គ្រូបងៀននិងសិស្សជួបគ្នាស្វែងយល់ពីដំណើរការកាត់ក្តីអតីតមេខ្មែរក្រហម
ដោយ ឡេង ម៉ាលី
2009-10-28
គ្រូបង្រៀននិងសិស្សានុសិស្សប្រមាណ៤ពាន់នាក់ បានជួបជុំគ្នានៅឯវិទ្យាល័យហ៊ុន សែន តាខ្មៅនៅព្រឹកថ្ងៃទី២៨ ខែតុលា ដើម្បីស្វែងយល់ពីដំណើរការកាត់ក្តីអតីតមេដឹកនាំខ្មែរក្រហម។
២៨-តុលា-២០០៩: លោក រាជ សម្បត្តិ មន្រ្តីនៃសាលាក្ដីខ្មែរក្រហមកំពុងជួបពន្យល់សិស្សានុសិស្សពីដំណើរការនៃសាលាក្ដីនេះនៅវិទ្យាល័យហ៊ុន សែន តាខ្មៅ នាខេត្តកណ្ដាល។
សិស្សសាលានៅជាយក្រុងភ្នំពេញ បានលើកសំណួរចំពោះមន្ត្រីសាលាក្តីខ្មែរក្រហម អំពីពេលវេលាដំណើរការសាលាក្តីខ្មែរក្រហមនិងចង់ដឹងថា តើការកាត់ក្តីនោះអាចពន្យារដល់ពេលណា?
លោក រាជ សម្បត្តិ មន្ត្រីទំនាក់ទំនងសាធារណៈរបស់សាលាក្តីបានមានប្រសាសន៍ថា ការកាត់ក្តីនោះអាចចប់ទាំងអស់នៅឆ្នាំ២០១២ ឬ ២០១៣។
ការថ្លែងឲ្យដឹងនេះ ត្រូវបានធ្វើឡើងដោយប្រធានផ្នែកកិច្ចការសាធារណៈ គឺលោក រាជ សម្បត្តិ ក្នុងជំនួបជាមួយគ្រូបង្រៀននិងសិស្សសាលា នៅឯវិទ្យាល័យហ៊ុន សែន តាខ្មៅ កាលពីព្រឹកថ្ងៃទី២៨ តុលា ឆ្នាំ២០០៩។
លោក រាជ សម្បត្តិ បានថ្លែងដូច្នេះ ៖ «គឺឥឡូវនេះសំណុំរឿង០០២ គេនឹងបញ្ជូនរឿងទៅជំនុំជម្រះក្ដីនៅខែ១២ ខាងមុខនេះ»។
លោក រាជ សម្បត្តិ មានប្រសាសន៍បន្តថា សំណុំរឿងក្តីឧក្រិដ្ឋកម្មលេខ០០២ ដែលមានអតីតមេដឹកនាំខ្មែរក្រហមខ្ពស់បំផុតចំនួន៤រូប គឺលោក ខៀវ សំផន, នួន ជា, អៀង សារី និងលោកស្រី អៀង ធីរិទ្ធ នឹងត្រូវតុលាការជំនុំជម្រះនៅឆ្នាំ២០១០ ក៏ប៉ុន្តែលោកមិនទាន់អាចបញ្ជាក់អំពីពេលវេលាជាក់លាក់ណាមួយនៅឡើយទេ។
ទាក់ទងជាមួយពេលវេលាកាត់ក្តីនេះ លោក រាជ សម្បត្តិ ប្រធានកិច្ចការសាធារណៈនៃសាលាក្តីខ្មែរក្រហមឆ្លើយតបថា ៖ «យើងអត់ពន្យារទេ ប៉ុន្តែគេត្រូវធ្វើតាមរបៀប។ បើកាលណាគេធ្វើលឿនពេក ប្អូនថា ធ្វើអីលឿនម៉្លេះ? យើងគិតថា ប្រហែលជា២០១២ ឬ ២០១៣យ៉ាងយូរ នឹងចប់ការកាត់ក្តីទាំងអស់ លែងមានហើយ»។
ក្នុងជំនួបជាមួយគ្រូបង្រៀននិងសិស្សសាលាប្រមាណ៤ពាន់នាក់ នៅឯវិទ្យាល័យហ៊ុន សែន តាខ្មៅកាលពីព្រឹកថ្ងៃទី២៨ តុលា ឆ្នាំ២០០៩ ដើម្បីផ្សព្វផ្សាយអំពីសាលាក្តីខ្មែរក្រហម ត្រូវគ្រូបង្រៀនមួយរូប គឺលោក ហែម សុខល័ក្ខ ចាប់អារម្មណ៍ថា ជាការផ្សព្វផ្សាយដើម្បីបន្ថយទុក្ខសោកខ្លះ។
