គណបក្សសង្គ្រោះជាតិ បើកសម្ពោធទីស្នាក់ការជាផ្លូវការ
h091112sv-a1.mp3
តាមរយៈវីដេអូខនហ្វើរែន (Video Conference) ពីប្រទេសហ្វីលីពីន ប្រធានគណៈកម្មាធិការបណ្ដោះអាសន្នគណបក្សសង្គ្រោះជាតិ លោក សម រង្ស៉ី មានប្រសាសន៍ថា គណបក្សសង្គ្រោះជាតិ បានទទួលការគាំទ្រយ៉ាងច្រើនពីមហាជនទាំងក្នុង និងក្រៅប្រទេស។ លោកបន្តថា លោកនឹងវិលចូលមកប្រទេសកម្ពុជា វិញ នៅពេលឆាប់ៗខាងមុខ ដើម្បីចូលរួមប្រជែងក្នុងការបោះឆ្នោតជ្រើសរើសតំណាងរាស្ត្រឆ្នាំ២០១៣ ខាងមុខ។
លោក សម រង្ស៉ី បញ្ជាក់ថា សហគមន៍អន្តរជាតិគាំទ្រការបោះឆ្នោតប្រកបដោយលទ្ធិប្រជាធិបតេយ្យនៅកម្ពុជា ហើយគណបក្សសង្គ្រោះជាតិ មិនអាចប្រេះឆាគ្នាជាដាច់ខាត៖ «នយោបាយអន្តរជាតិទាមទារឲ្យផ្លាស់ប្ដូរ គ.ជ.ប ឲ្យមានវត្តមានប្រធាន សម រង្ស៉ី ជាគូប្រជែងនឹងនាយករដ្ឋមន្ត្រីសព្វថ្ងៃហ្នឹង ហើយយើងមានជំនឿ ការបោះឆ្នោតខាងមុខនឹងទទួលជោគជ័យ»។
ប្រធានគណបក្ស សិទ្ធិមនុស្ស លោក កឹម សុខា មានប្រសាសន៍ថា នៅពេលឆាប់ៗខាងមុខ លោកនឹងចូលដឹកនាំគណបក្សសង្គ្រោះជាតិ ក្នុងនាមជាអនុប្រធានគណបក្ស។ លោកបន្តថា មូលហេតុដែលបច្ចុប្បន្ននេះលោកមិនទាន់ចូលក្នុងបក្សសង្គ្រោះជាតិ មកពីលោកទុកតំណែងជាតំណាងរាស្ត្រ ដើម្បីងាយស្រួលចេញទៅផ្សព្វផ្សាយគោលនយោបាយថ្មីរបស់គណបក្សសង្គ្រោះជាតិ នៅបរទេស។ លោក កឹម សុខា បញ្ជាក់ថា សម្ព័ន្ធភាពរបស់លោក និងលោក សម រង្ស៉ី នឹងស្ថិតស្ថេរគង់វង្សជាអមតៈ។
ស្នាក់ការថ្មីគណបក្សសង្គ្រោះជាតិ មានទីតាំងស្ថិតនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ។
មកដល់ពេលនេះ គណបក្សសង្គ្រោះជាតិ បានទទួលប្រាក់ឧបត្ថម្ភពីអ្នកគាំទ្រទាំងក្នុង និងក្រៅប្រទេស សរុបជាង៦ម៉ឺនដុល្លារអាមេរិក។ គណបក្សសង្គ្រោះជាតិ នឹងបញ្ជូនសំណុំឯកសារចុងក្រោយទៅកាន់ក្រសួងមហាផ្ទៃ នៅសប្ដាហ៍នេះ ដើម្បីឲ្យគ្រប់តាមការកំណត់របស់អាជ្ញាធរ និងឲ្យគណបក្សមានសុពលភាពតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ចង់់អោយអ្នកសិក្សាទាំងអស់គ្នា ព្យាយាមគិតថា គណបក្សនយោបាយណាដឹកនាំវាមិនសំខាន់ទេ។ សំខាន់នៅត្រង់ថាតើនណាគេគិតទៅដល់អនាគតរបស់ប្រទេសជាង?ហើយនៅក្នុងការអភិវឌ្ឍន៏គេមិនដែលមានការកែប្រែអ្វីដែលមានទេ គឺគេបង្កើតអ្វីដែលថ្មី ជាងនេះទៅទៀតត្រូវគិតថា នណាគេគិតដល់អនាគតរបស់ទឺកដីពេលអនាគត។
Sep 21, 2012 09:46 PM
បេះដូងខ្មែរ
ពី ភ្នំពេញជាការពិតណាស់ការតស៊ូររមែងតែងតែទទួលបានជោគជ័យ ប៉ុន្តែបំណាច់ហ្នឹងតាំងចិត្តបែបនេះប្រសិនបើសិននៅពេលទទទួលបានជផគជ័យខ្ញុំសង្ឃឹមថា អាចធ្វើឲ្យរាស្រ្តខ្មែររស់បានសុខនិងគ្មានអំពើអសកម្មទៀត។ ជួយឲ្យប្រទេសរីកចម្រើនទៀត។កុំបានតែពោលចោល។។
Sep 17, 2012 05:06 AM
Castro De La Monreo
ពី Paris, FranceI was hear that all the time from Tom, remember if you not poop do not fort to make the dogs happy.
Sep 12, 2012 11:52 PM
អ្នកអានអនាមិក
It is a good news that both democratic parties work together for the sake serving the nation. I have always supported both parties since they existed. It is Cambodian hopes to crack down CCP-a communist party.
Sep 12, 2012 10:13 PM
ដារ៉ា
ពី ភ្នំពេញក្តីសង្ឃឹមរបស់ប្រជាជនខ្មែរគ្រប់រូបបានមកដល់ហើយ!នៅពេលដែលអ្នកប្រជាធិតេយ្យនិងអ្នកស្នេហាជាតិពិតប្រាកដចេះរួបរួមគ្នា និងសាមគ្គឺគ្នា ដើម្បីចូលរួមប្រគួតប្រជែងក្នុងការបោះឆ្នោតនាពេលខាងមុខ។ម្យ៉ាងវិញទៀត គណបក្សសង្រ្គោះជាតិត្រូវជំរុញអោយមានការផ្លាសប្តូរសមាសភាពគណកម្មការជាតិរៀបចំការបោះឆ្នោតសព្វថ្ងៃចេញ។ដើម្បីអោយការបោះឆ្នោតនាឆ្នាំ2013ខាងមុខនេះប្រកបទៅដោយ សេរី,យុត្តិធម៍ និងអព្យាក្រឹតពិតប្រាកដ។
Sep 12, 2012 07:34 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
