សាលាក្ដីខ្មែរក្រហមនឹងកាត់បន្ថយថ្ងៃបើកសវនាការដោយសារកង្វះថវិកា
sy.mp3
កត្តានេះបានបណ្ដាលឲ្យជនរងគ្រោះនៃរបបខ្មែរក្រហម និងមន្ត្រីអង្គការសង្គមស៊ីវិលឃ្លាំមើលដំណើរការកាត់ក្តីអតីតមេដឹកនាំខ្មែរក្រហម សំដែងការសោកស្ដាយ និងព្រួយបារម្ភថា ការកាត់បន្ថយថ្ងៃបើកសវនាការនេះ នឹងក្លាយជាឧបសគ្គអូសបន្លាយការកាត់ក្ដីជនជាប់ចោទទាំងនោះអាចស្លាប់មុនការកាត់ទោស។
មន្ត្រីនាំពាក្យសាលាក្ដីខ្មែរក្រហម លោក នេត្រ ភក្ត្រា កាលពីថ្ងៃអង្គារ បានទទួលស្គាល់ថា ការកាត់បន្ថយចំនួនថ្ងៃនៃដំណើរការសវនាការ នឹងអាចអូសបន្លាយបញ្ចប់សំណុំរឿង ០០២ ប៉ុន្តែសាលាក្តីចាំបាច់ត្រូវតែអនុវត្ត ដោយសារកង្វះខាតថវិកា និងបុគ្គលិក។
សេចក្ដីប្រកាសព័ត៌មានសាលាក្ដីខ្មែរក្រហម ផ្សាយកាលពីថ្ងៃអង្គារ ទី២៣ តុលា បញ្ជាក់ថា អង្គជំនុំជម្រះសាលាដំបូងនឹងអនុវត្តការកាត់បន្ថយចំនួនថ្ងៃសវនាការ ចាប់ពីថ្ងៃច័ន្ទ ទី៥ វិច្ឆិកា តទៅ។ ព័ត៌មានចុងក្រោយនេះ បណ្ដាលឲ្យអ្នកឃ្លាំមើលសាលាក្ដីខ្មែរក្រហម និងជនរងគ្រោះនៃរបបខ្មែរក្រហម បានសំដែងក្តីបារម្ភពីការស្វែងរកយុត្តិធម៌សម្រាប់ជនរងគ្រោះ។
មន្ត្រីសម្របសម្រួលកម្មវិធីសាលាក្ដីខ្មែរក្រហមនៃសមាគមអាដហុក លោក ឡាត់ គី មានប្រសាសន៍ថា ការកាត់បន្ថយចំនួនថ្ងៃសវនាការ នឹងប៉ះពាល់ដល់ដំណើរការកាត់ក្តី។ លោកបន្តថា បញ្ហាកង្វះថវិកាបានក្លាយជាបញ្ហាធម្មតានៅក្នុងសាលាក្ដីកូនកាត់មួយនេះ។
លោកបន្តថា ដើម្បីចៀសវាងបញ្ហាថវិកាទៅថ្ងៃអនាគត សាលាក្ដីខ្មែរក្រហមត្រូវរក្សាឯករាជភាព និងវិជ្ជាជីវៈ ដើម្បីឲ្យម្ចាស់ជំនួយជឿទុកចិត្ត នឹងអាចបន្តជំនួយ៖ «បើសិនជាសាលាក្ដីពង្រឹងឯករាជភាពតាមវិជ្ជាជីវៈរបស់ខ្លួន បង្ហាញម្ចាស់ជំនួយមានជំនឿទុកចិត្តស្វែងរកយុត្តិធម៌ឲ្យជនរងគ្រោះឲ្យមានតម្លាភាព និងឯករាជភាព ដើម្បីស្រូបទាញជំនឿពីអ្នកផ្ដល់ជំនួយ ខ្ញុំគិតថា ថវិកាមិនមែនជាបញ្ហាទេ»។
សេចក្ដីប្រកាសព័ត៌មានសាលាក្ដីខ្មែរក្រហមបន្តថា ដោយសារតែកង្វះថវិកា អង្គជំនុំជម្រះសាលាដំបូងពុំអាចជ្រើសរើសបុគ្គលិកគ្រប់គ្រាន់ ដើម្បីបំពេញការងារ។ អង្គជំនុំជម្រះបន្ថែមទៀតថា ប្រសិនបើបញ្ហាបុគ្គលិកមានភាពល្អប្រសើរជាងពេលបច្ចុប្បន្ន អង្គជំនុំជម្រះនឹងពិនិត្យឡើងវិញអំពីចំនួនថ្ងៃធ្វើសវនាការ។
អតីតមេដឹកនាំនៃរបបកម្ពុជាប្រជាធិបតេយ្យចំនួន ៣រូប កំពុងត្រូវបានជំនុំជម្រះក្តីក្នុងសំណុំរឿង០០២។ ជនជាប់ចោទទាំង ៣រូបមាន នួន ជា ខៀវ សំផន និង អៀង សារី។ ជនជាប់ចោទទាំង ៣រូប ត្រូវចោទប្រកាន់ពីបទឧក្រិដ្ឋកម្មប្រឆាំងនឹងមនុស្សជាតិ ការរំលោភបំពានធ្ងន់ធ្ងរលើអនុសញ្ញាទីក្រុងហ្សឺណែវ ឆ្នាំ១៩៤៩ និងឧក្រិដ្ឋកម្មប្រល័យពូជសាសន៍លើជនជាតិចាម និងវៀតណាម។
