ព្រះរាជអាជ្ញារងខេត្តព្រះវិហារប្រឈមនឹងការចាប់ខ្លួនពីបទពុករលួយ

អង្គភាពប្រឆាំងអំពើពុករលួយ បានទទួលពាក្យបណ្ដឹងជាង ៨០០ ដែលបានប្ដឹងអំពីជនប្រព្រឹត្តអំពើពុករលួយ ក្នុងនោះក៏មានមន្ត្រីថ្នាក់ក្រោម រួមទាំងមន្ត្រីតុលាការដែរ ដែលទាក់ទងរឿងជំរិតទារប្រាក់ និងស៊ីសំណូកសូកប៉ាន់ផ្សេងៗ។

ដោយ វោហារ ជាតិ
2012-09-27

h092712vc2.mp3

លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ (ស្ដាំ)

RFA/Vohar Cheath

លោក ឱម យិនទៀង ប្រធានអង្គភាពប្រឆាំងអំពើពុករលួយ បានបង្ហើបឲ្យដឹងនៅក្នុងសន្និសីទកាសែត នៅថ្ងៃទី២៧ កញ្ញា ថា ពាក្យបណ្ដឹងជាង ៨០០នោះ គឺអង្គភាពប្រឆាំងអំពើពុករលួយទទួលបានក្នុងរយៈពេល ៨ខែកន្លងមកនេះ។

បណ្ដឹងច្រើនលើសលប់អង្គភាពរបស់លោកទទួលបានតាមរយៈសំបុត្រអនាមិក ដាក់ក្នុងប្រអប់ដែលអង្គភាពបានពង្រាយទូទាំងប្រទេស៖ «ពាក្យបណ្ដឹងដែលកំពុងឲ្យយើងស៊ើបអង្កេត មានប្រមាណ៣០%។ ឧទាហរណ៍ ព្រះរាជអាជ្ញារង (ខេត្ត) ព្រះវិហារ ក៏ចេញពីពាក្យបណ្ដឹងដែរ។ នៅនោះគឺថា ក្មេងៗវ៉ៃគ្នា ហើយកូនអ្នកធំហ្នឹង គាត់វ៉ៃកូនអ្នកក្រ ខ្វាក់ភ្នែក។ ជាថ្នូរនឹងលុយបានដោះលែងអ្នកដៃដល់ចេញ»។

នៅពេលអ្នកសារព័ត៌មានសួរជជីកព័ត៌មានពិស្ដារ អំពីមន្ត្រីតុលាការខេត្តព្រះវិហារ ដែលត្រូវគេចោទប្រកាន់នោះ លោក ឱម យិនទៀង បដិសេធដោយលោកបញ្ជាក់ថា ជារឿងលាក់ការក្នុងពេលដែលស៊ើបអង្កេត។

វិទ្យុអាស៊ីសេរី មិនអាចទាក់ទងលោក សោ សាវុធ ប្រធានតុលាការខេត្តព្រះវិហារ បានទេ នៅថ្ងៃទី២៧ កញ្ញា ដោយលោកមិនលើកទូរស័ព្ទ។

លោក ឱម យិនទៀង ដែលជាទេសរដ្ឋមន្ត្រីដែរនោះ បន្តថា បណ្ដឹងជាង ៨០០នេះ ជាបណ្ដឹងចម្រុះរឿងអំពើពុករលួយតូចធំ ដែលក្នុងនោះក៏មានទាក់ទងមន្ត្រីមូលដ្ឋានថ្នាក់ក្រោម រួមទាំងមន្ត្រីតុលាការដែរ ទាក់ទងរឿងជំរិតទារប្រាក់ និងស៊ីសំណូកសូកប៉ាន់ ដែលអ្នកប្រព្រឹត្តនោះនឹងត្រូវចាប់ខ្លួននៅពេលខាងមុខ៖ «ឈានទៅរកការចាប់ខ្លួនប្រាកដជាឈានហើយ មិនដឹងថា អាទិត្យក្រោយ ឬខែក្រោយទេបាទ។ ប៉ុន្តែ យើងខ្ញុំក៏មានខេស (case=ករណី) ខ្លះស្មុគស្មាញធំៗ ដែលយើងខ្ញុំធ្វើជិតពីរឆ្នាំមិនទាន់បានលទ្ធផល តែយើងខ្ញុំអត់បោះបង់ចោល។ ក៏មានខេស តូចៗកំប៉ិកកំប៉ុកច្រើន រឿងសេវាតាមឃុំតាមសង្កាត់អីនេះ»។

