សង្គម​ស៊ីវិល​៖ ក្រុមហ៊ុន​ឯកជន​​មាន​អំណាច​លើ​ប្រព័ន្ធ​តុលាការ

ក្រុម​អង្គការ​សិទ្ធិ​មនុស្ស​បាន​រិះគន់​ដល់​ប្រព័ន្ធ​តុលាការ​ក្នុង​ប្រទេស​កម្ពុជា ថា​បាន​ផ្ដល់​លទ្ធភាព​ឲ្យ​ក្រុមហ៊ុន​ឯកជន​មាន​ឥទ្ធិពល​មក​លើ​ខ្លួន​ក្នុង​បញ្ហា​ដីធ្លី តាម​រយៈ​ការ​ចេញ​ដីកា​ឃុំ​ខ្លួន​ក្រុម​សកម្មជន​ដែល​ហ៊ាន​ចេញ​មុខ​តវ៉ា។
ដោយ តាំង សារ៉ាដា
2013-02-17
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ក្រុម​អ្នក​បឹង​កក់ ត្រូវ​ប៉ូលិស​ឃាត់​មិន​ឲ្យ​ធ្វើ​ដំណើរ​ទៅ​ស្ដាប់​សវនាការ​សាលាឧទ្ធរណ៍​លើ​តំណាង​របស់​ខ្លួន នៅ​ផ្លូវ​ព្រះស៊ីសុវត្ថិ នៅ​ព្រឹក​ថ្ងៃ​២៧ មិថុនា ឆ្នាំ​២០១២។
ក្រុម​អ្នក​បឹង​កក់ ត្រូវ​ប៉ូលិស​ឃាត់​មិន​ឲ្យ​ធ្វើ​ដំណើរ​ទៅ​ស្ដាប់​សវនាការ​សាលាឧទ្ធរណ៍​លើ​តំណាង​របស់​ខ្លួន នៅ​ផ្លូវ​ព្រះស៊ីសុវត្ថិ នៅ​ព្រឹក​ថ្ងៃ​២៧ មិថុនា ឆ្នាំ​២០១២។
RFA/Den Ayuthyea

មន្ត្រី​អង្គការ​សិទ្ធិ​មនុស្ស​ឲ្យ​ដឹង​ថា ដីកា​ឃុំ​ខ្លួន គឺ​ជា​យុទ្ធសាស្ត្រ​មួយ​ថ្មី​របស់​តុលាការ​ដើម្បី​បង្ក្រាប​ពលរដ្ឋ​មិន​អោយ​ហ៊ាន​ក្រោក​តវ៉ា​នៅ​ពេល​ពួកគេ​មាន​ទំនាស់​ដីធ្លី​ជាមួយ​ក្រុម​អ្នក​មាន​អំណាច។

អង្គការ​ឃ្លាំមើល​សិទ្ធិ​មនុស្ស​ក្នុង​ស្រុក​មួយ​ឲ្យ​ដឹង​ថា កម្ពុជា​បាន​ប្រើប្រាស់​ប្រព័ន្ធ​តុលាការ​ដើម្បី​ចាប់​ខ្លួន​សកម្មជន​ដែល​តវ៉ា​ករណី​ជំលោះ​ដីធ្លី​ក្នុង​ឆ្នាំ​២០១២ មាន​ចំនួន​កើន​ឡើង​ទ្វេ​ដង។
របាយការណ៍​របស់​សមាគម​ការពារ​សិទ្ធិ​មនុស្ស​អាដហុក (Adhoc) ដែល​ចេញ​ផ្សាយ​កាល​ពី​ថ្ងៃ​ទី​១៤ ខែ​កុម្ភៈ កន្លង​ទៅ​នេះ បង្ហាញ​ថា គិត​ត្រឹម​ថ្ងៃ​ទី​៣១ ខែ​ធ្នូ ឆ្នាំ​២០១២ យ៉ាង​ហោច​ណាស់​មាន​មនុស្ស ៣៨​នាក់ កំពុង​ស្ថិត​ក្នុង​ពន្ធនាគារ ៥០​នាក់​ផ្សេង​ទៀត​កំពុង​រត់​ភៀស​ខ្លួន ហើយ​មនុស្ស​ប្រមាណ ១៥០​នាក់ ក្នុង​ទីក្រុង​ភ្នំពេញ បាន​រង​ការ​គំរាម​កំហែង​ឲ្យ​រើ​ចេញ​ពី​លំនៅឋាន​របស់​ពួក​គេ។

មន្ត្រី​ផ្នែក​ស៊ើប​អង្កេត​របស់​សមាគម​អាដហុក លោក នី ចរិយា អះអាង​ថា តុលាការ​អាច​ដោះលែង​ក្រុម​សកម្មជន​ដីធ្លី​ទាំង​អស់​នោះ​បាន​នៅ​ពេល​ណា​ពួក​គេ​យល់​ព្រម​ជា​លាយលក្ខណ៍​អក្សរ ឈប់​ប្តឹង​ក្រុមហ៊ុន​ដែល​ជាប់​ពាក់ព័ន្ធ​នឹង​ទំនាស់​ដីធ្លី​ទាំង​នោះ។

