បក្សសម រង្ស៊ី និងបក្សសិទ្ធិមនុស្សជួបពិភាក្សារួបរួមគ្នានៅថ្ងៃទី១៦-១៧ កក្កដា
លោក កឹម សុខា ជាប្រធានគណបក្ស សិទ្ធិមនុស្ស មានប្រសាសន៍ថា គណបក្ស សិទ្ធិមនុស្ស បានឯកភាពជាមួយគណបក្ស សម រង្ស៊ី ជាផ្លូវការហើយថា ថ្នាក់ដឹកនាំគណបក្ស សិទ្ធិមនុស្ស និងថ្នាក់ដឹកនាំគណបក្ស សម រង្ស៊ី នឹងជួបគ្នានៅក្នុងខែកក្កដា។ ប៉ុន្តែយ៉ាងនេះក្ដី លោក កឹម សុខា មិនទាន់បញ្ជាក់ទីកន្លែងដែលគណបក្សទាំងពីរនឹងជួបគ្នាថា នៅប្រទេសណានៅឡើយ។
គណបក្សទាំងពីរបានឯកភាពគ្នាជួបគ្នានៅថ្ងៃទី១៦ និង១៧ ខែកក្កដា នេះ នៅបន្ទាប់ពីប្រធានគណបក្ស សម រង្ស៊ី ស្ដីទី លោក គង់ គំា បានចេញលិខិតអញ្ជើញលោក កឹម សុខា ទៅជួបពិភាក្សាការងារស្ដីពីការបង្រួបបង្រួមនៅទីក្រុងម៉ានីល ប្រទេសហ្វីលីពីន នៅថ្ងៃទី២៩ និង៣០ មិថុនា។
លោក កឹម សុខា បានបញ្ជាក់ថា មូលហេតុសំខាន់ដែលលោកលើកពេលថ្ងៃជួបគ្នានេះ ដោយសារតែថ្នាក់ដឹកនាំគណបក្ស សិទ្ធិមនុស្ស មានកិច្ចការរវល់កិច្ចការចាំបាច់ ពិសេសចាំរង់ចាំការប្រកាសលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់ ជាផ្លូវការ ដើម្បីរៀបចំក្រុមប្រឹក្សាឃុំ-សង្កាត់ របស់ខ្លួន។
គណបក្ស សិទ្ធិមនុស្ស កាលពីថ្ងៃទី១០ មិថុនា បានចេញសេចក្ដីណែនាំដល់សមាជិកក្រុមប្រឹក្សាសង្កាត់ទាំងអស់នៃគណបក្ស សិទ្ធិមនុស្ស ឲ្យធ្វើការយ៉ាងជិតស្និទ្ធជាមួយសមាជិកក្រុមប្រឹក្សាឃុំ-សង្កាត់ គណបក្ស សម រង្ស៊ី ដើម្បីជាប្រយោជន៍ដល់ប្រជាពលរដ្ឋនៅក្នុងឃុំ-សង្កាត់ របស់ខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ទោះបីបក្សទាំងពីរចូលគ្នាក៏មិនឈ្នះហ៊ុនសែនដែរ។បក្សសិទ្ធមនុស្សពូកែប្រាស់ក៏មិនធម្មតាដែរ។គោលនយោបាយរបស៉គាត់ហាក់មិនគួរឲ្យជឿរអ៊ួតពេក!
Jun 13, 2012 11:24 PM
vibol
ពី Fresno, CAបើគេមើលស្រាលគេខ្លាចមនុស្សល្អឺតជាន់ជើងមនុស្សមាឌធំ បើគេមើលឲ្យជ្រៅទៅគឺមនុស្សមាឌធំទេដែលមើលងាយអ្នកមាឌតូច។គេគួរតែសង្ស័យថារង្សីទេដែលត្រូវក្បត់កឺមសុខា។កឹនសុខាព្រមប្រគល់តំណែងប្រធានបក្សនឹងតំណែងនាយករដ្ឋមន្រី្តទៅទៀតតើមានអ្វីទៀតដែលកឹមសុខាក្បត់រង្សីទៅកើត។នេះគឺសុទ្ធតែពួជអ្នកនយោបាយមាន់សម្ល។អត់ហ៊ានជល់ ចាំតែគេអាករយកមកស្ងោស៊ប់។មិនហ៊ានលះបង់ មិនអាចក្លាយជាអ្នកនយោបាយដ័ល្អបានឡើយ។
Jun 13, 2012 03:44 AM
SenCanal
ពី ParisGood idea for Cambodia to have only 2 bigs parties : CPP+Funcinpec and Samrainsy+sitik monous(Kem Sokha).
Jun 13, 2012 03:29 AM
អ្នកអានអនាមិក
សូមលោក កឹម សុខា កុំយកតម្រាប់តាមសម្តេចក្រុមព្រះ សូមលោករួមកំលាំងជាមួយលោក សម រង្សី និងអ្នកស្នេហាជាតិទាំងអស់ ដើម្បីជួយស្រោចស្រង់ជាតិនិងប្រជាជនខ្មែរអោយរួចផុតពីទុក្ខភ័យផង ។ តែសូមឲ្យមានឆន្ទៈពិតប្រាកដ យើងទាំងអស់គ្នាគាំទ្ររាល់សកម្មភាពបំរើ ការពារជាតិរបស់ឯកឧត្តមទាំង តែក្នុងលក្ខ័ណ្ណស្មោះត្រង់ពិតប្រាកដ ។
Jun 13, 2012 03:14 AM
អាគួយសំរែ
ពី កាលោមប៊ុសគំនិតរួបរួមនិងឆន្ទៈរហូតដល់ទៅហ៊ានពលីដើម្បីជាតិរបស់
លោកឯកឧត្ដម កឹមសុខាខ្ញុំគាំទ្រឥតសង្ស័យបើសំដីពិតជា
កំណប់ដែលហូរចេញពីទឹកចិត្ដរបស់លោកមែន ,ចំណែក
ខាងលោក សមរង្សីវិញតើលោកគឹតយ៉ាងណាដែរទាន តើ
ហ៊ានអារកាត់ដាច់ភឹងៗដូចលោកកឹមសុខាដែរទេ???
សង្ឃឹមថារាស្រ្ដខ្មែរប្រទេសខ្មែរបានឃើញពន្លឺត្រចះត្រចង់
ក្រោមគោលការណ៍ស្ដារនិងដឹកនាំប្រទេសរបស់អស់លោក
ជាក់ជាមិនខាន។
Jun 13, 2012 02:38 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
