាមបង្កើនកិច្ចសហប្រតិបត្តិការ
អ្នកកាសែតជាប់ឃុំម្នាក់បន្តប្ដឹងឧទ្ធរណ៍ក្នុងរឿងក្ដីជាមួយសយសុភាព
មន្រ្តីជាន់ខ្ពស់ខ្មែរខ្វែងគំនិតគ្នាក្នុងការលើកលែងទោស ហង្ស ចក្រា
ព្រះមហាក្សត្រស្នើសុំឲ្យពិនិត្យមើលលទ្ធភាពក្នុងការដោះលែង ហង្ស ចក្រា
អតីតអ្នកកាសែតម្នាក់ត្រូវផ្តន្ទាទោសឲ្យជាប់គុក២ឆ្នាំពីបទផ្សាយព័ត៌មានមិនពិត
កាសែតសេរីភាពថ្មីផ្អាកការបោះពុម្ពផ្សាយព្រោះបញ្ហាថវិកា
សង្គមស៊ីវិលអំពាវនាវឲ្យអ្នកកាសែតប្រុងប្រយ័ត្នក្នុងការសរសេរព័ត៌មាន
អ្នកកាសែតម្នាក់ត្រូវឃាត់ខ្លួនពីបទផ្សាយព័ត៌មានមិនពិត
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
like vietnam proverb built for Cambodian snce 1945 in Bangkok meeting. <br>do you want to know, here they said, let silly people acted, soon we will teach them some lesson. can you see. <br>vietnam they know, what they doing, everywhere they going, but Cambodia was not like that, everywher they go,they had to show their silly, such as, right now, like body guards, richest picure, and power to kill the own nation, that the khmer for. see vietnam and thai they had been known eachother scretly for long, time, only Cambodia that never learn any for now dady. forget about the great grand parent, it was passed, thing anf foccusing what are we going to do taking care our leftover land, and nation. stopped acting as vietnam and thai had already written us.
2009-11-01 13:47
មើលមតិទាំងអស់.