លោក ហែម សុខល័ក្ខ មានប្រសាសន៍ដូច្នេះ ៖ «យើងឃើញថា ខាងតំណាងសាលាក្ដីគេអញ្ជើញមកនេះ គេមានធ្វើបទសម្ភាសន៍ ឬក៏សួរសំណួរចម្លើយជាមួយសិស្សសាលាខ្ញុំហ្នឹង ធ្វើឲ្យទុក្ខលំបាកទាំងប៉ុន្មានដែលធ្លាប់តែកើតមានលើឪពុកម្ដាយ ជីដូនជីតារបស់សិស្សយើងខ្ញុំហ្នឹង ក៏ដូចជាខ្ញុំផងដែរ ត្រូវបានរសាយមួយចំនួនធំ»។
ជាមួយគ្នានេះដែរមន្ត្រីសម្របសម្រួលការផ្សព្វផ្សាយនៃអង្គភាពគាំទ្រជនរងគ្រោះ នៅសាលាក្តីខ្មែរក្រហម លោក នៅ កាស៊ី ថ្លែងថា ឆ្លុះបញ្ចាំងតាមការសួរដេញដោលផុលផុសពីយុវសិស្ស គឺជាការបង្ហាញនូវការចាប់អារម្មណ៍ខ្លាំងចំពោះសាលាក្តីខ្មែរក្រហមពីសំណាក់ពលរដ្ឋ។
សាលាក្តីខ្មែរក្រហមគ្រោងនឹងបិទសំណុំរឿងលេខ០០១ របស់ជនជាប់ចោទ កាំង ហ្កេកអ៊ាវ ហៅ ឌុច ចុងឆ្នាំ២០០៩នេះ៕
អត្ថបទដែលទាក់ទង
- សង្គមស៊ីវិលផ្សព្វផ្សាយការយល់ដឹងពីសាលាក្ដីខ្មែរក្រហមនៅស្វាយរៀង
- មន្រ្តីនៃសាលាក្ដីខ្មែរក្រហមអំពាវនាវឲ្យជនរងគ្រោះដាក់ពាក្យបណ្ដឹងឲ្យបានឆាប់
- គ្រូបងៀននិងសិស្សជួបគ្នាស្វែងយល់ពីដំណើរការកាត់ក្តីអតីតមេខ្មែរក្រហម
- ចៅក្រមអន្តរជាតិមួយរូបនៃសាលាក្តីខ្មែរក្រហមរងការទាមទារឲ្យដកចេញ
- ហ៊ុន សែន ប្រតិកម្មនឹងការកោះហៅមន្ត្រីរដ្ឋាភិបាលទៅធ្វើជាសាក្សី
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Not just all the Khmer people who have alived want to see Khmer leaders being put on trial, but the souls of Khmer people who had died during Pol Pot regime are waiting to see this too. The Killing Field is the secrete plan from another country or countries. We want to know whose country have planned those brutality actions in Cambodia? Only Kmer Rouge leaders can reveal this secret.
2009-10-30 16:07
when someone is brought to justice,the purpose of court hearing or tribunal is to seek the punishment of the criminal accordingly to the crime that he or she committed in order to discourage other individuals from committing crime.About Khmer Rouge tribunal,how do Cambodian people discourage the criminal from killing innocent person?
2009-10-29 22:12
2012-2013 ? that's a funny political game.
2009-10-29 10:44
ប្រជាពលរដ្ឋខ្មែរបានស្លាប់រាប់លាននាក់ដោយសារខ្មែរក្រហមសម្លាប់រហូតដល់ពេលនេះប្រជាពលរដ្ឋខ្មែរក៍រងគ្រោះដោយសារបានការកាប់សម្លាប់ជាបន្តបន្ទាប់ជារៀងរហួតមក
2009-10-29 00:57
មើលមតិទាំងអស់.