ឯកអគ្គរដ្ឋទូត​អាមេរិក​ថ្មី​ថ្វាយ​សារតាំង​ដល់​ព្រះមហាក្សត្រ

ស្ថានទូត​សហរដ្ឋ​អាមេរិក​ប្រចាំ​កម្ពុជា បាន​ប្រកាស​ថា លោក វីលលៀម ថត (William Todd) បាន​ថ្វាយ​សារតាំង​ក្នុង​នាម​ជា​ឯកអគ្គរដ្ឋទូត​វិសាមញ្ញ និង​ពេញ​សមត្ថភាព​របស់​សហរដ្ឋ​អាមេរិក ប្រចាំ​នៅ​កម្ពុជា ជូន​ព្រះ​មហាក្សត្រ ព្រះ​បាទ​សម្ដេច​ព្រះ​បរមនាថ នរោត្តម សីហមុនី នៅ​ថ្ងៃ​ទី​៨ ខែ​មិថុនា នៅ​ព្រះបរមរាជវាំង។
ដោយ សុខ សេរី
2012-06-08
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
វីលលៀម ថត ៣០៥
ឯក​អគ្គរដ្ឋទូត​ថ្មី​របស់​សហរដ្ឋ​អាមេរិក​ប្រចាំ​កម្ពុជា លោក វីលលៀម ថត (William Todd)
Photo courtesy of William Todd website

ឯក​អគ្គរដ្ឋទូត​ថ្មី​របស់​សហរដ្ឋ​អាមេរិក លោក វីលលៀម ថត គឺ​មក​ជំនួស​ឯកអគ្គរដ្ឋទូត​ចាស់​ដែល​ត្រូវ​ចប់​អាណត្តិ គឺ​អ្នកស្រី ខារ៉ូល រតលី (Carol Rodley)។

សេចក្ដី​ប្រកាស​ព័ត៌មាន​របស់​ស្ថានទូត​សហរដ្ឋ​អាមេរិក​នៅ​កម្ពុជា នៅ​ថ្ងៃ​ទី​៨ ខែ​មិថុនា បាន​បញ្ជាក់​ថា លោក វីលលៀម ថត បាន​ទូល​ថ្វាយ​ព្រះមហាក្សត្រ ព្រះបាទ​សម្ដេច​ព្រះ​បរមនាថ នរោត្តម សីហមុនី ថា សហរដ្ឋ​អាមេរិក​សង្ឃឹម និង​បង្កើត​ទំនាក់​ទំនង​ឲ្យ​កាន់​តែ​មាន​ប្រសិទ្ធភាព​ថែម​ទៀត​ជាមួយ​ប្រទេស​កម្ពុជា ហើយ​នឹង​ពង្រឹង​ចំណង​មិត្តភាព និង​សហប្រតិបត្តិការ​រវាង​ប្រទេស​ទាំង​ពីរ។

លោក វីលលៀម ថត ត្រូវ​បាន​តែងតាំង​ជា​ឯកអគ្គរដ្ឋទូត​ថ្មី​ប្រចាំ​នៅ​ប្រទេស​កម្ពុជា ដោយ​ប្រធានាធិបតី​សហរដ្ឋ​អាមេរិក លោក បារ៉ាក់ អូបាមា (Barack Obama) កាល​ថ្ងៃ​ទី​១ ខែ​ធ្នូ ឆ្នាំ​២០១១ កន្លង​ទៅ​នេះ ហើយ​ក្រោយ​មក លោក​ត្រូវ​បាន​ព្រឹទ្ធ​សភា​សហរដ្ឋ​អាមេរិក យល់​ព្រម​លើ​ការ​តែងតាំង​នោះ កាល​ពី​ថ្ងៃ​ទី​២៩ ខែ​មីនា ឆ្នាំ​២០១២ កន្លង​ទៅ​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (2)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

Do American and Chinese use Cambodia as their battle field. Be careful, 1970 event will repeat again.

Jun 09, 2012 01:04 AM

អ្នក​អាន​អនាមិក

សូមលោកជួយស្វែងរកលទ្ធិប្រជាធិបតេយ្យពិតអោយខ្មែរផង

Jun 08, 2012 07:30 AM