បក្សប្រឆាំងធ្វើពហិការមិនបញ្ជូនអ្នកអង្កេតការណ៍ពិនិត្យការចុះឈ្មោះបោះឆ្នោត
h082412ay.mp3
ការធ្វើពហិការនេះ មន្ត្រីបក្សប្រឆាំងអះអាងថា ដោយសារតែគណៈកម្មាធិការជាតិរៀបចំការបោះឆ្នោត (គ.ជ.ប) មិនកែទម្រង់ប្រព័ន្ធបោះឆ្នោត ដែលមានភាពសាំញ៉ាំនោះទេ។
កាលបរិច្ឆេទនៃការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០១២ នៅតាមឃុំ-សង្កាត់ មានរយៈពេល៤២ថ្ងៃ គឺចាប់ផ្ដើមពីថ្ងៃទី១ ខែកញ្ញា ដល់ថ្ងៃទី១២ ខែតុលា ឆ្នាំ២០១២។
ការពិនិត្យ និងចុះឈ្មោះបោះឆ្នោត២០១២ ជាការកសាងបញ្ជីបោះឆ្នោតមួយ សម្រាប់បម្រើឲ្យការបោះឆ្នោតជ្រើសតាំងតំណាងរាស្ត្រអាណត្តិទី៥ នាថ្ងៃទី២៨ ខែកក្កដា ឆ្នាំ២០១៣។
យ៉ាងនេះក្តី មន្ត្រីគណបក្សប្រឆាំងចំនួន២ មានគណបក្ស សិទ្ធិមនុស្ស និងសម រង្ស៊ី បានប្រកាសថា មិនបញ្ជូនភ្នាក់ងារ ឬសមាជិករបស់ខ្លួនចូលរួមអង្កេតការណ៍សកម្មភាពពិនិត្យ និងចុះឈ្មោះបោះឆ្នោតឆ្នាំ២០១២ នេះទេ។
លោក យឹម សុវណ្ណ មន្ត្រីនាំពាក្យ និងជាសមាជិកសភាគណបក្ស សម រង្ស៊ី លោកបានឲ្យដឹងពីមូលហេតុដែលនាំឲ្យបក្សប្រឆាំង មិនបញ្ជូនអ្នកអង្កេតការណ៍ ដើម្បីពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំនេះ ដោយសារតែ គ.ជ.ប មិនបានកែទម្រង់ប្រព័ន្ធបោះឆ្នោត ដែលមានភាពសាំញ៉ាំនោះទេ។
សេចក្តីថ្លែងការណ៍រួមរបស់គណបក្ស សម រង្ស៊ី និងបក្សសិទ្ធិមនុស្ស ឬចលនាប្រជាធិបតេយ្យសង្គ្រោះជាតិ ចុះថ្ងៃទី២៣ ខែសីហា បានចាត់ទុកនីតិវិធីចុះឈ្មោះ ការលុបឈ្មោះអ្នកបោះឆ្នោតរបស់ គ.ជ.ប មានភាពសាំញ៉ាំដដែល។ បក្សប្រឆាំងអះអាងថា គ.ជ.ប មិនបានកែប្រែប្រព័ន្ធបោះឆ្នោត ដែលបក្សប្រឆាំងទាមទារបន្តិចណាទេ និងបង្កការលំបាកដល់ពលរដ្ឋទៅពិនិត្យបញ្ជីឈ្មោះ និងចុះឈ្មោះបោះឆ្នោតដដែល។
ក្រៅពីនេះ មន្ត្រីអនុវត្តការងារពិនិត្យបញ្ជី និងចុះឈ្មោះបោះឆ្នោតភាគច្រើន ជាសកម្មជនរបស់គណបក្សកាន់អំណាច។
ទោះយ៉ាងណា លោក អ៊ឹម សួស្តី ប្រធានគណៈកម្មាធិការជាតិរៀបចំការបោះឆ្នោត ថ្លែងថា គ្មានអ្វីសាំញ៉ាំសម្រាប់ពលរដ្ឋទៅពិនិត្យ ឬចុះឈ្មោះបោះឆ្នោតទេ។ លោកថា ការពិនិត្យបញ្ជីឈ្មោះ ឬចុះឈ្មោះបោះឆ្នោត ដោយតម្រូវឲ្យប្រជាពលរដ្ឋទៅបង្ហាញខ្លួននៅការិយាល័យចុះឈ្មោះបោះឆ្នោតតាមឃុំ-សង្កាត់របស់ខ្លួន និងត្រូវយកឯកសារដូចជា អត្តសញ្ញាណ សញ្ជាតិ អាយុ និងលិខិតបញ្ជាក់ទីលំនៅក្នុងឃុំ-សង្កាត់។
លោកបន្តថា សម្រាប់ពលរដ្ឋទាំងអស់ ពុំមានឯកសារបំពេញលក្ខខណ្ឌចុះឈ្មោះបោះឆ្នោត ត្រូវទៅជួបស្មៀនឃុំ-សង្កាត់ និងសួរព័ត៌មានរកឯកសារបំពេញលក្ខខណ្ឌចុះឈ្មោះបោះឆ្នោតជាការស្រេច។
