នាយករដ្ឋមន្ត្រីជំរុញឲ្យថ្នាក់ដឹកនាំក្នុងតំបន់អាស៊ានបន្តលើកកម្ពស់សិទ្ធិពលករ
h102512zr.mp3
លោកនាយករដ្ឋមន្ត្រី ហ៊ុន សែន បានថ្លែងដូច្នេះនៅក្នុងពិធីបើកកិច្ចប្រជុំលើកទី៨ នៃក្រុមប្រឹក្សាសហគមន៍សង្គម និងវប្បធម៌ ដែលមានតំណាងប្រទេសចំនួន១០ ក្នុងតំបន់អាស៊ាន មកចូលរួម នៅឯវិមានសន្តិភាព ទីក្រុងភ្នំពេញ។
លោក ហ៊ុន សែន បានអះអាងថា ការពារសិទ្ធិពលករជាជាងការចាំបាច់ដែលថ្នាក់ដឹកនាំប្រទេសតំបន់អាស៊ាន ទាំងអស់ ត្រូវរៀបចំដំណើរការនានា សម្រាប់ការពារកម្មករអាស៊ាន ដោយសារនៅក្នុងឆ្នាំ២០១៥ រំពឹងថា នឹងមានលំហូរសេរីកម្មករពីកន្លែងមួយទៅកន្លែងមួយ៖ «ជារួម ការការពារ និងជំរុញសិទ្ធិពលករទេសន្តរប្រវេសន៍ គឺជាបញ្ហាដ៏សំខាន់។ ដូច្នេះ ការអូសបន្លាយក្នុងការរៀបចំលិខិតតូបករណ៍ ដោយសារមានរបាំងច្បាប់ក្នុងបណ្ដាប្រទេសមួយចំនួន គឺជាផលវិបាកមួយចំពោះកាលបរិច្ឆេទនៃការរៀបចំសហគមន៍ឤស៊ាន នៅឆ្នាំ២០១៥ ខាងមុខនេះ»។
ទាក់ទងទៅនឹងបញ្ហានេះ ប្រធានអង្គការខារាមកម្ពុជា (CARAM) លោក យ៉ា ណាវុធ មានប្រសាសន៍ថា ក្នុងឋានរដ្ឋាភិបាលកម្ពុជា ជាប្រធានអាស៊ាន រដ្ឋាភិបាលគួរតែជំរុញធ្វើយ៉ាងណា ឲ្យប្រទេសជាសមាជិកគាំទ្រ និងអនុម័តលិខិតតូបករណ៍ ស្ដីពីការការពារពលករអាស៊ាន នៅមុនពេលប្រទេសក្នុងតំបន់ ធ្វើសមាហរណកម្មសេដ្ឋកិច្ចនៅឆ្នាំ២០១៥៖ «អាស៊ាន បើសិនជាអាចអនុម័តលិខិតតូបករណ៍នៅមុនឆ្នាំ២០១៥ បានជាការល្អ ពីព្រោះវាជួយក្នុងការការពារសិទ្ធិពលករចំណាកស្រុក វាមានលក្ខណៈផ្លូវច្បាប់ គឺច្បាប់អន្តរជាតិ។ អីចឹង បើប្រទេសក្នុងតំបន់អាស៊ាន ត្រូវច្បាប់ ត្រូវស្របទៅនឹងលិខិតតូបករណ៍ ស្ដីពីពលករចំណាកស្រុកហ្នឹង»។
លោក យ៉ា ណាវុធ បានពន្យល់ទៀតថា លិខិតតូបករណ៍អាស៊ាន នេះ គេបានដាក់ទៅថ្នាក់ដឹកនាំជាន់ខ្ពស់អាស៊ាន នៅប្រទេសឡាវ តាំងពីឆ្នាំ២០០៩ មក ប៉ុន្តែអាស៊ាន មិនទាន់អនុម័តបាននៅឡើយ ដោយសារតែប្រទេសអ្នកទទួលពលករ និងប្រទេសអ្នកបញ្ជូនពលករ មិនទាន់ឯកភាពគ្នាទៅលើករណីមួយចំនួន៖ «គឺថា ប្រទេសបញ្ជូន លោកចង់ឲ្យគ្របដណ្ដប់ទៅលើក្រុមគ្រួសារពលករ និងពលករស្របច្បាប់ និងមិនស្របច្បាប់ រីឯប្រទេសទទួល គេមិនចង់ធ្វើអីចឹងទេ គេចង់ការពារតែពលករមានឯកសារតែប៉ុណ្ណោះ»។
