លោក សម រង្ស៊ី សង្ឃឹមអាចចូលរួមការបោះឆ្នោតឆ្នាំ២០១៣
លោកបន្ថែមទៀតថា ទោះបីជាការបោះឆ្នោតនឹងឈានមកដល់ក្នុងរយៈពេល ៨ ខែខាងមុននេះក៏ដោយ ប៉ុន្តែលោកនឹងមានពេលគ្រប់គ្រាន់ ដើម្បីចូលរួមការបោះឆ្នោត ប្រសិនបើមានដំណោះស្រាយនយោបាយណាមួយ អនុញ្ញាតឲ្យលោកចូលរួមការបោះឆ្នោត។
លោក សម រង្ស៊ី៖ «យើងគួរតែយល់ច្បាស់ហើយ គេមិនចាំបាច់ខោកក្បាលយើងទេ គេថាប៉ុណ្ណឹង គេមិនឲ្យតម្លៃទេការបោះឆ្នោតណាដែលគ្មានការចូលរួមពីសំណាក់ទាំងអស់។ និយាយឲ្យចំប្រកួតមានតែ២ មានគណបក្សប្រជាជនកម្ពុជា ដឹកនាំដោយលោក ហ៊ុន សែន ហើយមានគណបក្សសង្គ្រោះជាតិ ដឹកនាំដោយរូបខ្ញុំ សម រង្ស៊ី។ ដូច្នេះការបោះឆ្នោតត្រូវមានគូប្រកួតទាំងពីរ...»។
ក្នុងជំនួបតានតឹងមួយរវាងលោក ហ៊ុន សែន និងលោក ប៉ារាក់ អូបាម៉ា កាលពីថ្ងៃទី១៩ វិច្ឆិកា ប្រធានាធិបតីសហរដ្ឋអាមេរិក បាននិយាយនឹងលោក ហ៊ុន សែន ថា បញ្ហាការរំលោភសិទ្ធិមនុស្ស នឹងក្លាយជាឧបសគ្គរារាំងទំនាក់ទំនងរវាងសហរដ្ឋអាមេរិក និងកម្ពុជា មិនឲ្យស៊ីជម្រៅបាន។
លោក ប៉ារាក់ អូបាម៉ា បានស្នើសុំឲ្យកម្ពុជា ដោះលែងអ្នកទោសនយោបាយ និងរៀបចំការបោះឆ្នោតមួយប្រកបដោយលក្ខណៈសេរី និងយុត្តិធម៌។
ទាក់ទងនឹងបញ្ហាលុបឈ្មោះលោកចេញពីបញ្ជីឈ្មោះបោះឆ្នោត លោក សម រង្ស៊ី បានចោទប្រកាន់ប្រព័ន្ធយុត្តិធម៌កម្ពុជា បច្ចុប្បន្នថា មានស្តង់ដារពីរ។
ក្រុមប្រឹក្សាធម្មនុញ្ញ កាលពីថ្ងៃទី១៩ វិច្ឆិកា បានច្រានចោលបណ្ដឹងរបស់មេធាវីលោក សម រង្ស៊ី ប្រឆាំងនឹងការលុបឈ្មោះលោកចេញពីបញ្ជីបោះឆ្នោតឆ្នាំ២០១៣។ លោក សម រង្ស៊ី ចាត់ទុកថា ការលុបឈ្មោះលោកចេញពីបញ្ជីបោះឆ្នោត ជាលេសរបស់គណបក្សប្រជាជនកម្ពុជា ដើម្បីរារាំងលោកមិនឲ្យចូលរួមការបោះឆ្នោតឆ្នាំ២០១៣ ពីព្រោះលោកអាចក្លាយជាដៃគូប្រកួតប្រជែងអំណាចនឹងលោកនាយករដ្ឋមន្ត្រី ហ៊ុន សែន។
សេចក្ដីថ្លែងការណ៍លោក សម រង្ស៊ី ផ្សាយកាលពីថ្ងៃពុធ ទី២៨ វិច្ឆិកា សរសេរថា ច្បាប់បោះឆ្នោតមាត្រា ៥០ ចែងថា អ្នកទោសជាប់ពន្ធនាគារមិនអាចចុះឈ្មោះបោះឆ្នោតបាន ប៉ុន្តែគ្មានជំពូកណាបន្ថែមទៀត ដែលបានចែងថា អ្នកទោសដែលបានកាត់ទោសរួច នឹងត្រូវលុបឈ្មោះចេញពីបញ្ជីបោះឆ្នោតនោះឡើយ។
លោក សម រង្ស៊ី បានលើកឧទាហរណ៍ថា ករណីរបស់អតីតអនុរដ្ឋលេខាធិការក្រសួងមហាផ្ទៃ លោក ហេង ពៅ និងអ្នកស្រី ផេង គន្ធាបុរី អតីតប្រធានពិធីការរបស់លោក ជា ស៊ីម ប្រធានព្រឹទ្ធសភា និងទណ្ឌិតមួយចំនួនទៀតនៅមានឈ្មោះក្នុងបញ្ជីបោះឆ្នោតនៅឡើយ។
លោក សម រង្ស៊ី ចាត់ទុកថា ការលុបឈ្មោះលោកចេញពីបញ្ជីបោះឆ្នោត ប៉ុន្តែរក្សាឈ្មោះពិរុទ្ធជនប្រព័ន្ធយុត្តិធម៌នៅកម្ពុជា មានស្តង់ដារពីរផ្សេងគ្នា ដែលកំពុងគ្រប់គ្រងដោយគណបក្សប្រជាជនកម្ពុជា។ លោកបន្តថា ការបោះឆ្នោតឆ្នាំ២០១៣ ប្រៀបទៅនឹងការប្រដាល់កីឡាដែលមានកីឡាករតែម្នាក់ក្នុងការប្រកួត ដោយសារលោក ហ៊ុន សែន ខ្លាចការប្រកួតដោយយុត្តិធម៌៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
SAM REANGSY IS WEAKER AND WEAKER TO LEAD THE PARTY AND THE COUNTRY.
Dec 01, 2012 01:30 AM
អ្នកអានអនាមិក
HUN SEN knows that Sam Rangsy can defeat him in the next election, so he will not allow his famous opposition leader to come to Cambodia for the 2013 election. He is afraid of losing. Therefore, to win illegally, Hun Sen has planned to kick Sam Rangsy away from the election. Punishment and Embarrassment are not seen by his dictatorship.
Nov 30, 2012 12:26 AM
ស្រីមេផ្ទះ
ពី បាត់ដំបងព្រះពុទ្ធិបានមានពុទិ្ធដីការថាៈជនណាប្រព្រឹត្តិអំពើល្អរមែងទទួលបាននូវផលល្អដូច្នេះអំពើរបស់លោកដែលធ្វើដើម្បីប្រជាពលរដ្ឋនិងទឹកដីរបស់យើងទាំងអស់គ្នាលោកនឹងបានវិលមកមាតុប្រទេសលោកវិញថ្វីបើមានរយះពេលតែប្រាំបីខែក៏ដោយ។
Nov 29, 2012 09:38 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
