លីកាដូ អំពាវនាវរដ្ឋាភិបាលកុំចាត់ទុកអង្គការនិងសកម្មជនអង្គការជាសត្រូវ
h081712ts1.mp3
ក្នុងពិធីនោះ មន្ត្រីសិទ្ធិមនុស្សបានបង្ហាញថា ពួកគេបានជួយដល់ពលរដ្ឋដែលត្រូវរងការរំលោភសិទ្ធិមនុស្ស បានជាង១លាននាក់។ ប៉ុន្តែ បុគ្គលិករបស់អង្គការនេះ ក៏រងការគំរាមកំហែង មានការចោទប្រកាន់ពីសមត្ថកិច្ច រហូតដល់មានការចាប់ខ្លួនដាក់ពន្ធនាគារទៀតផង។
ប្រធានអង្គការការពារសិទ្ធិមនុស្សលីកាដូ អ្នកស្រី ពុង ឈីវកេក បានអំពាវនាវសុំឲ្យរដ្ឋាភិបាលចាត់ទុកអង្គការការពារសិទ្ធិមនុស្ស និងសកម្មជនការពារសិទ្ធិមនុស្សជាដៃគូបម្រើការក្នុងវិស័យសិទ្ធិមនុស្ស នៅក្នុងកម្ពុជា ជៀសវាងការដាក់គំនាប ឬគំរាមកំហែងមកលើសកម្មជនការពារសិទ្ធិមនុស្ស និងចាត់ទុកជាសត្រូវ។
អង្គការការពារសិទ្ធិមនុស្សលីកាដូ បានទទួលការអនុញ្ញាតពីទីស្ដីការគណៈរដ្ឋមន្ត្រី បម្រើការក្នុងវិស័យសិទ្ធិមនុស្ស នៅប្រទេសកម្ពុជា តាំងពីថ្ងៃទី២១ ខែឧសភា ឆ្នាំ១៩៩២ រហូតដល់ឆ្នាំ២០១២ នេះ គឺគម្រប់ខួប២០ឆ្នាំ។
នៅក្នុងរយៈពេល២០ឆ្នាំនោះ សកម្មជនការពារសិទ្ធិមនុស្សរបស់អង្គការលីកាដូ ចំនួន៣នាក់ ត្រូវបានសមត្ថកិច្ចចាប់ខ្លួនដាក់គុក និងសកម្មជនមួយចំនួនទៀត បានទទួលការគំរាមកំហែងជាច្រើនករណីកន្លងមក ប៉ុន្តែអង្គការនេះ បានជួយប្រជាពលរដ្ឋរងការរំលោភសិទ្ធិមនុស្សចំនួនជាង១លាននាក់ហើយ។
អង្គការការពារសិទ្ធិមនុស្សលីកាដូ គឺស្ថិតនៅក្នុងចំណោមអង្គការ និងសមាគមសរុបជាង២ពាន់ នៅប្រទេសកម្ពុជា។ បេសកកម្មរយៈពេល២០ឆ្នាំកន្លងមកនេះ គឺចង់ឲ្យមានការគោរពសិទ្ធិមនុស្ស និងលទ្ធិប្រជាធិបតេយ្យ ការបញ្ចេញមតិដោយសេរី និងការតស៊ូមតិនៅប្រទេសកម្ពុជា។
ប្រធានអង្គការការពារសិទ្ធិមនុស្សលីកាដូ អ្នកស្រី ពុង ឈីវកេក បានមានប្រសាសន៍ប្រាប់អ្នកកាសែតថា កន្លងមកអង្គការការពារសិទ្ធិមនុស្សមួយចំនួន មានការខកចិត្តជាមួយរដ្ឋាភិបាល ដោយសារតែរបាយការណ៍ស្ដីពីការរំលោភសិទ្ធិមនុស្សនៅប្រទេសកម្ពុជា និងការផ្តល់អនុសាសន៍នានា មិនត្រូវបានស្វាគមន៍ពីរដ្ឋាភិបាល៖ «ព្រោះចិត្តយើង បំណងយើង យើងចង់ធ្វើកិច្ចការងារជាមួយរដ្ឋាភិបាល ចង់ឲ្យរដ្ឋាភិបាលលោកយកយើងធ្វើជាដៃគូពិតប្រាកដ ព្រោះអីបំណងយើងដូចគ្នា»។
ទាក់ទងនឹងបញ្ហាសិទ្ធិមនុស្សនេះដែរ ប្រធានការិយាល័យនៃឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា លោក ជេមស៍ ហ៊ីណាន់ (James Heenan) បានមានប្រសាសន៍ថា កាលពី១០ឆ្នាំមុននេះ លោកនៅទីក្រុងហ្សឺណែវ ប្រទេសស្វីស បានអានរបាយការណ៍ស្ដីពីការរំលោភសិទ្ធិមនុស្សនៅកម្ពុជា នៅឯអង្គការសហប្រជាជាតិ គឺលោកមានអារម្ភថា ធុញថប់ណាស់ ប៉ុន្តែពេលនេះ លទ្ធផលជោគជ័យរបស់អង្គការលីកាដូ គឺល្អប្រសើរណាស់៖ «នៅគ្រាដែលមានដៃគូជាច្រើននៅក្នុងប្រទេសកម្ពុជា អង្គការលីកាដូ គឺជាដៃគូមួយដែលបានធ្វើការជាច្រើនបំផុត ក្នុងការការពារសិទ្ធិមនុស្ស ការពារប្រជាពលរដ្ឋ តាមដានសង្កេតការណ៍អ្នកធ្វើបាតុកម្ម តាមដានសង្កេតការណ៍នៅពេលបោះឆ្នោត តាមដានស្ថានការណ៍ពន្ធនាគារ និងជនសង្ស័យចោទប្រកាន់ដោយតុលាការ។ នៅមានសញ្ញាវិជ្ជមានជាច្រើនទៀត ក្នុងការធ្វើឲ្យរីកចម្រើន ក្នុងការគោរពសិទ្ធិមនុស្សនៅកម្ពុជា ជាពិសេស លើបញ្ហាដីធ្លី»។