ជនជាប់ចោទបច្ចុប្បន្នមានសភាពចាស់ជរា និងមានជំងឺ។ តុលាការកំពូលសាលាក្តីខ្មែរក្រហមដោះលែងជនជាប់ចោទ អៀង ធីរិទ្ធ ឱ្យនៅក្រៅឃុំហើយ កាលពីថ្ងៃទី១៦ ខែកញ្ញា ដោយសារមិនមានសម្បទាខាងបញ្ញាស្មារតីគ្រប់គ្រាន់ចូលរួមក្នុងសវនាការ។
មន្ត្រីនាំពាក្យសាលាក្ដីខ្មែរក្រហម លោក នេត្រ ភក្ត្រា ថ្លែងថា ការបោះលែងនេះ ភ្ជាប់ដោយដាក់លក្ខខណ្ឌបណ្ដោះអាសន្នមួយចំនួន។ របាយការណ៍សក្ខីកម្មអ្នកជំនាញផ្នែកវេជ្ជសាស្ត្របានរកឃើញថា អ្នកស្រី អៀង ធីរិទ្ធ មានជំងឺវង្វេងវង្វាន់ និងភ្លេចការចងចាំធ្ងន់ធ្ងរ។ ចំណែកជនជាប់ចោទ អៀង សារី ក៏កំពុងព្យាបាលជំងឺនៅក្នុងមន្ទីរពេទ្យ មិនអាចចូលរួមសវនាការបាននៅឡើយ។
មន្ត្រីនាំពាក្យសាលាក្ដីខ្មែរក្រហម លោក នេត្រ ភក្ត្រា បានអំពាវនាវឲ្យម្ចាស់ជំនួយបន្តផ្ដល់ជំនួយដល់សាលាក្ដីខ្មែរក្រហម ដើម្បីបន្តការកាត់ទោសអតីតមេដឹកនាំខ្មែរក្រហម៖ «ការព្រួយបារម្ភអំពីបញ្ហានេះ គឺយើងសង្ឃឹមថា ប្រទេសម្ចាស់ជំនួយលោកនឹងបន្តផ្ដល់ជំនួយដល់សាលាក្ដីខ្មែរក្រហមបន្ថែមទៀត ដើម្បីអាចឲ្យតុលាការនេះបំពេញការងាររបស់ខ្លួនបន្ថែមទៀតដោយចប់ចុងចប់ដើមទៅតាមអ្វីដែលកំណត់ដោយបេសកកម្មរបស់ខ្លួន»។
ការអូសបន្លាយពេលវេលាការកាត់ទោសអតីតមេដឹកនាំខ្មែរក្រហម និងភាពចាស់ជរារបស់ជនជាប់ចោទទាំងនោះ បណ្ដាលឲ្យអ្នករងគ្រោះនៃរបបខ្មែរក្រហមមួយចំនួន បាត់បង់ជំនឿក្នុងការស្វែងរកយុត្តិធម៌។
អតីតអ្នកជាប់គុក ស-២១ លោក ជុំ មី កាលពីថ្ងៃអង្គារ ទី២៣ តុលា មានប្រសាសន៍ថា លោកកំពុងបាត់បង់ជំនឿលើសាលាក្ដីខ្មែរក្រហម៖ «លុយរាប់លានដុល្លារ ហើយចេះតែកាត់ចេះតែខ្វះ។ ខ្ញុំមិនដឹងជារឿងអ្វីបានជាខ្វះអ្វីខ្លះម្ល៉េះលុយកាក់? បើតាមគំនិតរបស់អ៊ំលុយប៉ុន្មានក៏វាអត់មានយុត្តិធម៌ដែរ»។
សាលាក្ដីខ្មែរក្រហមទទួលការឧបត្ថម្ភជាថវិកាពីប្រទេសម្ចាស់ជំនួយបរទេស។ សាលាក្ដីនេះតែងតែប្រឈមមុខនឹងការខ្វះខាតថវិកាជារឿយៗ ចាប់តាំងពីចាប់ដំណើរការកាលពីឆ្នាំ២០០៦។ មន្ត្រីសាលាក្ដីខ្មែរក្រហមបានចំណាយថវិកាប្រមាណ ១៦០លានដុល្លាររួចមកហើយ។ បច្ចុប្បន្ននេះសាលាក្ដីខ្មែរក្រហមកំពុងខ្វះថវិកាប្រមាណ ៤លានដុល្លារសំរាប់ដំណើរការអោយបានពេញលេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
Fine with me to close the court house because the architectural of Khmer Rouge is dead and bring along with him with many mystery.
