អ្នកភូមិមានជម្លោះដីនៅពោធិ៍សាត់ត្រៀមប្ដឹងក្រុមហ៊ុនភាពីម៉ិច
pb.mp3
«សំឡេងយំ»៖ សំឡេងទ្រហោយំសំពះអង្វររបស់ប្រជាពលរដ្ឋ ១៧គ្រួសារនៅភូមិព្រងិល ពុំបានធ្វើឲ្យអាជ្ញាធរខេត្តរំជួលចិត្តនោះទេ។
បុរសអ្នកភូមិឈ្មោះ មុត ខន ជាប្រជាពលរដ្ឋនៅភូមិព្រងិល ឃុំព្រងិល។ គាត់បានឲ្យដឹងនៅព្រឹកថ្ងៃទី៥ សីហា ថា កម្លាំងប្រដាប់អាវុធមួយក្រុមដែលអះអាងថា បានទទួលបញ្ជាពីអភិបាលខេត្តលោក ខូយ សុខា បានមកគំរាមពួកគាត់ឲ្យប្រគល់ដីនេះទៅឲ្យក្រុមហ៊ុនភាពីម៉ិច បើមិនដូច្នោះទេពួកគាត់នឹងត្រូវចាប់ខ្លួន។ គាត់ថា ទន្ទឹមនឹងការគំរាមកំហែងពីកម្លាំងប្រដាប់អាវុធ មានកម្មករក្រុមហ៊ុនប្រមាណ ៤០នាក់ បាននាំគ្នាដើររុះរើដកបង្គោលរបងដីដែលអ្នកភូមិបានធ្វើដើម្បីសម្គាល់ព្រំដីរបស់ពួកគាត់ រួចក្រុមហ៊ុនបានយកត្រាក់ទ័រមកឈូសឆាយដណ្ដើមយកដីធ្លីរបស់អ្នកភូមិតែម្ដង។
លោក មុត ខន៖ «ដីនេះពួកខ្ញុំធ្វើតាំងពីឆ្នាំ១៩៨៧ ម៉្លេះ តែដល់ឆ្នាំ១៩៩៥ ខាងរដ្ឋបាលព្រៃឈើគាត់មកប្រាប់ថា ជាដីព្រៃរបស់រដ្ឋ។ ពួកខ្ញុំមានភស្តុតាងគ្រប់គ្រាន់បង្ហាញថា ពួកខ្ញុំកាន់កាប់តាំងពីឆ្នាំ១៩៨៧ មែន ជាពិសេសមានដើមឈើហូបផ្លែគ្រប់ប្រភេទ ដូចជាដូង ស្វាយ ជាដើម បានទទួលផលជាច្រើនឆ្នាំមកហើយ...»។
ស្ត្រីអ្នកភូមិឈ្មោះ ផៃ ស៊ីចាន់ បានឲ្យដឹងថា ក្រុមកម្លាំងប្រដាប់អាវុធចម្រុះបានមកគំរាមឲ្យគាត់ចាកចេញពីដីនេះជាបន្ទាន់ បើពុំដូច្នោះទេគាត់នឹងរងការចាប់ខ្លួនដាក់ពន្ធនាគារ៖ «សម្ដេចស្រែកថា ដីទីណាប៉ះពាល់ជាមួយប្រជាជនគឺត្រូវកាត់ទៅឲ្យប្រជាជន។ តែឥឡូវប៉ះពាល់ហើយតែក្រុមហ៊ុនបែរជាដណ្ដើមយកតែម្ដង។ ខ្ញុំចង់ដឹងថា ហេតុអីសម្ដេចស្រែកហើយតែខាងក្រោមគេមិនស្ដាប់។សម្រែករបស់សម្ដេចគ្មានប្រសិទ្ធភាព ក្រុមហ៊ុនបានបំពានលើប្រសាសន៍របស់សម្ដេច ឥឡូវយើងខ្ញុំសុំឲ្យសម្ដេចជួយ...»។
ដីទំនាស់ដែលមានទំហំជាង ២៥ហិកតារនេះ ស្ថិតនៅម្ដុំច្រកអណ្ដូងត្រាវគៀត ចម្ងាយប្រមាណ ១.៦០០ម៉ែត្រពីថ្នល់ជាតិលេខ ៥៦ ឆ្ពោះទៅទិសខាងកើត ស្ថិតក្នុងភូមិព្រងិល ឃុំព្រងិល ស្រុកភ្នំក្រវាញ ខេត្តពោធិ៍សាត់។
មេឃុំព្រងិល គឺលោក ឱក ឈឹម មានប្រសាសន៍ថា ក្រុមហ៊ុនភាពីម៉ិច មកដាក់ទីតាំង និងឈូសឆាយដីដោយពុំមានសិក្សាពីផលប៉ះពាល់ លុះកើតមានទំនាស់ជាមួយប្រជាពលរដ្ឋទើបសុំឲ្យអាជ្ញាធរជួយដោះស្រាយ។
លោកថា បញ្ហានេះហួសពីលទ្ធភាពដោះស្រាយរបស់អាជ្ញាធរឃុំលោកសុំឲ្យថ្នាក់លើជួយរកដំណោះស្រាយទំនាស់នេះជូនប្រជាពលរដ្ឋផង៖ «ក្រុមហ៊ុនគេមើលមិនឃើញអាជ្ញាធរភូមិ ឃុំទេ។គេចង់ធ្វើអ្វីគេធ្វើតែខ្លួនគេ លុះកើតមានទំនាស់ជាមួយប្រជាពលរដ្ឋទើបសុំឲ្យអាជ្ញាធរជួយដោះស្រាយ...»។
សំណូមពរអាជ្ញាធរឃុំពុំទទួលបានលទ្ធផលទេ។ ដោយកាលពីថ្ងៃទី៣១ កក្កដា អាជ្ញាធរខេត្តបានប្រើកម្លាំងប្រដាប់អាវុធការពារឲ្យកម្មករក្រុមហ៊ុនដកបង្គោលរបង និងឈូសឆាយដីទំនាស់នេះតែម្ដង។