ទាក់ទិនបញ្ហានេះ មន្ត្រីអង្គការធ្វើការងារពាក់ព័ន្ធការបោះឆ្នោតមួយចំនួន បានឲ្យដឹងថា ពួកគេបានត្រៀមលក្ខណៈបញ្ជូនភ្នាក់ងារអង្កេតការណ៍ជុំវិញសកម្មភាពពិនិត្យបញ្ជីឈ្មោះ និងចុះឈ្មោះបោះឆ្នោត ដោយយកចិត្តទុកដាក់។
លោកបណ្ឌិត ហង្ស ពុទ្ធា នាយកប្រតិបត្តិអង្គការនិចហ្វិច បានឲ្យដឹងថា អង្គការនេះបានត្រៀមភ្នាក់ងារប្រមាណ៥០០នាក់ ដើម្បីចូលរួមអង្កេតពីសកម្មភាពពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០១២ នេះ។
ចំណែកលោក គល់ បញ្ញា នាយកប្រតិបត្តិអង្គការឃ្លាំមើលការបោះឆ្នោត ខុមហ្វ្រែល (Comfrel) ក៏បានឲ្យដឹងដែរថា ស្ថាប័ននេះបានដាក់ពង្រាយភ្នាក់ងារអង្កេតការណ៍ប្រមាណ២៥០នាក់ សម្រាប់ឃ្លាំមើលដំណើរការពិនិត្យ និងចុះឈ្មោះបោះឆ្នោតឆ្នាំនេះ។
យ៉ាងនេះក្តី មន្ត្រីបក្សប្រឆាំងនៅបន្តចាត់ទុកនីតិវិធីនៃការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០១២ របស់ គ.ជ.ប មិនអាចជួយឲ្យការបោះឆ្នោតជ្រើសតាំងតំណាងរាស្ត្រអាណត្តិទី៥ ឆ្នាំ២០១៣ ប្រព្រឹត្តទៅមានលក្ខណៈសេរី ត្រឹមត្រូវ និងយុត្តិធម៌បានទេ បើមិនកែទម្រង់ប្រព័ន្ធបោះឆ្នោតនោះទេ។
កន្លងមក មន្ត្រីបក្សប្រឆាំងបានទទូចឲ្យ គ.ជ.ប កែប្រែនីតិវិធីស្មុគស្មាញមួយចំនួនជុំវិញការពិនិត្យ និងចុះបញ្ជីឈ្មោះអ្នកបោះឆ្នោត និងទាមទារបន្ថែមពេលវេលាចុះឈ្មោះ ដើម្បីឲ្យប្រជាពលរដ្ឋមានពេលទៅពិនិត្យ និងចុះឈ្មោះដោយគ្មានឧបសគ្គ និងការរំខាន។
ដើម្បីបោះឆ្នោតបាន មន្ត្រី គ.ជ.ប បានឲ្យដឹងថា ប្រជាពលរដ្ឋគ្រប់អាយុបោះឆ្នោត ត្រូវមានឈ្មោះក្នុងបញ្ជីបោះឆ្នោត និងមានឯកសារបញ្ជាក់អត្តសញ្ញាណផ្លូវការ ដែលមានឈ្មោះ និងទិន្នន័យត្រូវគ្នានឹងឈ្មោះ និងទិន្នន័យក្នុងបញ្ជីបោះឆ្នោត។ សម្រាប់អ្នកមិនទាន់បានចុះឈ្មោះបោះឆ្នោត ពិសេសយុវជន យុវនារី ទើបគ្រប់អាយុ១៨ឆ្នាំ គិតត្រឹមថ្ងៃទី២៨ ខែកក្កដា ឆ្នាំ២០១៣ កើតមុន ឬត្រឹមថ្ងៃទី២៩ ខែកក្កដា ឆ្នាំ១៩៩៥ និងអ្នកផ្លាស់ទីលំនៅចូលក្នុងឃុំ-សង្កាត់ថ្មី ត្រូវទៅចុះឈ្មោះបោះឆ្នោតឲ្យបានគ្រប់គ្នា ដើម្បីមានសិទ្ធិបោះឆ្នោត។
ទាក់ទិនបញ្ហានេះដែរ មន្ត្រី គ.ជ.ប ក៏បានបញ្ជាក់ថា សម្រាប់ប្រជាពលរដ្ឋបានចុះឈ្មោះបោះឆ្នោតរួច ត្រូវទៅពិនិត្យឈ្មោះក្នុងបញ្ជីបោះឆ្នោតដំបូង ដែលបិទផ្សាយនៅតាមសាលាឃុំ-សង្កាត់ របស់ខ្លួន ដើម្បីឲ្យប្រាកដថា បងប្អូនមានឈ្មោះក្នុងបញ្ជីបោះឆ្នោត និងមានទិន្នន័យត្រឹមត្រូវ។ ប៉ុន្តែលោកថា ក្នុងករណីឃើញទិន្នន័យក្នុងបញ្ជីបោះឆ្នោតដំបូងខុសគ្នានឹងឯកសារបញ្ជាក់អត្តសញ្ញាណផ្លូវការ សូមទាក់ទងស្មៀនឃុំ-សង្កាត់ ដើម្បីសុំកែតម្រូវ។