ប្រធានអ្នកនាំពាក្យអង្គភាពប្រតិកម្មរហ័ស នៃទីស្ដីការគណៈរដ្ឋមន្ត្រី លោក កែវ រ៉េមី បានមានប្រសាសន៍ថា កម្ពុជាកំពុងតែមានសន្តិភាព ស្ថិរភាព និងការគោរពសិទ្ធិមនុស្សល្អប្រសើរនៅក្នុងតំបន់៖ «ជំហររដ្ឋាភិបាលមិនដែលចាត់ទុកនរណា ផ្នែកណាមួយ សង្គមស៊ីវិល ឬក៏ផ្នែកឯកជន ផ្នែកស្អី ឬសារព័ត៌មាន ជាសត្រូវរបស់រដ្ឋាភិបាលទេ។ យើងស្វាគមន៍ណាស់ ប៉ុន្តែយ៉ាប់តែមន្ត្រីខ្លះ ដែលធ្វើការងារនៅសង្គមស៊ីវិលនោះ មិនមែនជាមន្ត្រីបម្រើឲ្យសិទ្ធិមនុស្សពិតប្រាកដ ជាសកម្មជនឲ្យបក្សប្រឆាំងទៅវិញ»។
រយៈពេលចុងក្រោយនេះ គេសង្កេតឃើញថា អង្គការការពារសិទ្ធិមនុស្សនានា បានបញ្ចេញប្រតិកម្មថ្កោលទោសការបាញ់សម្លាប់សកម្មជនការពារព្រៃឈើ លោក ឈុត វុទ្ធី នៅខេត្តកោះកុង កាលពីថ្ងៃទី២៦ ខែមេសា ឆ្នាំ២០១២ កន្លងទៅនេះ។ ការបាញ់កម្មការិនីចំនួន៣នាក់រងរបួសធ្ងន់ ដោយលោក ឈូក បណ្ឌិត កាលពីថ្ងៃទី២០ ខែកុម្ភៈ ឆ្នាំ២០១២ កន្លងទៅនេះ។
ការបាញ់បង្ក្រាបប្រជាពលរដ្ឋទាមទារដីធ្លី បណ្ដាលឲ្យក្មេងស្រីម្នាក់ឈ្មោះ ហេង ចន្ថា អាយុ១៤ឆ្នាំស្លាប់ នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ កាលពីខែឧសភា ឆ្នាំ២០១២ និងចុងក្រោយនេះ សាលាដំបូងរាជធានីភ្នំពេញ បានកោះហៅអនុប្រធានផ្នែកស៊ើបអង្កេតរបស់អង្គការការពារសិទ្ធិមនុស្សអាដហុក លោក ចាន់ សុវ៉េត ក្រោមបទជួយចារីនៅខេត្តក្រចេះ នោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
I think the Cambodian Government should listen to human rights group and accept advice from them and specially the advice or Suggestion of Director of Licadho better than the Government criticizes or threatens human rights activists.
Aug 18, 2012 09:29 AM
CheyVorman007
ពី AngKor Watបើតាំងខ្លួនេជាពូជមាន់ជល់ ពេលជល់ម៉េចក៏ខ្លួនមានសិទ្ធិ
បន្ថែមខ្នាយ ហីមិនអោយគេធ្វើផង លោកបងកំហូច? អាង
កាំភើ្លងនៅដៃ??
Aug 18, 2012 07:44 AM
អ្នកអានអនាមិក
Obviously, Hun sen never ever think khmer people possess this country , he always that we are his enemy that's why .
Aug 17, 2012 01:58 PM
Alave in U.S
ពី California U.S. AWithout the Nonprofit Organizations in Cambodia, Hun Sen is more crule than Pol Pot. Any organizations, foreign affairs, Ambassies and the United Nation are the bones that stuck in Hun Sen throat. Think back in Pol Pot regime. If we had all kind of Organizations and Ambassies like this, we should n't suffered serverely in Khmer Rouge regime.
Aug 17, 2012 12:58 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
