នាយករដ្ឋមន្ត្រីចុះចែកប័ណ្ណកម្មសិទ្ធិដីធ្លីជូនពលរដ្ឋនៅបាត់ដំបង
ការថ្លែងបញ្ជាក់នេះ បានធ្វើឡើងនៅក្នុងពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋជាច្រើនរយគ្រួសារ កាលពីថ្ងៃអាទិត្យ ទី៣០ ខែកញ្ញា នៅតំបន់មានជម្លោះដីធ្លីដ៏រ៉ាំរ៉ៃមួយ ស្ថិតក្នុងភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង។
នៅចំពោះមុខក្រុមនិស្សិតស្ម័គ្រចិត្ត និងប្រជាពលរដ្ឋជាច្រើនរយនាក់ លោកនាយករដ្ឋមន្ត្រី ហ៊ុន សែន ថ្លែងថា រដ្ឋាភិបាលនឹងចុះផ្ដល់ប័ណ្ណកម្មសិទ្ធិដីជូនប្រជាពលរដ្ឋរាប់ម៉ឺនគ្រួសារនៅពេលខាងមុខទៅកាន់ខេត្តជាច្រើនទៀត នៅក្នុងប្រទេសកម្ពុជា។ ការផ្ដល់ប័ណ្ណកម្មសិទ្ធិដីជូនប្រជាពលរដ្ឋនេះ នឹងធ្វើឲ្យកំណើនសេដ្ឋកិច្ចហក់ឡើង ជួយកាត់បន្ថយភាពក្រីក្ររបស់ប្រជាពលរដ្ឋ។
រយៈកាលចុងក្រោយនេះ រដ្ឋាភិបាលបានងាកទៅតំបន់ជនបទ ដើម្បីរកការផ្ដល់ភាពស្របច្បាប់សម្រាប់ប្រជាពលរដ្ឋដែលពុំមានដីធ្លី ហើយទៅតាំងទីលំនៅថ្មី និងជាវិធានការមួយដើម្បីពង្រឹងសុវត្ថិភាពនៃការកាន់កាប់ដីធ្លី ជំរុញការបង្កបង្កើនផល កាត់បន្ថយភាពក្រីក្រ និងដោះស្រាយបញ្ហាកុំឲ្យមានជម្លោះរវាងប្រជាជន និងប្រជាជន ប្រជាជនជាមួយក្រុមហ៊ុនសម្បទានសេដ្ឋកិច្ច។
លោក ហ៊ុន សែន៖ «ពូ មីង ពុក ម៉ែ យាយ តា ដែលបានទទួលកម្មសិទ្ធិនេះរួចហើយ ការដាំដុះរបស់គាត់នឹងស្ទុះឡើងរហ័ស អត្រានៃភាពក្រីក្រធ្លាក់ចុះរហ័ស កំណើនជីវភាពរបស់ប្រជាពលរដ្ឋកើនឡើង។ អ៊ីចឹងទេដីនេះ បើយើងប្រើប្រាស់អស់សក្ដានុពលវា សេដ្ឋកិច្ចជនបទចេញពីវិស័យកសិកម្មធំណាស់»។
ការចុះចែកប័ណ្ណកម្មសិទ្ធិដីជូនប្រជាពលរដ្ឋនៅក្នុងខេត្តបាត់ដំបង គឺលោកនាយករដ្ឋមន្ត្រីបានធ្វើឡើងបន្ទាប់ពីបានចុះចែកនៅស្រុកស្នូល ខេត្តក្រចេះ កាលពីថ្ងៃទី២១ ខែកញ្ញា ក្រោយពីគណៈកម្មការគ្រប់គ្រងដីរដ្ឋ និងក្រុមនិស្សិតស្ម័គ្រចិត្តរបស់រដ្ឋាភិបាលបានចុះវាស់វែងបំពេញសំណុំបែបបទរួចមក។
លោក ប្រាជ្ញ ច័ន្ទ ជាអភិបាលខេត្តបាត់ដំបង បានថ្លែងថា គណៈកម្មការគ្រប់គ្រងដីរដ្ឋបានរៀបចំដីដែលត្រូវធ្វើប្រទានកម្មរួចរាល់នៅមុនខែមិថុនា។ គិតត្រឹមថ្ងៃទី២៩ ខែកញ្ញា សម្រេចបានលទ្ធផល ប្រកាសតំបន់វិនិច្ឆ័យ ១៦ទីតាំង។
