រដ្ឋាភិបាលកំណត់យកថ្ងៃ១៥តុលាជាថ្ងៃគោរពព្រះវិញ្ញាណក្ខន្ធព្រះមហាវីរក្សត្រ
សារាចរណែនាំធ្វើឡើងនៅថ្ងៃទី២២ ខែតុលា ឆ្នាំ២០១២ របស់រាជរដ្ឋាភិបាលកម្ពុជា ចុះហត្ថលេខាដោយនាយករដ្ឋមន្ត្រី ហ៊ុន សែន បានលើកឡើងថា ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ មានគុណូបការៈដ៏ថ្លៃថ្លាវិសេសវិសាល និងឧត្តុង្គឧត្តមចំពោះជាតិមាតុភូមិ និងមានកិត្យានុភាពដ៏ល្បីល្បាញនៅលើសកលលោក។
រាជរដ្ឋាភិបាលកំណត់យកថ្ងៃទី១៥ ខែតុលា ដែលជាថ្ងៃអតីតព្រះមហាក្សត្រចូលទិវង្គត ជាទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្ដេចព្រះ នរោត្តម សីហនុ ហើយមន្ត្រីរាជការបានឈប់មួយថ្ងៃ។
រដ្ឋាភិបាលធ្វើការណែនាំគ្រប់ស្ថានទូតខ្មែរនៅបរទេសក្រសួងស្ថាប័នគ្រឹះស្ថានសាធារណៈ និងឯកជន ត្រូវរៀបចំទិវាប្រារព្ធពិធីគោរពព្រះវិញ្ញាណក្ខន្ធ ១៥ តុលា ឲ្យបានឧត្តុង្គឧត្តម សក្តិសមនឹងព្រះគុណូបការៈរបស់ព្រះអង្គចំពោះជាតិមាតុភូមិ និងប្រជាជនតាមទំនៀមទម្លាប់ព្រពៃណីជាតិខ្មែរ។
រដ្ឋាភិបាលបានបញ្ជាឲ្យក្រសួងព័ត៌មានចាត់តាំងរៀបចំកម្មវិធីផ្សព្វផ្សាយតាមវិទ្យុ ទូរទស្សន៍ ជាតិ ឯកជន អំពីព្រះរាជជីវប្រវត្តិ ព្រះរាជសកម្មភាព និងស្នាព្រះហស្តរបស់សម្ដេចព្រះមហាវីរក្សត្រឲ្យបានទូលំទូលាយផងដែរ។
សារាចររដ្ឋាភិបាលក៏បានបញ្ជាឲ្យគ្រប់ក្រសួងស្ថាប័នពាក់ព័ន្ធ គណៈកម្មាធិការជាតិរៀបចំបុណ្យជាតិ អន្តរជាតិ និងរដ្ឋបាលរាជធានី ខេត្ត ចាត់ចែងផ្សព្វផ្សាយ និងអនុវត្តឲ្យមានប្រសិទ្ធភាព ដោយស្មារតីទទួលខុសត្រូវខ្ពស់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ជ័យជិនមារ
ពី ភ្នំពេញសម្ដេចសីហនុសោយទីវង្គត មានមនុស្សរាប់ម៉ឺននាក់ចូលរួម កាន់ព្រះមរណៈទុក្ខ ចះបើហ៊ុនសែនសម្ដេចតេជោដ៏មហិមា របស់យើងស្លាប់វិញតើមានមនុស្សច្រើនបែបនេះចូលរួមកាន់ទុក្ខដែរឬអត់?
Oct 23, 2012 09:19 PM
អ្នកអានអនាមិក
ហេតុអ្វីបានជាសកម្មភាពគោរព មិនមានជាសាធារណះ នាពេលព្រះអង្គនៅមានព្រះជន។ បើពីកាលនោះកើតមានសកម្មភាពគគ្រឹកដូចនេះ តើអ្នកទាំងនោះត្រូវបានវាយសំពង និងចាប់ដាក់គុកពីបទបង្ករឲ្យខូចសណ្តាប់ធ្នាប់សង្គមឬអត់។
Oct 22, 2012 04:31 AM
PureKhmer
ពី Fresno,CABeing born lives and die that is a human nature no one can avoid or escape but the activities or actions of that person had done will not will not die with , so the history will record. Therefore, we need to know the truth under his leadership in both bad and good. If doctor gives wrong medicine only ONE patient will die but if leader leads wrong direction thousands will die. Please disclose from 1968-1978
what did he(Sihanouk) do? where was he? whom was he involved? Why did he do? Who was suffered? Why do we have Khmer Rouge? Who was responsible? I like to know the history of both sides ( dark and light of him not just the light side). He took many unsolve mistery with him when he die.
Oct 22, 2012 02:01 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
