សម្ដេច​ក្រុមព្រះ​ទទួល​ស្គាល់​ចំណុច​អវិជ្ជមាន​របស់​រដ្ឋាភិបាល​បច្ចុប្បន្ន

ប្រធាន​គណបក្ស នរោត្តម រណឫទ្ធិ បាន​អះអាង​ថា ព្រះអង្គ​មិន​គាំទ្រ​ចំពោះ​ចំណុច​អវិជ្ជមាន​ក្រោម​ការ​ដឹកនាំ​របស់​លោក​នាយក​រដ្ឋមន្ត្រី ហ៊ុន សែន នោះ​ទេ។
ដោយ ខែ សុណង
2012-06-01
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
នរោត្ដម រណឫទ្ធិ ៣០៥
សម្ដេច​ក្រុម​ព្រះ នរោត្ដម រណឫទ្ធិ ក្នុង​កិច្ច​សម្ភាសន៍​ជាមួយ​វិទ្យុ​អាស៊ីសេរី កាល​ពី​ថ្ងៃ​ទី​៣០ ខែ​ឧសភា ឆ្នាំ​២០១២។
RFA/Mom Sophon

សម្ដេច​ក្រុម​ព្រះ នរោត្តម រណឫទ្ធិ ប្រធាន​គណបក្ស នរោត្តម រណឫទ្ធិ បាន​មាន​បន្ទូល​ថា ការ​ចាប់​ដៃគូ​ជាមួយ​គណបក្ស​កាន់​អំណាច​បច្ចុប្បន្ន គឺ​មិន​មាន​ន័យ​ថា ជា​ការ​ចាប់​ដៃគូ​ជាមួយ​អ្នក​បំផ្លាញ​ជាតិ ឬ​ចោរ​នោះ​ទេ។ តែ​បើ​សិន​ជា​ព្រះអង្គ​ជាប់​ឆ្នោត ទ្រង់​នឹង​ព្យាយាម​ចូលរួម​ចំណែក​កែទម្រង់​ភាព​ខុស​ឆ្គង​ដែល​ដឹកនាំ​ដោយ​រដ្ឋាភិបាល​បច្ចុប្បន្ន។

នៅ​ក្នុង​វេទិកា​អ្នក​ស្ដាប់​វិទ្យុ​អាស៊ី​សេរី កាល​ពី​ថ្ងៃ​ទី​៣១ ឧសភា សម្ដេច​ក្រុម​ព្រះ នរោត្តម រណឫទ្ធិ ប្រធាន​គណបក្ស នរោត្តម រណឫទ្ធិ មាន​បន្ទូល​ថា ការ​ច្របាច់​បញ្ចូល​គ្នា​រវាង​គណបក្ស​ហ៊្វុនស៊ិនប៉ិច និង​គណបក្ស នរោត្តម រណឫទ្ធិ គឺ​ជា​នយោបាយ​មួយ​មិន​ប្រឆាំង ហើយ​ចាប់​ដៃគូ​ជាមួយ​គណបក្ស​ប្រជាជន​កម្ពុជា ដើម្បី​ដោះស្រាយ​បញ្ហា​របស់​ជាតិ និង​ស្រោចស្រង់​ជាតិ​ឡើង​វិញ ដូច​ជា​ការ​បាត់បង់​ដីធ្លី ធនធាន​ធម្មជាតិ បំបាត់​អំពើពុករលួយ ដោះស្រាយ​បញ្ហា​ទំនិញ​ឡើង​ថ្លៃ និង​ភាព​ក្រីក្រ​ជាដើម។

សម្ដេច​ក្រុម​ព្រះ នរោត្ដម រណឫទ្ធិ៖ «ថា​ទៅ​រួម​ចំណែក​ជាមួយ​ចោរ​វា​ចោរ​ដែរ នយោបាយ​វា​មិន​មែន​យ៉ាង​ដូច្នេះ​ទេ។ ត្រង់​ហ្នឹង​ហើយ​បាន​ខ្ញុំ​ប្រមែប្រមូល​ឡើង​វិញ​នូវ​អ្នក​រាជា​និយម អ្នក​សីហនុ​និយម​ដែល​មាន​សក្ដានុពល​គ្រប់​ទិសទី​ទាំងអស់​តាំង​ពី​ឆ្នាំ​១៩៩៣ មក​ម៉្លេះ ដែល​អាច​នឹង​ទៅ​ជា​កម្លាំង​ជាតិ​មួយ ប៉ុន្តែ​បើ​យើង​កម្លាំង​ជាតិ​ម្នាក់​ឯង​យើង​មិន​បូក​ជាមួយ​កម្លាំង​ជាតិ​បច្ចុប្បន្ន​ទេ តើ​យើង​ដោះស្រាយ​បញ្ហា​យ៉ាង​ម៉េច? យើង​មាន​លទ្ធភាព​បើ​គង់​តែ​មិន​បាន ១០០​ភាគរយ ក៏​បាន ៥០​ភាគរយ​ដែរ»