លោក ប្រាជ្ញ ច័ន្ទ៖ «បំពេញសលាកបត្រ ១៩.៧៧៥ក្បាលដី បញ្ចូលឈ្មោះក្នុងសម្រង់បញ្ជីឈ្មោះបាន ១៩.៣៩៣ក្បាលដី ចំនួនគ្រួសារមានក្បាលដី ១៣.៧៨៣គ្រួសារ វាស់វែងបាន ២១.៥៨៣ក្បាលដី គូសក្បាលដីបាន ២០.៨១៦ក្បាលដី ស្មើនឹង ៣៣.០៣៤ហិកតារ និងបំពេញបែបបទទិន្នន័យក្បាលដីបាន ១៩.៧៤៥ច្បាប់»។
ក្រៅពីនេះ ក្រុមការងារបានបិទផ្សាយជាសាធារណៈនូវឯកសារនៃការវិនិច្ឆ័យបាន ១២ភូមិ នៃ ៨ឃុំ ស្មើនឹង ៧.៦៨៤ក្បាលដី និងចែកប័ណ្ណកម្មសិទ្ធិជូនប្រជាពលរដ្ឋបានបួនទីតាំង ស្នើនឹង ១.៥៩៤គ្រួសារ ស្មើប័ណ្ណកម្មសិទ្ធិចំនួន ២.១៧៣ប័ណ្ណ ដែលមានផ្ទៃដី ១.៣០៥ហិកតារ។
លោកនាយករដ្ឋមន្ត្រី ហ៊ុន សែន បានបញ្ជាក់ថា យុទ្ធសាស្ត្ររបស់រដ្ឋាភិបាលក្នុងការផ្ដល់ប័ណ្ណកម្មសិទ្ធិនៅពេលនេះ នឹងធ្វើឲ្យកំណើនសេដ្ឋកិច្ចហក់ឡើង។ រដ្ឋាភិបាលបានធ្វើកម្មសិទ្ធិ ឬហៅថា ការចុះបញ្ជីដីធ្លីជាប្រព័ន្ធនៅទូទាំងប្រទេសបាន ២,៦លានក្បាលដី។
លោក ហ៊ុន សែន៖ «នៅខាងក្នុងទើបធ្វើបាន ២,៦លានក្បាលដីទេ ប៉ុន្តែត្រូវដកកម្លាំងមកធ្វើដើម្បីជូនប្រជាពលរដ្ឋនៅឯជនបទមុន ដើម្បីចៀសវាងកុំឲ្យប្រជាពលរដ្ឋមានការសង្ស័យ ព្រោះការសង្ស័យបាត់បង់ការទុកចិត្តនេះ ធ្វើឲ្យល្បឿននៃការបង្កបង្កើនផលជួបការលំបាក មិនដឹងថា ដីហ្នឹងគេយកវិញ ឬយ៉ាងម៉េច? អ៊ីចឹងយើងមានការចាំបាច់ជំរុញជនបទមុន អ្នកនៅខាងក្នុងរង់ចាំតាមក្រោយ»។
ការមានជំនឿថា សេដ្ឋកិច្ចខាងវិស័យកសិកម្មនឹងមានការហក់ឡើងនេះ លោកនាយករដ្ឋមន្ត្រីក៏បានប្រកាសប្រាប់ឲ្យក្រសួងធនធានទឹក ត្រូវចាប់ផ្ដើមរៀបចំប្រព័ន្ធប្រឡាយទឹក ដើម្បីផ្ដល់ទឹកឲ្យប្រជាពលរដ្ឋមានគ្រប់គ្រាន់ សម្រាប់ការបង្កបង្កើនផលនៅតំបន់ ដែលបានចែកប័ណ្ណកម្មសិទ្ធិដីស្របច្បាប់។
ក្រៅពីនេះ រដ្ឋាភិបាលមានគម្រោងរៀបចំផ្លូវលំក្រាលក្រួសក្រហម ទៅជាផ្លូវចាក់កៅស៊ូវិញ ដោយនៅក្នុងដំណាក់កាលទី១ កំពុងអនុវត្តមានប្រវែង ៥០៥គីឡូម៉ែត្រ និងដំណាក់កាលទី២ នឹងមានប្រវែង ១.៣០០គីឡូម៉ែត្រ។
