ឪពុកបង្កើតត្រូវសមត្ថកិច្ចចាប់ខ្លួនសង្ស័យថាជាឃាតករសម្លាប់កូនខ្លួនឯងនៅកំពត
h081612cp2.mp3
មន្ត្រីការិយាល័យនគរបាលព្រហ្មទណ្ឌកម្រិតធ្ងន់ខេត្តកំពត ឲ្យដឹងនៅថ្ងៃទី១៦ សីហា ថា សមត្ថកិច្ចបានចាប់ខ្លួនជនសង្ស័យឈ្មោះ លោក កឹម វិត អាយុខ្ទង់៥០ឆ្នាំ ដែលត្រូវជាឪពុកបង្កើតរបស់ក្មេងប្រុសរងគ្រោះ និងបានបញ្ជូនខ្លួនដល់ការិយាល័យព្រហ្មទណ្ឌខេត្តហើយ។ តែនគរបាលរូបនោះ បញ្ជាក់ថា សមត្ថកិច្ចមិនទាន់អាចប្រាប់ពីមូលហេតុច្បាស់លាស់នៅឡើយ ព្រោះសមត្ថកិច្ចជំនាញកំពុងស៊ើបអង្កេតបន្ថែម៖ «យើងមិនទាន់ដឹងយ៉ាងម៉េចទេ ប៉ុន្តែឥឡូវយើងកំពុងសាកសួរគាត់ យើងមិនទាន់ចោទប្រកាន់គាត់ទេ។ ប៉ុន្តែឥឡូវយើងកំពុងសាកសួរ និងរកភស្តុតាង តើភស្តុតាងអ្វីដែលធ្វើឲ្យយើងសង្ស័យថា គាត់ប្រព្រឹត្តបទល្មើស? យើងមាន យើងមាន ប៉ុន្តែយើងមិនទាន់អាចប្រាប់បានទេ ព្រោះខ្ញុំស្ថិតក្នុងដំណាក់កាលស៊ើបអង្កេត តែខ្ញុំមិនអាចជម្រាបជូនបាន ចាំខ្ញុំវែករកឃើញច្បាស់ហើយ ចាំខ្ញុំប្រាប់»។
ស្រដៀងគ្នានេះ សមាជិកក្រុមប្រឹក្សាឃុំតាកែន ស្រុកឈូក លោក នូ ប៉ាវ អះអាងថា គ្មានអ្នកជិតខាងណាម្នាក់អាចបញ្ជាក់ពីមូលហេតុដែលជនសង្ស័យជាឪពុកបង្កើត សម្លាប់កូនខ្លួនឯងនោះទេ មកទល់ថ្ងៃទី១៦ សីហា។ តែលោកលើកឡើងបន្ថែមថា បើតាមការអះអាងរបស់អ្នកជិតខាងនៃគ្រួសារនេះនិយាយថា ប្ដីប្រពន្ធគ្រួសារនេះកន្លងមកឧស្សាហ៍ឈ្លោះគ្នា៖ «គួរឲ្យឆ្ងល់ដែរលោកគ្រូ ព្រោះឳហ្នឹង បើតាមខ្ញុំដឹង ខ្ញុំសាកសួរប្រជាពលរដ្ឋនៅជិតហ្នឹង គេថា សូម្បីតែប្រពន្ធគាត់ហ្នឹង ក៏មិនសូវត្រូវគ្នាដែរ។ មុននឹងកើតហេតុ ប្រពន្ធហ្នឹងទាស់ទែងគ្នា ហើយចេះតែរត់ទៅណេះរត់ទៅណោះអ៊ីចឹង។ ហើយតាមព័ត៌មានថា ថ្ងៃហ្នឹងគាត់មានកូនស្រីមួយនៅជាមួយ ហើយគាត់ប្រើកូនស្រីឲ្យទៅទិញកាតទូរស័ព្ទ យកមកបញ្ចូល ហើយគាត់ហ្នឹងនៅជាមួយកូនអាប្រុសប្អូន ដល់កូនទិញកាតទូរស័ព្ទ គាត់នាំកូនទៅងូតទឹកនៅអណ្ដូងក្រោយ នៅហ្នឹងអូរ នៅកៀនអាហ្នឹងព្រៃ គ្មានអ្នកណាចេញចូលទេ»។
ក្មេងប្រុសអាយុខ្ទង់៧ ទៅ៨ឆ្នាំម្នាក់ឈ្មោះ វ៉ែន សុធា ត្រូវឃាតករសម្លាប់កាលពីថ្ងៃទី១៥ សីហា ឆ្នាំ២០១២ ដោយជនល្មើសបាន វះពោះ ខ្វេះភ្នែក និងកាត់ដៃម្ខាងរបស់ក្មេងនោះ។
បន្ទាប់ពីករណីឃាតកម្មបានមួយថ្ងៃ នគរបាលបានឃាត់ខ្លួនជនសង្ស័យដែលគេសន្និដ្ឋានថាជនល្មើស ដែលជាឪពុកបង្កើតរបស់ជនរងគ្រោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheyVorman007
ពី AngKor Watកាលពីសមយ័លោកពុលពោតសង្គមខ្មែររស់បែបកាប់ចាក់
ប្រលយ័គ្នាមួយសារហើយ នៅឡើយសមយ័ស្ពានអាកាស
កូនខ្មែរមានការអប់រុំតាមបែបកាប់ចាក់ម្តងទៀត អ្នកណាមិន
ល្បីជំនាន់ក្មួយលោកបណ្ឌិតមួយនៅស្ទាវ ម៉ៅដាច់ទីក្រុងភ្នំ
ពេញទាំងមូល លោកបណ្ឌិតវិញនិយាយបែរក្រោយអិត
ឈប់ សម្តីគាត់យើងដឹងហើយ ចឹងបានជាខ្មុំពិបាកគួរសម
ជាមួយគាត់ណាស់ អ្នកអប់រ៉មនុស្សប្រភេទហ្នឹងហើយបាន
ជាកូនខ្មែរសុទ្ធតែអ្នកលេង កាប់ចាក់តែគ្នាឯង សូមមើល
កាសែតកោះសន្តិភាព ឭតែងាប់គ្មានលោះថ្ងៃ
Aug 17, 2012 11:56 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