លោក នី ចរិយា៖ «និយាយ​ទៅ​គ្រាន់​តែ​ជា​ការ​ឃុំ​ដូច​ធម្មតា​ដែរ​ទេ ប៉ុន្តែ​គ្រាន់​តែ​មាន​លក្ខខណ្ឌ​មួយ​ជាមួយ​តុលាការ​ដែល​ភាគ​ច្រើន​គេ​តែង​និយាយ​ថា ប្រសិន​បើ​ឈប់​ដឹក​នាំ​ប្ដឹង​អី​នោះ ក្រុមហ៊ុន​នឹង​ដក​ពាក្យ​ឈប់​ប្ដឹង​អី​អ៊ីចឹង​ទៅ»

លោក​បន្ត​ថា ក្រុមហ៊ុន​ឯកជន​នៅ​កម្ពុជា ភាគ​ច្រើន​បាន​ប្ដូរ​យុទ្ធសាស្ត្រ​ពី​ការ​ប្រើប្រាស់​កង​កម្លាំង​ប្រដាប់​អាវុធ​ដេញ​ពលរដ្ឋ​ចេញ​ពី​លំនៅឋាន​ទៅ​ជា​ការ​ប្រើ​ឥទ្ធិពល​លើ​ប្រព័ន្ធ​តុលាការ ដើម្បី​ចាប់​ក្រុម​តំណាង​សហគមន៍​ដែល​ហ៊ាន​ចេញ​មុខ​តវ៉ា​ជាមួយ​ក្រុមហ៊ុន​ដាក់​ពន្ធនាគារ​ទៅ​វិញ។

ក្រុមហ៊ុន​ភាគ​ច្រើន​ទទួល​ដី​សម្បទាន​សេដ្ឋកិច្ច​ពី​រដ្ឋាភិបាល បាន​រំលោភ​លើ​កិច្ច​សន្យា​ដែល​បាន​ចុះ​ជាមួយ​រដ្ឋាភិបាល។

លោក នី ចរិយា មាន​ប្រសាសន៍​ថា សមាគម​អាដហុក បាន​ជំរុញ​ឲ្យ​រដ្ឋាភិបាល​លប់​កិច្ចសន្យា​ជាមួយ​ក្រុមហ៊ុន​វៀតណាម ឈ្មោះ ដាយ ដុងយឿង ដោយសារ​ក្រុមហ៊ុន​បំផ្លាញ​បរិស្ថាន​ធ្ងន់ធ្ងរ​ក្នុង​ខេត្ត​រតនគិរី៖ «ថ្មីៗ​នេះ​អាដហុក​យើង​បាន​ចេញ​សេចក្ដី​ថ្លែងការណ៍ និង​បាន​ស្នើ​ទៅ​រដ្ឋាភិបាល​ឲ្យ​លប់​កិច្ចសន្យា​ជាមួយ​ក្រុមហ៊ុន​សម្បទាន​មួយ​ក្នុង​ខេត្ត​រតនគិរី គឺ​ក្រុមហ៊ុន ដាយ ដុងយឿង ដោយសារ​ក្រុមហ៊ុន​នោះ​បាន​អនុវត្ត​ផ្ទុយ​ពី​កិច្ចសន្យា។ កិច្ចសន្យា​បាន​សរសេរ​ថា ក្រុមហ៊ុន​មិន​ត្រូវ​ធ្វើ​សកម្មភាព​អភិវឌ្ឍន៍​ណា​មួយ​ដែល​ធ្វើ​ឲ្យ​ប៉ះពាល់​ដល់​ធនធាន​ធម្មជាតិ ឬ​បរិស្ថាន​អី​ជាដើម ហើយ​ក្រុមហ៊ុន​ណា​ដែល​ធ្វើ​ប៉ះពាល់​ដូច្នេះ​ត្រូវ​តែ​លប់​កិច្ចសន្យា​ចោល»

អង្គការ​អាដហុក បាន​រក​ឃើញ​ថា នៅ​ឆ្នាំ​២០១២ រដ្ឋាភិបាល​បាន​ផ្តល់ ឬ​បម្រុង​ដី​ជាង ២,៦​លាន​ហិកតារ​ឲ្យ​ក្រុមហ៊ុន​ឯកជន ក្រោម​ផ្លាក​ដី​សម្បទាន​ដី​សេដ្ឋកិច្ច។ ចំនួន​នេះ​កើន​ឡើង​ជាង​ឆ្នាំ​២០១១ ដែល​ពេល​នោះ​មាន​ត្រឹមតែ​ជាង ២,២លាន​ហិកតារ (២.២៧៦.៣៤៩) ប៉ុណ្ណោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

CPP is the strong party, but it is the poorest and worse leader in the world

Sep 14, 2013 10:04 AM

អ្នក​អាន​អនាមិក

នេះហើយរបបខ្មែរក្រហមប្រល័យពូជសាសន៍ទី២ដែល
បន្តុបដោយបនបិសាចហាណូយ ពួកក្រុមវា គ្មានបំណង
បើកប្រាក់ខែឱ្យកម្មករកម្មការីនីយើងទេ។

Jun 04, 2013 12:44 PM

អ្នក​អាន​អនាមិក

Land concession is the selling land to other countries. If CPP won the election one more mandate, We will lost our country and nation to Vietnam.

Apr 27, 2013 09:48 PM

គេហទំព័រ​ទាំងមូល