ក្រសួងការបរទេសប្រកាសឲ្យទូតខ្មែរនៅថៃគិតពីបញ្ហាសុវត្ថិភាព
ដោយ អយុធ្យា
2009-10-25
លោក កុយ គួង អនុរដ្ឋលេខាធិការនិងជាមន្ត្រីនាំពាក្យក្រសួងការបរទេសកម្ពុជា មានប្រសាសន៍ថា មន្ត្រីបម្រើការនៅស្ថានទូតខ្មែរប្រចាំប្រទេសថៃគួរមានការប្រុងប្រយ័ត្នពីសុវត្ថិភាពជាមុន ចំពោះព័ត៌មានដែលលេចឮមកថា មានក្រុមជ្រុលនិយមថៃពីរក្រុមគ្រោងធ្វើបាតុកម្មឡោមព័ទ្ធស្ថានទូតខ្មែរនៅទីក្រុងបាងកក នៅដើមខែវិច្ឆិកាខាងមុខ។
បាតុករប្រឆាំងរដ្ឋាភិបាលថៃប្រឈមមុខជាមួយប៉ូលិសនៅក្នុងទីក្រុងបាងកក នាថ្ងៃទី៧ តុលា ២០០៨។
កាសែតរស្មីកម្ពុជាចេញផ្សាយនៅថ្ងៃអាទិត្យ ទី២៥ ខែតុលា បានសរសេរថា ពួកក្រុមជ្រុលនិយមថៃចំនួនពីរក្រុម គឺក្រុមជ្រុលនិយមអាវលឿងនិងមួយក្រុមទៀតដាក់ឈ្មោះថា "សាខាប្រជាជនប្រឆាំងអំពើពុករលួយនិងភាគីតាមដានស្ថានការណ៍ប្រាសាទព្រះវិហារ" បានអះអាងថា ពួកគេគ្រោងធ្វើបាតុកម្មឡោមព័ទ្ធស្ថានទូតខ្មែរនៅថ្ងៃទី២ ខែវិច្ឆិកាខាងមុខនេះ ប្រសិនបើកងទ័ពកម្ពុជាមិនព្រមដកចេញពីតំបន់ព្រះវិហារទេនោះ។
វិទ្យុអាស៊ីសេរីមិនទាន់អាចស្វែងរកការធ្វើអត្ថាធិប្បាយពីមន្ត្រីស្ថានទូតថៃប្រចាំប្រទេសកម្ពុជាជុំវិញគម្រោងធ្វើបាតុកម្មរបស់ក្រុមជ្រុលនិយមថៃបានទេនៅថ្ងៃនេះ។
លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យផងនោះ មានប្រសាសន៍ថា ជម្លោះព្រំដែនរវាងកម្ពុជាថៃដែលអូសបន្លាយអស់រយៈពេលរាប់ឆ្នាំមកហើយនេះ មិនគួរថ្នាក់ដឹកនាំរដ្ឋាភិបាលនៅបន្តអូសបន្លាយការចរចាទ្វេភាគីដែលមិនទទួលបានផ្លែផ្កានេះតទៅទៀតឡើយ។
លោក រ៉ុង ឈុន បានបញ្ជាក់ថា ៖ «អ៊ីចឹងហើយបានជាយើងជំរុញម្ដងហើយ ម្ដងទៀត ស្នើឲ្យអ្នកដឹកនាំកម្ពុជាយើងត្រូវតែលើកបញ្ហាហ្នឹងដាក់ជូនប្រទេសម្ចាស់ហត្ថលេខីស្ដីពីបញ្ហាកម្ពុជាហ្នឹង»។
លោក ជាម យៀប សមាជិកសភាមកពីគណបក្សប្រជាជនកម្ពុជាកំពុងកាន់អំណាច មានប្រសាសន៍ក្នុងកិច្ចប្រជុំសភា កាលពីថ្ងៃទី២១ ខែតុលា ថា ការចរចាលើជម្លោះព្រំដែនទ្វេភាគីរវាងកម្ពុជាថៃកន្លងមក គឺខាងភាគីថៃមានការក្រឡេចក្រឡុចជាទីបំផុត។
លោក ជាម យៀប បានប្តេជ្ញាចិត្តជាមួយការទទួលខុសត្រូវចំពោះមុខច្បាប់ក្នុងនាមអ្នកតំណាងរាស្ត្រម្នាក់ថា លោកហ៊ានបូជាអវយវៈដើម្បីការពារបូរណភាពទឹកដីជាមួយប្រទេសថៃ មិនឲ្យបាត់បង់ប៉ុនគ្រាប់ខ្សាច់ឡើយ។
លោក ជាម យៀប បានអះអាងថា ៖ «អាហ្នឹងសុំផ្ដាំទៅសៀមឲ្យដឹងផងដែលមានមហិច្ឆតាលោភលន់ចង់លេបទឹកដីកម្ពុជាម្ដងទៀតនោះ កម្ពុជា កុំឃើញថាទឹកស្ងប់ អត់មានត្រី អត់មានក្រពើ កម្ពុជាអត់មានទៅក្អេងក្អាងឬក៏អួតអាង កម្ពុជាក៏អត់ខ្លាចដែរ ដូចខ្ញុំ ខ្ញុំសូមសច្ចាអ៊ីចឹងតែម្ដង បើថាមានការអីក៏ដោយ បើគេបាញ់ដាច់ដៃដាច់ជើង សុខចិត្តវារទៅខាំ ចំពោះការការពារបូរណភាពទឹកដីនិងមាតុភូមិកម្ពុជា។ សៀមនិយាយអីក៏ដោយ មកហ្នឹងត្រូវរ៉ូវគ្នា ដោយសារកម្ពុជាមានច្បាប់នឹងដៃ ឯកភាពៗ ចេញពីកម្ពុជាគឺថាគំនិតឈ្លានពានមកដល់ទៀត តាំងពីលើដល់ក្រោម។ ខ្ញុំសូមទទួលខុសត្រូវ បើសិនជាមានបុគ្គលសៀមណាដែលគេប្ដឹងអំពីខ្ញុំ»។
កងទ័ពឈ្លានពានថៃបានចូលមកក្នុងទឹកដីប្រទេសកម្ពុជា នៅថ្ងៃទី១៥ ខែកក្កដា ឆ្នាំ២០០៨ នៅក្រោយប្រទេសកម្ពុជាបានដាក់បញ្ជូលប្រាសាទព្រះវិហារទៅក្នុងបញ្ជីបេតិកភណ្ឌពិភពលោកនៅថ្ងៃទី៧ ខែកក្កដា ឆ្នាំ២០០៨ រួចមក៕
អត្ថបទដែលទាក់ទង
- មេបញ្ជាការខ្មែរ-ថៃគ្រោងជួបប្រជុំគ្នាដើម្បីបន្ធូរបន្ថយភាពតានតឹង
- ស្ថានភាពនៅតំបន់ប្រាសាទព្រះវិហារ ថ្ងៃ៧ វិច្ឆិកា
- ស្ថានភាពនៅតំបន់ព្រំដែនខ្មែរ-ថៃ ថ្ងៃ៣១ តុលា
- មន្រ្តីខ្មែរប្រតិកម្មតបនឹងព័ត៌មានថាថៃនឹងប្រើច្បាប់អន្តរជាតិក្នុងករណីថាក់ស៊ីន
- ស្ថានទូតខ្មែរនៅបាងកកទទួលបានការធានាសុវត្ថិភាពពីរដ្ឋាភិបាលថៃ
