អង្គការសិទ្ធិមនុស្សអន្តរជាតិប្រតិកម្មក្រោយការចាប់ខ្លួនលោក ម៉ម សូណង់ដូ
លោក ប្រែត អាដាម អះអាងថា ការចាប់ខ្លួនលោក ម៉ម សូណង់ដូ នេះ គឺសមត្ថកិច្ចបានគ្រោងទុកជាមុនរួចហើយ ប៉ុន្តែរង់ចាំមន្ត្រីការទូតជាន់ខ្ពស់សហរដ្ឋអាមេរិក អ្នកស្រី ហ៊ីលឡារី គ្លិនតុន (Hillary Clinton) ចាកចេញពីកម្ពុជាសិន ទើបចាត់ការ។
លោកបន្តថា ការចោទលោក ម៉ម សូណង់ដូ នោះ គឺបង្ហាញអំពីភាពពុតត្បុតយ៉ាងច្បាស់ក្រឡែតរបស់រដ្ឋាភិបាល លោក ហ៊ុន សែន៖ «វាជារឿងគួរអោយតក់ស្លុត និងហួសចិត្តដែលលោក ម៉ម សូណង់ដូ ត្រូវបានចាប់ខ្លួនក្រោមបទចោទប្រកាន់ពីរដ្ឋាភិបាលថា គាត់ជាអ្នកញុះញង់អោយប្រជាពលរដ្ឋចាប់ច្បាមយកដី។ តាមពិតអ្នកដែលចាប់ច្បាមយកដីធំជាងគេពីប្រជាពលរដ្ឋក្រីក្រនៅទូទាំងប្រទេសកម្ពុជា គឺលោកនាយករដ្ឋមន្ត្រី ហ៊ុន សែន និងបក្សពួករបស់គាត់។ ដូច្នេះការចោទលោក ម៉ម សូណង់ដូ នេះ គឺបង្ហាញអំពីពុតត្បុតយ៉ាងច្បាស់ក្រឡែតរបស់រដ្ឋាភិបាលកម្ពុជា។ បញ្ហាចាប់ខ្លួនលោក ម៉ម សូណង់ដូ កើតឡើងបន្ទាប់ពីរដ្ឋមន្ត្រីការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន ចាកចេញពីកម្ពុជា។ លោក ហ៊ុន សែន មិនចង់ចាប់នៅពេលអ្នកស្រី ហ៊ីលឡារី គ្លិនតុន មានវត្តមាននៅកម្ពុជាទេ។ ព្រឹត្តិការណ៍នេះគេអាចស្មានដឹងមុន ពីព្រោះនៅមុនអ្នកស្រី ហ៊ីលឡារី គ្លិនតុន មកដល់កម្ពុជា រដ្ឋាភិបាលបានប្រកាសចាប់ខ្លួនលោក ម៉ម សូណង់ដូ»។
លោក ម៉ម សូណង់ដូ ត្រូវបានតុលាការខេត្តក្រចេះ ចេញដីកាចាប់ខ្លួនពីបទចោទប្រកាន់ចំនួន៤។ ទី១ ជាអ្នកផ្ដើមគំនិតប្រឆាំងរាជការសាធារណៈ ទី២ ធ្វើកុបកម្ម ទី៣ ជ្រៀតជ្រែកដោយខុសច្បាប់ក្នុងការបំពេញការងារសាធារណៈ និងទី៤ ញុះញង់ឲ្យប្រជាពលរដ្ឋប្រឆាំងអាជ្ញាធរស្របច្បាប់។
នាយកអង្គការសិទ្ធិមនុស្សអន្តរជាតិ Human Rights Watch លោក ប្រែត អាដាម មានប្រសាសន៍បន្តថា លោក ម៉ម សូណង់ដូ មិនបានធ្វើខុសអ្វីទេ ក្រៅតែពីគ្រប់គ្រងស្ថានីយវិទ្យុមួយដែលផ្សាយព័ត៌មាន និងទស្សនៈផ្សេងៗ ជាហេតុនាំឲ្យលោកនាយករដ្ឋមន្ត្រី ហ៊ុន សែន និងមនុស្សជុំវិញលោកមិនសប្បាយចិត្ត។
លោក ប្រែត អាដាម៖ «លោក ម៉ម សូណង់ដូ ជាមនុស្សវ័យចាស់ អាយុជាង ៦០ឆ្នាំហើយ ដែលមិនគួរត្រូវជាប់ពន្ធនាគារទេ។ សុខភាពរបស់គាត់អាចនឹងទ្រុឌទ្រោមយ៉ាងឆាប់រហ័ស។ ជាច្រើនឆ្នាំកន្លងមកនេះ លោក ម៉ម សូណង់ដូ មិនបានធ្វើខុសអ្វីទេ ក្រៅតែពីគ្រប់គ្រងស្ថានីយវិទ្យុមួយដែលផ្សាយព័ត៌មាន និងទស្សនៈផ្សេងៗ ហើយពេលខ្លះ នាយករដ្ឋមន្ត្រីកម្ពុជា និងមនុស្សជុំវិញគាត់ អាចមិនពេញចិត្តនឹងព័ត៌មានដែលផ្សាយដោយស្ថានីយសំបុកឃ្មុំ របស់លោក ម៉ម សូណង់ដូ។ ប្រសិនបើកម្ពុជា ចង់បានប្រជាធិបតេយ្យ គឺត្រូវតែអនុញ្ញាតអោយមានស្ថានីយវិទ្យុសំបុកឃ្មុំ និងអោយមានការបញ្ចេញមតិផ្សេងៗគ្នា។ ឧទាហរណ៍ គណបក្សប្រជាជនកម្ពុជា គ្របគ្រងស្ថានីយទូរទស្សន៍ និងវិទ្យុជាច្រើន ហើយផ្សាយព័ត៌មាន និងទស្សនៈមួយចំនួនដែលលោក ម៉ម សូណង់ដូ មិនចូលចិត្ត ឬខ្ញុំមិនពេញចិត្ត ប៉ុន្តែមិនមែនមានន័យថា អ្នកគ្រប់គ្រងស្ថានីយទូរទស្សន៍ និងវិទ្យុទាំងអស់នោះ គួរត្រូវជាប់គុកនោះទេ»។
