ខ្មែរក្រោមបង្សុកូលលោកឧកញ៉ា សឺន គុយ ក្នុងឱកាសបុណ្យចូលឆ្នាំថ្មី

ប្រធានមជ្ឈមណ្ឌលវប្បធម៌ខ្មែរកម្ពុជាក្រោម លោក យន្ត ថារូ បានឲ្យដឹងនៅថ្ងៃទី១៥ មេសា ថា នៅក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរនេះ អង្គការ សមាគមខ្មែរកម្ពុជាក្រោមចំនួន៧ បានរៀបចំពិធីបង្សុកូលនៅចេតិយនិមិត្តរូបរបស់លោកឧកញ៉ា សឺន គុយ ស្ថិតនៅសហគមន៍បុរីព្រៃនគរ ភូមិគោកឃ្លាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ដោយ ទីន ហ្សាការីយ៉ា
2012-04-15

លោក យន្ត ថារូ ជាប្រធានមជ្ឈមណ្ឌលវប្បធម៌ខ្មែរកម្ពុជាក្រោម និងជាតំណាងរាស្រ្តគណបក្សសមរង្ស៊ី។ លោកមានប្រសាសន៍ថា កាលពីថ្ងៃទី១៤ មេសា ដែលជាថ្ងៃទី២ នៃថ្ងៃចូលឆ្នាំថ្មី អង្គការ សមាគមខ្មែរកម្ពុជាក្រោមបានធ្វើពិធីបង្សុកូល ដែលមានមនុស្សជាង ១០០នាក់ចូលរួម ក្នុងគោលបំណងដើម្បីរក្សាប្រពៃណីទំនៀមទម្លាប់ខ្មែរកម្ពុជាក្រោម និងដើម្បីបង្ហាញពីភាពសាមគ្គីគ្នា។

លោក យន្ត ថារូ បានអះអាងថា បានជាអង្គការសមាគមខ្មែរកម្ពុជាក្រោមនាំគ្នាធ្វើពិធីបង្សុកូលនៅចេតិយលោកឧកញ៉ា សឺន គុយ នេះ ដោយសារតែលោកឧកញ៉ា សឺន គុយ ជាវីរបុរសខ្មែរ ក្លាហានហ៊ានបូជាជីវិតឲ្យអាជ្ញាធរវៀតណាម ដើម្បីការពារជាតិសាសន៍ខ្មែរ និងព្រះពុទ្ធសាសនានៅកម្ពុជាក្រោមឲ្យបានគងវង់ដល់សព្វថ្ងៃ៕

កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។

អត្ថបទដែលទាក់ទង

មតិ (4)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

ខ្ញុំសែនសោកស្តាយជាទីបំផុត ចំពោះប្រជាជនខ្មែរដែលរស់នៅកម្ពុជាក្រោម ៕ ប្រទេសកម្ពុជាខ្លួនឯងសព្វថ្ងៃជួយខ្លួនឯងមិនរួចផង ចុះទំរាំខ្មែរកម្ពុជាក្រោម? កម្ពុជាគិតតែព្រំដែនភាគខាងលិច ចុះព្រំដែនភាគខាងកើតវិញសល់ត្រឹមណាដែរ?

May 09, 2012 12:15 AM