- រដ្ឋាភិបាល៖ ការទាមទារឲ្យកម្ពុជាដកទ័ពចេញពីតំបន់ប្រាសាទព្រះវិហារគឺខុសច្បាប់
- ក្រសួងការបរទេសប្រកាសឲ្យទូតខ្មែរនៅថៃគិតពីបញ្ហាសុវត្ថិភាព
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I believe our government has given enough times for the Thai government to resolve the border problems. It's time for our government to take serious action against the Thai by not permit the Thai government to buy more time and waste our times. Our government leads by Mr Hun Sen, should approach the International to find the solution rather attempt to compromise again and again with the Thai without any outcome. Border problem is a very serious issue and we can not allow Thai to assume we are not serious about it. Border issue has occurred since the early 1952. It's time to take action, now. <br> <br>Thai have shot our young again and again recently and we arrest and returned theirs. They don't have any right to shoot our young for any reason. Our government must arrest those who has crossed to our country without legal documents regardless Thai nationals or Vietnam nationals or whoever.They must respect our law. <br> <br> Sincerely, <br>Khmer for Khmer
2009-10-27 06:49
I am very proud of him if everything is really true as what he said. Khmer losed part of land to Thailand ,Vietnam, and also Loa. So, I do hope that Mr.Cheam Yeap will be devoted /sacrificed himself for khmer sovereignty. Cheam Yeap is a strong khmer generation not a strong tigerpaper, He will do everything for khmer.
2009-10-27 05:45
We should give Thai some lesson of the attempt to invade Camobodian territory, time and time again. I would like to suggest all Cambodians stop buying Thia products. We should shut down every border that connects to Thailand, there is no trade with them if they still want our territory. Shut down baby shut down!
2009-10-26 18:54
H. E. Cheam Yeab, I sopport you 100%; but not only Thailand, Vietnam too.
2009-10-26 14:19
I got tired of Mr.Cheam Yeam promise. I thought he cannot do what he promise. Why doesn't Cambodia gorvernment fill out a complian to the National Organization? It has been happening for a long time. I wonder Cambodia government may have a secret story about Preas Vehear border. On the other hand, I wonder Cambodia government doesn't want to fill out a complian about Preas Vehear because of Veitname government is behind Cambodia government and Veitname government doesn't want Cambodia fill out a complian about Preas Vehear to the National Organization? when Cambodia government fill out a complian about Preas Vehear to the National Organization it maybe affect to Veitname and Cambodia border. This is just my opinion.I apologize if something is affecting to both government.
2009-10-26 13:10
មើលមតិទាំងអស់.