មន្ត្រី គ.ជ.ប បានឲ្យដឹងទៀតថា ក្នុងករណីឃើញឈ្មោះត្រូវគូសឆូតលុបនៅលើបញ្ជីបោះឆ្នោតដំបូង ដែលមិនបានស្នើសុំលុបទេ ត្រូវប្ដឹងតវ៉ាទៅក្រុមប្រឹក្សាឃុំ-សង្កាត់ ដើម្បីរក្សាទុកឈ្មោះលោកអ្នកក្នុងបញ្ជីបោះឆ្នោតវិញ។ ហើយក្នុងករណីពលរដ្ឋទើបចុះឈ្មោះបោះឆ្នោតថ្មី មានបង្កាន់ដៃបញ្ជាក់ការចុះឈ្មោះបោះឆ្នោត ប៉ុន្តែបែរជាគ្មានឈ្មោះក្នុងបញ្ជីបោះឆ្នោតដំបូងទេ ត្រូវប្ដឹងតវ៉ាទៅក្រុមប្រឹក្សាសង្កាត់ជាបន្ទាន់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheyVorman007
ពី AngKor Watបក្សប្រឆាំងសម្រេចចិត្តបែបនេះក៏ត្រឹមត្រូវដែរ លេងប៊ៀរអាង
តែខ្លួនធើ្វមេសាប់ផងកាច់ផងតែខ្ហលួនឯងតាមអំពើចិត្តម៉េច
Aug 26, 2012 12:18 PM
Castro De La Monreo
ពី Paris, FranceIf you not smart enough don't try to correct or change the subject. People who are never have a job with a particular work they're never know how hard is it. Try to be simple and easy for everyone. Don't try to cut head to fit hat.
Aug 25, 2012 02:41 PM
CheyVorman007
ពី AngKor Watកិច្ចកានិមួយៗបើនិយាយពីទ្រឹស្តីគឺថាវាល្អអិតទាស់តែការ
អនុវត្តន៏វាខុសគ្នាស្រឡះ ពិសេស គជប ហ្នឹងហ្មង។ជឿខ្មុំ
បើបក្សប្រឆាំងចង់មានឥទ្ធិពលដូច គជប ត្រូវធើ្វយ៉ាងអោយ
មានគ្នាធើ្វការក្នុងស្រុកខ្មែរគ្រប់ក្រសួង មានធើ្វធំធើ្វតូចដូច
គេ ព្រោះធើ្វអីៗមានមេអ្នកចាត់ចែង ដល់មេលើគេទាំអស់?
(ផ្កាយពីរយួនសម្ងំក្នុងក្រសួងមហាផ្ទៃ តែមានមួយមានពីរ
មានពីរមានបី បួន ហូរហែរ គ្រប់ក្រសួង ហីធើ្វអីគេកើត?)
Aug 25, 2012 01:18 PM
កូនខ្មែរមហានគរ
ចាំតែពួកហ្នឹងវាកែតើ ព្រោះវាឈ្នះដោយសារកិបកេងបន្លំ និងឲ្យយួនបោះឆ្នោត
Aug 25, 2012 09:26 AM
ព្រះមានភ្នែក
ពី ភ្នំពេញតាមតែស្តាប់យួរៗទៅ គ ជ ប គឺកាន់តែលំអៀនខ្លាំងទៅៗ ទៅកណបក្សកាន់អំណាចហើយ ដូចជាមិនមានអ្វីដែលហៅថា ស្រឡាញ់កូនអោយស្មើគ្នានោះទេ បើតាមខ្ញុំយល់គ ជ ប តែងតែរកវិធានការណ៏ ដើម្បីកំចាត់អ្នកដែលមិនពេញចិត្តហើយ អ្វីដែលខ្លួនមិនចូលចិត្ត តែងតែរកលះ មិនដែលយកមកពិភាគសារគ្នានោះទេ គ ជ ប តាមតែសង្កេតមើលទៅ គឺកាន់តែវៃអែបស៊ីអប ទៅកណបក្ស កាន់ណាចច្រើនណាស់ គឺមិនគោរពតួរនាទីរបស់ខ្លួននោះទេ គឺកាន់តែមិនដើរជាអាចញ៉ាកណ្តាលនោះទេ បើតាមវិភាគមើលទៅ ដូចពាក្យ អាមេរិកបាននិយាយថា Kiss Ass
Aug 25, 2012 06:39 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