ស្របពេលនេះដែរ លោក ឱម យិនទៀង ឲ្យដឹងថា រដ្ឋាភិបាលបានចេញសេចក្ដីសម្រេចមួយ ដើម្បីបង្កើតគណៈកម្មការដឹកនាំការត្រួតពិនិត្យឡើងវិញ នូវអនុសញ្ញាត្រួតពិនិត្យអំពើពុករលួយ ដែលមានរូបលោកជាប្រធាន និងជាជំនាញការរបស់រដ្ឋាភិបាលកម្ពុជា ដើម្បីធ្វើការជាមួយអង្គការសហប្រជាជាតិ ប្រឆាំងអំពើពុករលួយនៅប្រទេសកម្ពុជា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

Eagle Master

ពី Pa(USA)

(It's my money,I need it now)
Everyone has known inside Hun Sen's goverment shall has obligated to make money for bosses. if not they will has facing relocated or get fires,I think that it' right time to clean scumbags from our sociaties.

Sep 29, 2012 12:33 AM

អ្នកអានអនាមិក

ពី សៀមរាប

សូមគាំទ្រ១០០%ដល់លោក អោម យិនទៀង តែត្រូវតែធើ្វដោយមិនរើសមុខ និងមិនប្រកាន់បក្សពួក។

Sep 28, 2012 10:54 PM

Lee Theang Chek

ពី Bangkok

វគ្គ២៖ ពួកនេះគេចេះរៀបចំយុទ្ធសាស្រ្ត និងមានចក្ខុវិស័យល្អណាស់។ នេះហើយជារបៀបពុករលួយតាមប្រព័ន្ធ សូមអង្គភាពកំចាត់អំពើពួយរលុក មើលផងនិងហ៊ានវាចាទេ! នេះគេហៅថា យុទ្ធសាស្រ្តយកតាមលោកអតីតនាយកមន្ត្រីសៀម ដ៏សែនពុករលួយ ដូចការកសាងព្រលានយន្តហោះសុវណ្ណភូមិដូច្នោះដែរ។យីទីប្រឹក្សា ថាក់ស៊ីន ឈិនណាវ៉ាត់ ផ្តល់យោបល់ល្អណាស់ដល់នាយក ហ៊ុនសែន។

Sep 28, 2012 09:14 AM

Lee Theang Chek

ពី Bangkok

វគ្គ១៖ មន្ត្រីរាជការណាហ៊ានមាត់កនោះ ព្រោះបានស៊ីបានចុកដែរ ខំត្រដរស់នឹងគេទៅ។ កុំថាឡើយរឿងតូចតាច សូម្បីអារឿងពុករលួយធំៗ ដូចជាអ្នកមានអំណាចយកដីរដ្ឋលក់ឲ្យឧកញ៉ា លីយ៉ុងផាត់រាប់សិបុម៉ីនហិចតា ត្រង់ដីចុះពីស្ពានព្រែកព្នៅស្ពានលីយ៉ុងផាត់នោះ។ ឥឡូវនេះស្រាប់តែរដ្ឋចង់ទិញពីលីយ៉ុងផាត់មកវិញ ដើម្បីសាងសង់កីឡដ្ឋានអូឡាំពិកមួយទៀតដ៏ធំ។

Sep 28, 2012 09:13 AM