អ្នកវិភាគនិងបក្សប្រឆាំងរិះគន់ការតែងតាំងទីប្រឹក្សានិងអង្គរក្សផ្ទាល់ខ្លួន
h062812cs.mp3
ការលើកឡើងនេះ នៅបន្ទាប់ពីមានការតែងតាំងទីប្រឹក្សាផ្ទាល់ខ្លួនចំនួន ១៩នាក់បន្ថែមរបស់ប្រធានព្រឹទ្ធសភា និងជាប្រធានគណបក្សប្រជាជនកម្ពុជា លោក ជា ស៊ីម។
តំណាងរាស្ដ្រ និងជាមន្ត្រីនាំពាក្យរបស់គណបក្ស សម រង្ស៊ី លោក យឹម សុវណ្ណ លោកមានប្រសាសន៍ថា ការតែងតាំងទីប្រឹក្សា និងអង្គរក្សផ្ទាល់ខ្លួនរបស់មន្ត្រីជាន់ខ្ពស់រដ្ឋាភិបាល មិនចាំបាច់មានច្រើនទេ ក្នុងកាលៈទេសៈបច្ចុប្បន្ន ព្រោះត្រូវចំណាយថវិកាជាតិច្រើន ប៉ុន្តែទទួលបានលទ្ធផលតិច៖ «រដ្ឋមន្ត្រីក៏ប៉ោងធំ ទាំងចំនួនទីប្រឹក្សាក៏ប៉ោងធំ ហើយអ្នកខ្លះទៀតមិនបានយកតួនាទីរបស់ខ្លួនទៅបម្រើប្រទេសជាតិពិតប្រាកដទេ បែរទៅជាយកតួនាទីហ្នឹង ទៅកាងរកស៊ីខុសច្បាប់ ពាក់អំណាចដើម្បីបំភិតបំភ័យរដ្ឋបាលថ្នាក់ក្រោម ដើម្បីការពារផលប្រយោជន៍ផ្ទាល់ខ្លួនទៅវិញ»។
សកលវិទ្យាធិការ នៃសាកលវិទ្យាល័យ ខេមរៈ និងជាអ្នកវិភាគឯករាជ្យ លោកបណ្ឌិតសុខ ទូច លោកមានប្រសាសន៍ថា ទីប្រឹក្សានៅក្នុងប្រទេសកម្ពុជាមានបីប្រភេទ ទី១ គឺទីប្រឹក្សាដើម្បីបើកប្រាក់ខែ ទី២ គឺទីប្រឹក្សាដើម្បីយកឈ្មោះទៅរកស៊ី និងទី៣ គឺទីប្រឹក្សាប្រើកម្លាំងខួរក្បាលសម្រាប់ផ្ដល់យោបល់ទៅឲ្យថ្នាក់ដឹកនាំ។
លោកបន្តថា ទីប្រឹក្សាត្រូវតែមានចំណេះដឹងខ្ពស់ គឺមានន័យថា មានទាំងចំណេះដឹង និងបទពិសោធន៍៖ «យើងប្រៀបខុសឆ្ងាយណាស់ ស្អីក៏ខុសដែរ គណៈរដ្ឋមន្ត្រីនៅបារាំងមានតែ៤០នាក់ យើងមានដល់៤០០ ទៅ៥០០នាក់។ ប៉ុន្តែ គេហៅថាការរៀបចំរកនយោបាយសម្របសម្រួល ឯអង្គរក្សវិញ ធ្វើឲ្យអ្នកវិនិយោគគេមើលមក គេអត់ហ៊ានវិនិយោគទេ ព្រោះគេមក គេអត់យកអង្គរក្សទេ គេយកតែលុយមកវិនិយោគ ហេតុនេះហើយអង្គរក្សហាក់ដូចជាបន្លាចឲ្យអ្នកដទៃខ្លាច តែវាជាគ្រឿងលម្អសម្រាប់ប្រជាជនកម្ពុជាដែលលោកអត់យល់»។
មន្ត្រីនាំពាក្យទីស្ដីការគណៈរដ្ឋមន្ត្រីប្រទេសកម្ពុជា លោក ផៃ ស៊ីផាន លោកមានប្រសាសន៍ថា គេមិនអាចប្រៀបធៀបប្រទេសកម្ពុជាទៅនឹងប្រទេសដទៃបានទេ ព្រោះតម្រូវការខុសៗគ្នា ហើយពុំមានច្បាប់ណាមួយកំណត់ថា ទីប្រឹក្សាតម្រូវឲ្យមានចំណេះដឹងកម្រិតណា និងមានចំនួនប៉ុន្មាននាក់ជាក់លាក់នោះទេ គឺផ្អែកទៅលើតម្រូវការរបស់ថ្នាក់ដឹកនាំម្នាក់ៗ៖ «ទីប្រឹក្សាចែកជាពីរ គឺទីប្រឹក្សាមួយ គឺទទួលប្រាក់ឧបត្ថម្ភពីរដ្ឋ ឬពីស្ថាប័នរបស់ថ្នាក់ដឹកនាំ ហើយទីប្រឹក្សាមួយចំនួនទៀត គឺអត់ទទួលប្រាក់ឧបត្ថម្ភ ឬប្រាក់បំណាច់ទេ គ្រាន់តែទីប្រឹក្សាហ្នឹងគេស្ម័គ្រចិត្តចូលរួមនៅក្នុងការផ្ដល់យោបល់»។
មន្ត្រីគណបក្សប្រឆាំង និងអ្នកវិភាគស្ថានភាពសង្គមកម្ពុជា បាននិយាយថា មន្ត្រីកំពូលៗនៃរដ្ឋាភិបាលកម្ពុជាមានទីប្រឹក្សា និងអង្គរក្សច្រើនស្ទើររាប់មិនអស់ ខណៈដែលប្រធានព្រឹទ្ធសភា និងជាប្រធានគណបក្សប្រជាជនកម្ពុជា តែងតាំងទីប្រឹក្សាផ្ទាល់ខ្លួនចំនួន ១៩នាក់បន្ថែម ដែលសរុបទាំងអស់ចំនួន ៤២នាក់។ ប៉ុន្តែប្រធានអង្គរក្សលោក ជា ស៊ីម បញ្ជាក់ថា ចំនួននេះមិនច្រើនទេបើប្រៀបធៀបទៅនឹងទំហំការងារលោក ជា ស៊ីម សព្វថ្ងៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Sri Lanka