មន្ត្រីជាន់ខ្ពស់រាជរដ្ឋាភិបាលកម្ពុជា ធ្លាប់បដិសេធថា នឹងមិនចាប់ខ្លួនលោក ម៉ម សូណង់ដូ ទេ។
អ្នកនាំពាក្យគណៈរដ្ឋមន្ត្រី លោក ផៃ ស៊ីផាន បានមានប្រសាសន៍បញ្ជាក់ប្រាប់វិទ្យុអាស៊ីសេរី កាលពី២សប្ដាហ៍មុនថា ព័ត៌មានដែលថា អាជ្ញាធរកម្ពុជារង់ចាំចាប់ឃាត់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យនោះ គឺជាពាក្យចចាមអារ៉ាម។
ការបដិសេធរបស់លោក ផៃ ស៊ីផាន បានធ្វើឡើងក្រោយពីមានព័ត៌មានថា អាជ្ញាធរមានគំរោងចាប់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និងជាប្រធានវិទ្យុសំបុកឃ្មុំ FM 105មេហ្គាហេត្ស នៅពេលដែលលោកគ្រោងវិលត្រឡប់ទៅកម្ពុជា ក្រោយពីដំណើរទស្សនកិច្ចនៅសហរដ្ឋអាមេរិក និងអឺរ៉ុប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ខ្ញុំគាំទ្រសម្តីរបស់លោក ប្រែតអាដាម លោកនិយាយបានល្អ ដូចចិត្តរបស់ខ្ញុំបើកម្ពុជានៅតែធ្វើបែបនេះ ប្រជាពលរដ្ឋគ្មានសេចក្តីសុខទេ។
Jul 17, 2012 05:54 AM
អ្នកអានអនាមិក
តើប្រជាជនស្រុកខ្មែរយើងពិតជាមិនអាចក្រោកឈរ កាន់ដៃគ្នាតវា់ប្រឆាំងនឺងអ្វីដែលយើងមិនពេញចិត្ត ?
Jul 17, 2012 03:22 AM
ខ្មែរ
ពី ភ្នំពេញយើងខ្មុំជាប្រជាពលរដ្ឋខ្មែរសូមគាំទ្រសំដីរបស់លោក ប្រែត អាដាម ដែលថាគ្មានពលរដ្ឋក្រីក្រ ទន់ខ្សោយណាមួយច្បាមយកដីខុសច្បាប់ច្រើនដូចហ៊ុនសែននិងបក្សពួកនោះទេ គ្រប់កន្លែងលក់ខ្ទេចលក់ខ្ទីអស់ ហើយឥឡូវអស់អីលក់ដើរចោទចាប់ពលរដ្ឋស្លូតត្រង់ និងមានការដោះដូរដីជាមួយយួនទៀត។
Jul 17, 2012 02:51 AM
អ្នកអានអនាមិក
ខ្ញុំយល់ថាពិតជាត្រឹមត្រូវមែនហើយ ហេតុអ្វីបានជាអ្នកមានអំណាចចង់ធ្វើអ្វីតាមតែអំពើចិត្តបែបនេះ?
Jul 17, 2012 11:04 PM
Hun veaya
ពី Pa,usaOnly oneway khmer must be stand up together to change the Hun Sen's regime
Hun Sen loves his family and take care his
gangs but not take care all khmer peoples.
Please do not take Hun Sen's picture to try to help all the problems.How much he
love his family and how much all khmer people
love their family,so Hun sen should know
someday you will be really know how much
your pain,sorrow and do not cry.
Jul 17, 2012 12:01 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