លោក យ៉ា ណាវុធ បានបង្ហាញរបាយការណ៍ថា ពលករចំណាកស្រុកកម្ពុជា ទៅប្រទេសថៃ ទាំងពលករស្របច្បាប់ និងមិនស្របច្បាប់ មានប្រមាណជាង ៣សែននាក់។ នៅម៉ាឡេស៊ី មានជាង ៥ម៉ឺននាក់ ទាំងពលករស្របច្បាប់ និងមិនស្របច្បាប់។ ដោយឡែកពលករទៅប្រទេសកូរ៉េ ស្របច្បាប់ មានជាង ១ម៉ឺន ៧ពាន់នាក់។
ឯកសារស្រាវជ្រាវរបស់វិទ្យាស្ថានបណ្ដុះបណ្ដាល និងស្រាវជ្រាវដើម្បីអភិវឌ្ឍន៍កម្ពុជា (CDRI) បានសរសេរថា ជនចំណាកស្រុកភាគច្រើន ជាក្រុមយុវជន។ យុវជនចំណាកស្រុកជិតពាក់កណ្ដាល បានសម្រេចចិត្តធ្វើចំណាកស្រុក ពីព្រោះគ្មានការងារធ្វើឲ្យបានពេញមួយឆ្នាំនៅក្នុងភូមិ ដែលជាកត្តារុញច្រានដ៏ចម្បងមួយ ប៉ុន្តែក៏ស្របបំណងរបស់យុវជនដែលចង់ចាកចេញពីការងារជាប្រពៃណី ដូចជាស្រែចម្ការ និងនេសាទ ទៅរកការងារមានកម្រៃពេញមួយឆ្នាំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Khmer
ពី City Mallប្រទេសក្នុងតំបន់អាស៊ានគេគោរព សិទ្ធពលរដ្ឋបានល្អជាង ពាក្យ ហ៊ុន សែនកំពុងផ្តល់គំនិតអោយគេទៀត ។ ដោយឡែកការគោរពសិទ្ធពលរដ្ឋរបស់ប្រទេសខ្មែរនៅឈរលេខរៀងទីប៉ុន្មាន? លោក ហ៊ុន សែនមានដែរដឹងទេ ??? តើលោកហ៊ុន សែន និងមានបានបញ្ចូនមន្រ្តី សិក្សារស្រាវជ្រាវនិងគេអត់ អោយតែគេបញ្ចេញរបាយការណ៏មកថា ទទូលយកមិនបាន ដល់ខ្លួនវិញដូចមិនដែរបានចុះសិក្សាស្រាវជ្រាវនិងគេសោះ។ បើថារបាយការណ៏គេទទូលមិនបាន គួរតែមានរបាយការណ៏របស់ខ្លួនផងដែរ ។
Oct 26, 2012 06:40 AM
អ្នកអានអនាមិក
MR HUN SEN SHOULD CHANGE YOUR POLICY OF DESTROYING YOURSELF AND MORE INPORTANTLY THE IMAGE OF CAMBODIA AS A WHOLE IN INTERNATIONAL STAGE. WHY TRY TO BE A STRONG MAN WITH ALOT OF HATRED AND DISRESPECT OF PEOPLE IN AND OUTSIDE THE COUNTRY. MR HUN SEN IS A DOCTORATE, HIS WIFE ALSO IS AND HIS CHILDREN ALMOST ALL ARE AS WELL. AND THE WORDS FROM HIM WORST THAN UNEDUCATED PERSON, WHY? PLEASE, IF YOU DEGRADE YOURSELF, DON'T BRING THE WHOLE COUNTRY DOWN WITH YOU. OR YOU GOT A BIG WITH ONLY YOUR OWN PEOLE?
Oct 25, 2012 10:22 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