I support Mr.Pai that there is no law or regulations to define the level of knowledge and exact numbers of advisers needed for the Ministers or VIP's cabinet. But remeber, even if the law or regulation exist,will you guys think that Mr.Pai and his associates abide by or follow this? Furthermore,although you cannot compare Cambodia with other countries, you must learn or keep you eyes on many good leaders how to develop their countries and people successfully. Last but not least, even the unwell educated person knows the extent to which the term "Adviser" means and who would be suitable with this position. There are so many people who fit with this title, but they are never promoted as they do not know how to please and give you a big bride, like Mr. Sri Lanka. I do not think that I am as good as Mr. Pai and other corrupt advisers, but some tips for all leaders should have 'vision, tenacity, knowledge and skills'.
Jul 02, 2012 10:45 PM
ខ្មែរ
ពី ភ្នំពេញប្រជាពលរដ្ឋរកស៊ីទាំងលំបាកហើយក្រីក្រទៀតតែ ត្រូវរដ្ឋគៀបយកពន្ធ គ្រប់បែបយ៉ាង ប្រាក់បានមកពីការគៀបពន្ធបានច្រើនគួសមដែរ តែធ្វើម្តេចគ្រាន់បើទឹប្រឹក្សា និងមន្រ្តីរដ្ឋភិបាលសំពីងសំពោង ហែរហមអោយល្អមើល ការរីកចំរើនរបស់ប្រទេស ស្ទើរតែគ្មាន ប្រជារាស្រ្ត ប្រទេសជាតិមានបញ្ហាទឹកដី ក៏គ្មានតំណាងរាស្ត្រឬក៏ទីប្រក្សាទាំងនោះផ្តល់យោបល់ដែរ ដូចលោកសុខទូច និយាយត្រូវ ទីប្រក្សាអោយយោបល់មិនសូវមានទេមានតែទីប្រឹក្សាតាមហែហមចាំតែបើកប្រាក់ខែ និងយកអំណាចទៅធ្វើការរកស៊ីតែប៉ុណ្ណោះ។
Jun 30, 2012 04:52 AM
ខ្មែរ
ពី ភ្នំពេញនៅបរទេសប្រជាជនរាប់រយលាននាក់ គេមានទីប្រឹក្សា និងមន្រ្តីជាន់ខ្ពស់ ចង់តិចជាងស្រុកខ្មែរយើងផង បើគិតៗទៅគួរអោយខ្មាស់ប្រទេសគេដល់ហើយ ព្រោះមិនបាច់ប្រាប់ក៏គេដឹងពីសមត្ថភាព មន្រ្តីនិងថ្នាក់ដឹកនាំកំពូលៗរបស់ខ្មែរ សុទ្ធតែមហាព្រឹទ្ធិគតិបណ្ឌិត ដែលមិនបានចូលសាលា
Jun 30, 2012 03:37 AM
Ek Ort Dam Ar Kak Bun Dit
It is difficult for good-eye people act as blind, although see something bad, but can not say bad. My uncle in god (His Excellency) told me that he was bought by position, power and money to say only good things, then I asked how cheap he is? cheaper than a simple farmer who can do something for society? he answered no, he is admired and respected by farmers and most country people, although not by the educated people and those who the reality.
Jun 30, 2012 02:35 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