Oct 26, 2012 11:24 PM
ចូច
ពី អកឡិនកាលពីដើមចេះតែគិតថា ពួកលោកខាងលិចឆ្លាត តែតាមការពិតពួកនេះល្ងង់ណាស់។ សព្វថ្ងៃដែកចូយកលុយ មកធ្វើជាកាត់ទោសអតិតមេដឹកនាំ ខ្មែរក្រហមដូចមែនទែនចឹង។ ហាស ហាស ហា បើឆ្លាតចេះតែផ្តល់អោយទៀតម៉ោ អញចែកគ្នាចាយទៀត អញបន្តកាត់ទោសទៀត គឺអញកាត់រហូតដល់អស់លុយទើបឈប់។ ហាស ហាស ហា លែងពួកអាអឺរ៉ុបម្តង ចាំមើលវាមានលុយដល់ណា។
Oct 26, 2012 11:06 AM
អ្នកអានអនាមិក
ពី washingtonNOW IT NEEDS $4.O MILLION TO FINISH AND PROSECUTE THOSE FOUR HEADS. AREN'T WE SHAME OF ASKING FOR MONEY CONSTANTLY FROM THE DONNORS? HOW MUCH MORE MOULAR DO THEY NEED TO COMPLETE THE JOB. IT SHOULD NOT PROLONG THIS LONG. THE COURT SYSTEM IS SUCKING MONEY . MISMANAGE THE MONEY. DONNORS BE AWARE, NEED TO SEND AUDITORS TO SEE WHY IT COSTS HUMDRED MILLION DOLLARS TO PROSECUTE THE KHMERE ROUGE LEADERS. TIME TO STOP, LET CAMBODIAN PEOPLE MIND ITS OWN BUSINESS.
Oct 26, 2012 03:33 AM
អ្នកអានអនាមិក
SHUT THE COURT DOWN, LET THE MEN GO. THEY ARE OLD NOW. IT SHOULD NOT HAVE TO DRAG THE CASE THIS LONG DURING KHMER ROUGE REGIME. TAKE THEM OUT , WASTE THE MONEY TO PROSECUTE THEM. THEY ARE CAMBODIAN KILLERS, HAVE NO REMORSE WHAT THEY HAVE DONE TO THEIR OWN PEOPLE. IF NO MONEY, I WOULD SUGGEST , LET THE MEN GO, THE DAMN THING SICKENING ME TO HEAR OF SHORT OF MONEY. STOP, SHUT THE COURT DOWN, LET THE CRIMINALS GO. IT'S OVER.
Oct 25, 2012 04:26 PM
អ្នកអានអនាមិក
ពី WASHINGTONYOU KNOW WHAT..... AS A CAMBODIAN ,I DON'T CARE ANY MORE ABOUT THE STUPID COURT, IT DRAGGED THE CASE SO LONG. SOME OF CAMBODIAN VICTIMS MAY NEVER HEAR THE VERDICT .THE CRIMINALS ALSO OLD, STAY IN NICE PLACE. I AM SICK OF THE COURT RUN OUT OF MONEY. RELEASE THOSE CRIMINALS, LET THEM FREE.... THERE IS NO JUSTICE IN CAMBODIA
Oct 25, 2012 04:17 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
