អ្នកស្រី មូរ សុខហួរ ចូលសាលាឧទ្ធរណ៍នៅថ្ងៃទី៣សីហាដើម្បីបញ្ចប់ការប្ដឹងផ្ដល់
អ្នកតំណាងរាស្ត្រគណបក្ស សម រង្ស៉ី អ្នកស្រី មូរ សុខហួរ មានប្រសាសន៍ នៅថ្ងៃទី២៩ កក្កដា ឆ្នាំ ២០១២ ថា អ្នកស្រីចាញ់ក្ដីលោកនាយករដ្ឋមន្ត្រី ហ៊ុន សែន អស់រយៈពេលជាច្រើនខែមកហើយ ហើយក៏បានបង់ប្រាក់គ្រប់ចំនួនដែរ។ ប៉ុន្តែ តុលាការនៅតែមិនទាន់ផ្ដល់នីតិសម្បទា ជាអ្នកតំណាងរាស្ត្រឲ្យអ្នកស្រីវិញនៅឡើយទេ។
អ្នកស្រីបន្តថា នៅថ្ងៃទី៣ សីហាខាងមុខ អ្នកស្រីនឹងចូលទៅតុលាការសាលាឧទ្ធរណ៍តាមការកោះហៅ៖ «ដើម្បីឲ្យខ្ញុំចូលបង្ហាញខ្លួននៅថ្ងៃទី៣ សីហា ឆ្នាំ ២០១២ ខាងមុខ ដើម្បីបញ្ចប់ករណីប្ដឹងផ្ដល់រវាងខ្ញុំ និងលោក ហ៊ុន សែន ហើយប្រាក់ខែខ្ញុំត្រូវបានក៏គេបានកាត់អស់ទាំងអស់ ៤.០០០ ដុល្លារ នីតិវិធីចុងក្រោយតុលាការនឹងពិចារណា ផ្ដល់នីតិសម្បទាឲ្យខ្ញុំឡើងវិញ»។
លោកស្រី មូរ សុខហួរ បន្តថា អ្នកស្រីសង្ឃឹមថា តុលាការសាលាឧទ្ធរណ៍នឹងផ្ដល់នីតិសម្បទាជូនអ្នកស្រី ជាអ្នកតំណាងរាស្ត្រទៅតាមសំណើរបស់អ្នកស្រី និងតាមឆន្ទៈពលរដ្ឋ។
ពាក្យបណ្ដឹងស្ដារនីតិសម្បទាឡើងវិញ គឺធ្វើបន្ទាប់ពីតុលាការគ្រប់លំដាប់ថ្នាក់កាត់ក្ដីឲ្យអ្នកស្រី មូរ សុខហួរ ចាញ់ក្ដីលោកនាយករដ្ឋមន្ត្រី ហ៊ុន សែន ហើយតុលាការឲ្យអ្នកស្រី មូរ សុខហួរ បង់ប្រាក់ ៤.០០០ ដុល្លារ។ ចំនួនពាក់កណ្ដាលត្រូវប្រគល់ជូនទៅលោកនាយករដ្ឋមន្ត្រី ហ៊ុន សែន និងចំនួនពាក់កណ្ដាលទៀត ប្រគល់ទៅឲ្យរដ្ឋ។
លោកនាយករដ្ឋមន្ត្រី ហ៊ុន សែន និងតំណាងរាស្ត្រគណបក្ស សម រង្ស៉ី បានប្ដឹងផ្ដល់គ្នាទៅវិញទៅមក ពីបទបរិហារកេរ្តិ៍ ដែលកើតចេញពីការធ្វើអត្ថាធិប្បាយដោយប្រយោលរបស់លោកនាយករដ្ឋមន្ត្រី ហ៊ុន សែន នៅខេត្តកំពត កាលពីដើមខែមេសា ឆ្នាំ២០០៩ កន្លងទៅ ទាក់ទងនឹងពាក្យថា ស្រីម្នាក់ជើងខ្លាំង ហើយអ្នកស្រី មួរ សុខហួរ បានចាត់ទុកថា លោកនាយករដ្ឋមន្ត្រីសំដៅមកលើលោកស្រី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ពី siemreapសូរប្រជាជនខ្មែរណាម្នាក់ដែលឆ្លើយថាតុលាខ្មែរយុត្តិធម័
Aug 01, 2012 10:15 PM
អ្នកអានអនាមិក
ពី សៀមរាបតុលាការឡប់ឡែ របស់បក្សពួកគណបក្សcpp ពលរដ្ឋខែ្មរអស់ជំនឿហើយ។
Jul 30, 2012 11:19 PM
Independent Source
Dear Sokhour Mour,
You're astounding me the way you present yourself for who you are and what you do for your profession. There were numerous times in the past that I had seen you were interviewed by the media. It was transparent that you always answered the questions with a great deal of poise. You spoke out your minds and let the stories unfolded to the general public. That was a great strength of you to be a good role model as a politician. I wish you continued success in all your aspiration.
Best Regards,
Independent Source
Jul 30, 2012 05:27 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