ដោយអស់សង្ឃឹមចំពោះអាជ្ញាធរខេត្ត អ្នកភូមិបានឲ្យដឹងថា ពួកគាត់កំពុងរៀបចំពាក្យបណ្ដឹងទៅខុទ្ទកាល័យលោកនាយករដ្ឋមន្ត្រី ដើម្បីឲ្យលោកនាយករដ្ឋមន្ត្រីជួយពួកគាត់វិញម្ដង។
មន្ត្រីសម្របសម្រួលអង្គការលីកាដូ ខេត្តពោធិ៍សាត់ លោក អេង ឈុនហាន មានប្រសាសន៍ថា ក្រុមហ៊ុនភាពីម៉ិច កំពុងរំលោភលើសេចក្ដីជូនដំណឹងរបស់រាជរដ្ឋាភិបាល លេខ ២៨៩ ចុះថ្ងៃទី១៤ មីនា ឆ្នាំ២០១១ ត្រង់ចំណុចដែលបានចែងថា ចំពោះដីដែលប្រជាពលរដ្ឋកំពុងប្រើប្រាស់បង្កបង្កើនផល និងអាស្រ័យផលត្រូវដកចេញពីដីសម្បទានសេដ្ឋកិច្ចរបស់ក្រុមហ៊ុនហើយរក្សាទុកឲ្យប្រជាពលរដ្ឋ។ លោកថា អាជ្ញាធរខេត្តក៏កំពុងរួមចំណែករំលោភលើសេចក្ដីជូនដំណឹងរបស់រាជរដ្ឋាភិបាលនេះដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Sreth
ពី Poy PetLand problems was become a cancer of our society already! People in cambodia about 85% are farmers, without their land where they can make their living? and the authority warning them "put in prison" Why all you in Cambodia afraid about prison, why not just go to prison together, I heart in french time was colonized in Cambodia, they used the same warning the khmers and they afraid of it, even they didn't commit any crime at all they tried to bribe the authorities to be free. I want to trow out while I hear this idea again and again! This three years prisons are full, so we must raise tax and money from foreign support build more or use the khmer rouge regime style. All and all go to prison better than free out side but in a worst situation ( we are all in prison now) , don't be stupid any more wake up.. Thanks
Aug 06, 2012 05:33 AM
អ្នកអានអនាមិក
Where ever that have land problem we are often heard that cause by Pheapimix company. Is the owner of the company is Khmer? Does she have heart?
Aug 06, 2012 03:55 AM
អ្នកអានអនាមិក
Every day when we listen to the news, we only hear the people loose their land to the corrupted government. Instead, people are threatened to put in jail by the authorities if they're not moving out. This corrupted system is spent out of control all over Cambodia right now. They've never thought about people's pain and suffering that they've gone through from day to day. The corrupted authorities just want to collect all the dollars and stuff them in their suitcases before the upcoming election, because they will never have chances to do this again.
Aug 06, 2012 02:59 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