គណបក្ស​រាជា​និយម​ធ្លាប់​បាន​ទទួល​រង​នូវ​ការ​បាក់​បែក​ដ៏​ធ្ងន់ធ្ងរ។

សម្ដេច​ក្រុម​ព្រះ នរោត្តម រណឫទ្ធិ ប្រធាន​គណបក្ស នរោត្តម រណឫទ្ធិ មាន​បន្ទូល​ទៀត​ថា ការ​ច្របាច់​បញ្ចូល​គ្នា​នេះ ព្រះអង្គ​នឹង​ដើរ​នយោបាយ​កណ្ដាល​មិន​ប្រឆាំង​ទេ។ ព្រះអង្គ​បាន​ព្រលយ​បន្ទូល​ជា​ច្រើន​លើក​ថា សាកល្បង​បោះឆ្នោត​ឲ្យ​ព្រះអង្គ​ល​មើល៍ ដើម្បី​សម្របសម្រួល​ជាមួយ​គណបក្ស​កាន់​អំណាច​បច្ចុប្បន្ន​ស្វែងរក​ផល​ប្រយោជន៍​ជាតិ។

លោក ជុន ច័ន្ទបុត្រ៖ ព្រះអង្គ​មាន​បន្ទូល​ថា នយោបាយ​នៅ​កណ្ដាល​នេះ​មិន​មែន​អព្យាក្រឹត មាន​ន័យ​ថា ហ៊ាន​និយាយ​ដែរ​ជាមួយ​នឹង​គណបក្ស​កាន់​អំណាច។ ព្រះអង្គ​ដែល​មាន​បន្ទូល​ជាមួយ​នឹង​សម្ដេច​នាយករដ្ឋមន្ត្រី ហ៊ុន សែន ថា ភ័យ​ណាស់​អំពី​រឿង​បាត់​ដីធ្លី ភ័យ​ណាស់​ចំពោះ​ការ​បណ្ដេញ​ដោយ​បង្ខំ ភ័យ​ណាស់​ដែល​ឲ្យ​ដី​សម្បទាន​សេដ្ឋកិច្ច​ទៅ​នាយ​ទុន​បរទេស​អី​ហ្នឹង​ដែល​ឬ​ទេ​ព្រះអង្គ?

សម្ដេច​ក្រុម​ព្រះ នរោត្តម រណឫទ្ធិ៖ ខ្ញុំ​សុំ​ជម្រាប​ថា ខ្លួន​ឯង​និយាយ​ត្រង់ ក្នុង​ឋានៈ​លក្ខណៈ​របស់​ខ្ញុំ​នេះ ខ្ញុំ​មិន​ទាន់​បាន​លើក​ជាមួយ​លោក​នាយករដ្ឋមន្ត្រី ហ៊ុន សែន ទេ។ ក៏​ប៉ុន្តែ​ម្ដង​ពេល​ដែល​យើង​កំពុង​តែ​ប្រឈម​មុខ​គ្នា​រវាង​ថៃ និង​ខ្មែរ​នេះ សម្ដេច​រដ្ឋមន្ត្រី ហ៊ុន សែន លោក​ទូរស័ព្ទ​មក​ខ្ញុំ​ពន្យល់​នូវ​នយោបាយ​ពាក់​ព័ន្ធ​នឹង​ព្រះវិហារ​អស់​រយៈពេល​មួយ​ម៉ោង។ នេះ​ជា​ភស្តុតាង​មួយ​បញ្ជាក់​ថា យើង​អាច​និយាយ​បាន​ហើយ​ដោះស្រាយ​រួម​គ្នា។ សូម​ជម្រាប ដោយសារ​សម្ដេច​នាយករដ្ឋមន្ត្រី ហ៊ុន សែន លោក​ឃើញ​ហ្នឹង​ហើយ បាន​តែ​រាជរដ្ឋាភិបាល​ឥឡូវ ដាក់​ចុះ​មក​ហើយ ពី​ដើម​ព្រៃ​សម្បទាន​៩៩​ឆ្នាំ ឥឡូវ​ចេះ​តែ​ថយ​ចុះៗ ហើយ​ផ្អាក​នូវ​ការ​ផ្ដល់​ដី​សម្បទាន។

ទាក់ទង​បញ្ហា​នេះ អ្នក​វិភាគ​នយោបាយ បាន​វាយ​តម្លៃ​ដោយ​ប្រយោល​ថា ដំណើរ​នៃ​ការ​រួបរួម​រវាង​គណបក្ស​ហ៊្វុនស៊ិនប៉ិច និង​គណបក្ស នរោត្តម រណឫទ្ធិ គណបក្ស​នេះ អាច​នឹង​បាត់បង់​ឈ្មោះ​ក្នុង​គណបក្ស​នយោបាយ​បាន។