លោកនាយករដ្ឋមន្ត្រី ហ៊ុន សែន បញ្ជាក់ថា បើការធ្វើកសិកម្មកើនឡើង ហើយអត់មានប្រព័ន្ធផ្លូវដឹកជញ្ជូននោះ ក៏មិនអាចរីកចំរើនដែរ ដូច្នេះលោកបានទៅពឹងពាក់ចិន ឲ្យជួយធ្វើផ្លូវបន្ថែមទៀត៖ «ហើយពេលទៅស្រុកចិន កន្លងទៅ ចេញពីប្រទេសអ៊ីរ៉ង់ មកស្រុកចិននេះ ខ្ញុំបានស្នើសុំឲ្យចិន គាំទ្រផ្លូវលំចាក់កៅស៊ូចំនួន ៤០០គីឡូក្នុងមួយឆ្នាំទៀត បូកបន្ថែមថវិកាជាតិរបស់យើង ហិរញ្ញប្បទានបញ្ចេញទៅជារៀងរាល់ឆ្នាំ។ ខ្ញុំបានស្នើចិន ក្នុង១ឆ្នាំ ៤០០គីឡូ អ៊ីចឹង ១០ បាន ៤ពាន់គីឡូម៉ែត្រដែរ ព្រោះអាហ្នឹងវាធ្វើឲ្យសេដ្ឋកិច្ចជនបទរីកខ្លាំង បើធ្វើហើយមិនដឹងដឹកទៅណា ក៏មិនកើតដែរ អ៊ីចឹងយើងត្រូវការវិនិយោគបន្ថែម»។
រដ្ឋាភិបាលកំពុងអនុវត្តការចែកប័ណ្ណកម្មសិទ្ធិជូនប្រជាពលរដ្ឋនៅលើផ្ទៃដីទំហំ ១.៨២៧.០០០ មានគ្រួសារ ៤៧៨.០០០ មានទំហំដីប្រហែល ៧០ម៉ឺនក្បាលដី។ សកម្មភាពនេះបានធ្វើនៅលើ ១៨៣ឃុំ នៅតាមបណ្ដាលខេត្តនានា។
លោកនាយករដ្ឋមន្ត្រី ហ៊ុន សែន បានអះអាងបញ្ជាក់ថា លោកនឹងធ្វើដំណើរចុះទៅចែកប័ណ្ណកម្មសិទ្ធិជូនប្រជាពលរដ្ឋនៅខេត្តពោធិ៍សាត់ នៅថ្ងៃទី១ ខែតុលា បន្ទាប់មកទៅខេត្តស្វាយរៀង ខេត្តបន្ទាយមានជ័យ ខេត្តកំពត ខេត្តកំពង់ចាម ខេត្តតាកែវ និងខេត្តកំពង់ឆ្នាំង ចុងក្រោយគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
Be dumb and pretend to be dumb is the Khmer survival skill.When Hun Sen distribute the land titles,Khmer do not see the organized evil acts of CPP, they will cast their vote for CPP. So Hun Sen continues to govern forever."Sleep to die"
Oct 01, 2012 09:47 AM
អ្នកអានអនាមិក
ការផ្តល់ដីកម្មសិទ្ធិ គីយឺតយាវមែនទែន ទាល់តែប្រជាពលរដ្ឋរងការបំពានអស់ចិត្តទើបបាននឹកឃើញ។ ហេតុអ្វី លោក ហុន សែន មានពេលទំនេរម្លេះ ដើចែកផ្លង់ដល់ប្រជាពលរដ្ឋ ? ការងារត្រឹមតែប្រគល់ប្លង ថ្នាក់មូលដ្ឋានអាចធ្វើបាន មិនបាច់មកដោយខ្លួនឯងទេ ប្រហែលជាមិនចេះប្រើកូនចៅហើយមើលទៅ។
Oct 01, 2012 07:11 AM
Peuv
If Hun Sen is responsible for handing out land titles to people, he should step down and work as a clerk at Ministry of Planning. That is simple. That the reason why Cambodia is still one of the poorest countries in the world. The ignorance of Hun Sen costs Khmers millions of dollars each year.
Oct 01, 2012 12:15 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
