ខៀវ សំផន ត្រូវបានបញ្ជូនពីមន្ទីរពេទ្យត្រឡប់ទៅមន្ទីរឃុំឃាំងវិញហើយ
ដោយ ជា មករា
2008-06-05
មន្ត្រីសាលាក្ដីខ្មែរក្រហម បានឲ្យដឹងថា អតីតប្រមុខរដ្ឋរបបខ្មែរក្រហម ត្រូវបានបញ្ជូនទៅកាន់មន្ទីរឃុំឃាំងរបស់សាលាក្ដីវិញហើយ នៅរសៀលថ្ងៃព្រហស្បតិ៍នេះ បន្ទាប់ពីបានពិនិត្យសុខភាព អស់រយៈពេលជាងពីរសប្តាហ៍មក ។
ខៀវ សំផន (រូបស្ដាំ) អតីតប្រមុខរដ្ឋនៃរបបខ្មែរក្រហម នៅក្នុងសវនាការ នាថ្ងៃទី ២៣ មេសា ២០០៨។
ប្រធានផ្នែកកិច្ចការសាធារណៈរបស់សាលាក្ដីខ្មែរក្រហម លោកស្រី ហេឡិន ចាវីស (Helen Jarvis) បានមានប្រសាសន៍ថា លោក ខៀវ សំផន ត្រូវបានបញ្ជូនចេញពីមន្ទីរពេទ្យកាល់ម៉ែត បន្ទាប់ពីទទួលបានការត្រួតពិនិត្យតាមដានពីសំណាក់វេជ្ជបណ្ឌិតឯកទេស រួចមក ។
លោកស្រី ហេឡិន ចាវីស មានប្រសាសន៍ដូច្នេះថា ៖ «វេជ្ជបណ្ឌិត យល់ព្រមឲ្យលោក ខៀវ សំផន ចេញពីមន្ទីរពេទ្យ បន្ទាប់ពីបានឃើញថា ស្ថានភាពសុខភាពរបស់គាត់មានភាពប្រសើរឡើងហើយនោះ» ។
អតីតប្រមុខរដ្ឋកម្ពុជាប្រជាធិបតេយ្យ ឬរបបខ្មែរក្រហម ត្រូវបានបញ្ជូនមកកាន់មន្ទីរពេទ្យកាល់ម៉ែតនៅថ្ងៃទី២១ ខែឧសភា ឆ្នាំ២០០៨ កន្លងទៅ បន្ទាប់ពីសម្ពាធឈាមបានឡើងខ្ពស់ ។
កាលពីពេលថ្មីៗនេះ មេធាវីរបស់លោក ខៀវ សំផន គឺលោក សាយ បូរី បានប្រាប់អ្នកកាសែតថា សុខភាពរបស់លោក ខៀវ សំផន មានសភាពធ្ងន់ធ្ងរ ដោយលោកនិយាយមិនច្បាស់និងផ្នែកខាងឆ្វេងនៃសារពាង្គកាយកម្រើក បានតិចតួច ។
លោក ខៀវ សំផន ដែលឆ្នាំនេះ មានអាយុ ៧៦ឆ្នាំ ត្រូវបានសាលាក្ដីខ្មែរក្រហម ឃុំខ្លួននិងចោទប្រកាន់ពីបទឧក្រិដ្ឋកម្មប្រឆាំងមនុស្សជាតិនិងឧក្រិដ្ឋកម្មសង្រ្គាម ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
ចៅក្រមអន្តរជាតិ២រូបស្បថចូលកាន់តំណែងក្នុងសាលាក្ដីខ្មែរក្រហម
សាលាក្ដីខ្មែរក្រហមប្រឈមនឹងភាពមិនច្បាស់លាស់ផ្នែកថវិកា?
សង្គមស៊ីវិលជំរុញឲ្យជនរងគ្រោះនៃរបបខ្មែរក្រហមទាមទារសំណងជារួម
កម្ពុជាស្នើឲ្យដាក់បញ្ចូលអតីតគុកទួលស្លែងជាសារមន្ទីរចងចាំរបស់ពិភពលោក
មន្ត្រីសាលាក្ដីខ្មែរក្រហមចង់ឲ្យអាមេរិកបញ្ជាក់ច្បាស់អំពីការផ្ដល់ជំនួយ
សហរដ្ឋអាមេរិកនឹងផ្ដល់ជំនួយថវិកាដល់សាលាក្ដីខ្មែរក្រហម
សាក្សីក្នុងសំណុំរឿង ឌុច សុំឲ្យមានការការពារសន្តិសុខនិងអត្តសញ្ញាណក្នុងសវនាការ
ចៅក្រមស៊ើបអង្កេតនិយាយពីបញ្ហាបណ្ដឹងឧទ្ធរណ៍តវ៉ាចំពោះដីកាបញ្ជូនសំណុំរឿងឌុច
អ្នកស្រាវជ្រាវរកឃើញឯកសារសម្ងាត់របស់គុកទួលស្លែង
ព្រះរាជអាជ្ញានៃសាលាក្ដីខ្មែរក្រហមប្ដឹងឧទ្ធរណ៍ករណី ឌុច