អ្នក​ស្រាវជ្រាវ​ប្រវត្តិសាស្ត្រ​នយោបាយ​នៅ​រាជបណ្ឌិត​សភា​កម្ពុជា លោក​បណ្ឌិត សុខ ទូច មាន​ប្រសាសន៍​ថា ជា​ការ​ពិត នយោបាយ​កណ្ដាល ប្រឆាំង​មិន​ប្រឆាំង ស្រប​មិន​ស្រប​នេះ​អាច​នឹង​ប្រឈម​បញ្ហា៖ «រឿង​នេះ​លោក​ត្រូវ​ដឹង​ខ្លួន​ឯង ថា​បើ​សិន​ជា​គេ​ចង់​បង្រួបបង្រួម​លោក​ត្រូវ​យក​កន្លែង​ណា​ជា​កន្លែង​ឯករាជ្យ​មួយ ឬ​ក៏​កន្លែង​ដែល​មិន​ទាក់ទង​នៅ​ក្នុង​រឿង​នយោបាយ។ យើង​បង្រួបបង្រួម​គ្នា​នៅ​ក្នុង​វិមាន​មួយ​ជា​វិមាន​របស់​រដ្ឋ ហើយ​ថា យើង​ដើរ​តួ​អី បើ​យើង​សម្របសម្រួល​ទាល់​តែ​យើង​ខ្លាំង។ តើ​គណបក្ស​ហ្វុនសិនប៉ិច​ហ្នឹង បែកបាក់​ហើយ ហ្វុនស៊ិនប៉ិច រក​ដោយ​ខ្លួន​ឯង ក៏​គ្មាន​នរណា​ដើរ​តួ​សម្របសម្រួល​អា​ហ្នឹង​បាន​ខ្លាំង។ បើ​គេ​សម្របសម្រួល​បាន​ក៏​គេ​បំបែក​បំបាក់​បាន​ដែរ។ ហើយ​យើង​ដើរ​តួនាទី​យ៉ាង​ម៉េច? យើង​និយាយ​អំពី​ទង្វើ​និង​ឥរិយាបថ»

គណបក្ស នរោត្តម រណឫទ្ធិ ដែល​មាន​ព្រះ​អង្គ​ម្ចាស់ នរោត្តម រណឫទ្ធិ ជា​មេ​បក្ស និង​គណបក្ស​ហ៊្វុនស៊ិនប៉ិច ដឹក​នាំ​ដោយ​លោក ញឹក ប៊ុនឆៃ បាន​ចុះ​ហត្ថលេខា​រួម​គ្នា​ជា​បក្ស​តែ​មួយ​វិញ​នៅ​ថ្ងៃ​ទី​២៤ ឧសភា ឆ្នាំ​២០១២ បន្ទាប់​ពី​បាន​បែក​បាក់​គ្នា​អស់​រយៈ​ពេល ៦​ឆ្នាំ គឺ​តាំង​ពី​ឆ្នាំ​២០០៦ មក​នោះ។
ទោះ​ជា​យ៉ាង​ណា​ក៏​ដោយ​ការ​រួបរួម​គ្នា​នេះ គឺ​មាន​ការ​សម្របសម្រួល​ពី​លោក​នាយករដ្ឋមន្ត្រី ហ៊ុន សែន ដែល​ធ្វើ​ឡើង​នៅ​ឯ​វិមាន​សន្តិភាព។ ប៉ុន្តែ​សាធារណជន​បាន​រិះគន់​សម្ដេច​ក្រុម​ព្រះ​ថា ទ្រង់​ជា​ក្រឡា​អុក​របស់​សម្ដេច ហ៊ុន សែន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (11)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

I don't understand how Prince Rannarith could still face Cambodian people and keep telling lie after lie over and over again. Please quit before you embarrasses yourself. Cambodian people trusted you by casting their votes in 1993 and made you the first Priminister. You were too weak to lead alone by yourself and made Hun Sen as sencond Priminister. Only you could make it happend. Then came the coupe in 1997 which many of your supporters were executed or jailed and you did not even care. Could you explain or tell Cambodian people why should they vote for you again. In my opinion a vote for the prince is a waste. I think a true politician must be strong and not affraid to die for his/her country and its people.

Jun 03, 2012 12:55 AM

អ្នក​អាន​អនាមិក

គេវ៉ៃក្បាលហើយ គ្រាន់តែគេអង្អែលវិញ អរគុណគេ។ មិនដឹងជាបណ្ឌិតច្បាប់ស្អីគេទេ។ យកល្អកុំមកជួយបំផ្លាញជាតិអីព្រះអោង៕

Jun 02, 2012 11:35 PM

អ្នក​អាន​អនាមិក

សូមសម្តេចក្រុមព្រះមានជំហរខ្លួនឯងផង កុំយោលទៅរកគណបក្សប្រជាជន ឲ្យសោះ។ ត្រូវមានស្មារតីរឹងប៉ឹង!!!!!!!!!!!!

Jun 02, 2012 08:49 PM

អ្នក​អាន​អនាមិក

ខ្ញុំមិនជឿក្រុមព្រះទៀតទេ។

Jun 02, 2012 06:47 AM

អ្នក​អាន​អនាមិក

Three chances have been given to the prince already. I'm afraid the chance for the prince now is slim.

Jun 02, 2012 04:41 AM

មើល​មតិ​ទាំង​អស់.